اقتباس مشاركة  (azah)
لازم تستعدي من اليل يعني تسوي صواني الحلويات في الليل وتنقي الخضار اليوم الثاني سوي السلطات والمقبلات في وقت مبكر بعدين سوي الاطباق الرئيسيه قبل موعد الوجبه بساعتين

azah ثانكيو ثانكيو ثانكيو

الحلويات أوكي تم
الخضار والسلطات ممتاز في قت مبكر أوكي
الأطباق الرئيسية قبل الوجبة بساعتين !!! صعبة يمكن يطرأ طارئ وانا متى اجهز نفسي
وخصوصا بوجود الاطفال !! قبلها بأربع ساعات ممكن

يعطيج العافية
الله يعينك ويسهل امورك

عندك صينيه سويتز المحشيه بالدجاج ممكن تلفيها قبل بيوم وتحطيها بالثلاجه ويوم العزيمه تصبى عليها الخلطه وبالفرن على طول..

المحاشى حشيها قبل بيوم ويوم العزيمه اطبخيها

فيه الخضار الصينيه ممكن تقطعين الخضار قبل بيوم ويوم العزيمه تسوينها
والله يعينك واذا فيه سؤال انا حاضره
اقتباس مشاركة  (أم دحومي الحلو)
زيادة على اللي قالوه الأخوات .. الله يوفقهم

جهزي (قبل بيوم) البيالات والفناجيل وحطيها في صوانيها وخليها في المطبخ

وصحون السفرة والمناديل والكاسات والملاعق والمغارف ووطايات الصواني ..

وكل المواعين اللازمة للعشا .. جهزيها وحطيها على طاولة الطعام ..

ونظفي البيت من وإلى كله قبل بيوم .. يصير باقي عليك بكره الكنس لو اضطريتي ..

وحاولي ماتبقين من بكره إلا الطبق الرئيسي ..

أنا عادةً أطلع اللحمة في الليل و أطبخ اللحم من بدري يعني العصر عشان الريحة وعشان يمديني أغسل القدور ..

وأكون منقعة الرز من بدري .. وقبل مايدخلون الضيوف أطبخ الرز وأخليه على نار هااادية

وتحته الحديدة الدائرية عشان يستوي على راحته .. ولا ينعجن ..

وأسوي السلطات وحلى السفرة وحلى القهوة قبل بيوم .. والفاكهة نفس الشي أغسلها وأصفها ..

بالنسبة للسلطات أحط عليها الصوص من بكره يعني أسويه وأحطه في علب .. وفي الثلاجة

والسلطة أقطعها بدون ماأتبلها .. وأغطيها زين وأحطها في الثلاجة ..

الصواني .. أسوي اللي ينفع يسوى وينحط في الثلاجة ..

ومن بكره ما يبقى لي إلا اني أحميه على نار هادية في الفرن وأحمره ..

حتى لبسي ومكياجي كله قبل بيوم ..

ماألبس وأتمكيج .. بس أطلعه على جنب عشان ماأتلخبط ..

والبخور .. أطلع الفحم والعود على جنب .. عشان ماأنساه ..

ومن بكره أصير رايقة .. ومرتاحة وأقعد مع ضيوفي على راحتي .. ولله الحمد

أم دحومي ... والله اني أحبك في الله من زمان

بس درسك طويل قريته مرتين عشان أركز

وخرعتيني لما قلتي حتى اللبس والمكياج قبله بيوم ... قلت اشفيها جنت الحرمة اسم الله عليج

مشكوووورة مشكووووووووووور ة مشكوووووووووووو وووووورة
اقتباس مشاركة  (أم ميثا)
أنا باجر عندي عزيمه
نظفت ورتبت البيت
غسلت الحوش
وجهزت ثيابي لباجر
وطلعت المواعين وكل ما يلزم للأكل وباجر من الصبح البشكارة بتغسلهن وبتبرزهن في حجرة الطعام

باجي الطبااااااااااا ااااااااخ لوووووووووول
أكيد كل شي من برع ماعدا الخفايف لول
لأني ما عندي وقت الصراحه
بس ألحين بسوي السويتات البارده
والسلطات
أما المحاشي
والفطاير
وكل شي من برع كفايه علي الزحمه اللي بتصير
وغسيل البلاوي اللي بتصير بعد ما نفضى
أم ميثا ها بشري اشصار على عزيمتج !! من وين طلبتي العشاء

اول ما قلتي غسلت الحوش ونظفت البيت قلت ماشاء الله عليها هبة ريح
ولما قلتي بتطلبين من برع ، قلت : أفا

عموما الله يعينك على وقتك ويعطيك العافية ... ومشكورة على النصايح وايد يا قلبي


بانتظار تجارب باقي الأخوات في الإعداد للعزيمة وكسب الوقت
لا إله إلا الله


الساعة الآن 05:00 .