انقذوني وصلاتي من هذا العذاب...؟؟

السلام عليكم ورحمه الله وبركاته

اخواتي الغاليات .. دخلت اليوم هنا ابي نصيحتكم ومشورتكم في امر اصاب قلبي وحياتي با الارهاق

الرسول صلى الله عليه وسلم كان يقول ارحنا يا بلال ..؟؟

وهذا هو موضوعي.. انا ما احس بالراحه في صلاتي ..

من قبل سنتين تقريبا ا انتظمت على اوقات الصلاه وعلى النوافل والحمدلله تقربت اكثر الى ربي وهذا مو معناه اني ما كنت اصلي الا كنت اصلي بس الحين اكثر من النوافل واحافظ على اوقات الصلاه

ولكن بعد فتره بسيطه صرت كل ما ابي اتوضاء اتلخبط وانسى اذ سميت او لا واعيد الوضوء اكثر من مره ما اطلع من الحمام(اكرمكم الله) الا وانا متبهذله تقولي تروشت ..؟؟((شر البليه مايضحك))

وبعدها بفتره انتقل ها القلق والتوتر الى صلاتي .. الف مره اعيد النيه والتكبير وسوره الفاتحه اعيدها اكثر من مره لاني اشك اني نسيت ايه...

حياتي في صلاتي صارت عذاب بعد ما كانت راحه الجاء لها.

انا كثير حاولت اني اتخلص من ها المرض فعلا بديت اسميه مرض لانه اتعبني كثير

بكل الحلول حتى اني ادعي الله ينجيني من الشيطان ويبعده عن صلاتي

.. انا مو عارفه هل هذه حاله ولها علاج او هل هذا (جن) او وشياطين تسيطر على حياتي

او انه عين ....

لا تستغربون من توقعاتي لاني فعلا بديت اشك في كل شي ... لانه زمان كنت اصلى وعادي ..

بس الحين حياتي صارت عذاب

ارجوووكم يا اخواتي افيدوني.. ما ابغى الشي الوحيد الي يريحني يقلب عذاب لي

ساعدوني فأنا بحاجه لها ...


جزاكم الله الف خير