وش تاخذون اغراض لاولادكم بطلعات البر(موسمها)

تحضرين شنطة طفلك مثل دايم كم غيار بس حاولي تكون تصلح عشان الجو بارد وتكون اكثر من غيار شراريب وهذي اهم شي واذا كان صغير قبعات وغطاللراس واليدين وجاكيتات واذا كنتم تنامون هناك يفضل الجاكيت اللي جيكي كامل من كل شي تلبسينة وقت النوم عشان لو تكشف حصل شي مايتعرض للبرد خذي معاك خافض للحرارة تمبرا فيفادول او ادول اي واحد منهاوخذي معاك مرهم من الصيدلية للناموس وناموسية له اذا نام تحطينه فيها عشان ماياذية شيء والحافظ الله انا احب اللي تجيكي مقفلة بسستة مثل السرير طبعا غطاوحاولي انك تشربينة سوائل دافية طبعا فواكة وعصيرات واذا لهاكل خاص فيه تاخذينه معاكي انا لما اروح المزرعة هذي الايام حوسة تعالي شوفي الشنط وبالذات ولدي معاه الربو حبيبي الله يشفيه اتعب مرة ان شاء الله اكون أفدتك واذا نقصت شي يزيدون البنات

كل ما يخطر في بالك حطيه معك لا تقولين وشوله ولا يكفي اي شي له خذيه يااما يحتاج غيارات كثير او حليب ينكب فحطي كل الاحتماات

السلام عليكم ورحمة الله وبركاته اختي لما تروحين البرد حطي في شنطة البيبي التالي: حفاظات , المناديل الرطبة للتنظيف فيه منها باكيتات صغيرة للتنقل ,كريم الحفاظات فيه منه نوع وايد ممتاز على شكل سبراي ( رشاش) أحسه عملي للرحلات اكثر من الكريم العادي, اخذ مجموعة سداري انا اخذ كذا وحدة لأن ولدي ذابحنا سعابيل :) , تاخذين معاك ترمس حافظ للحرارة تحطين فيها ماي حار مع ان مخيمنا فيه ماي حار بس الاحتياط واجب , تاخذين كم ممية ( رضاعة) حسب مدة قعدتك في البر طبعا تكون نظيفة ومعقمة, تاخذين معاك حافظات الحليب اللي تحطين فيها المقدرا اللي تبينه من الحليب بدل ما تاخذين علبة الحليب , تاخذين سرير منتقل للبيبي اللي ممكن يتحول لكرسي ايضا و تاخذين بطانية ثقيلة للبرد , تاخين غيارات داخلية وخارجية تكون ثقيلة للبرد , مصاصة اذا كانا البيبي متعود عليها, تاخذين الفرشة اللي تغيرين للطفل عليها , قبعة ودسوس اضافية , انا جايبة جنطة للرحلات فيها جيوب كثيرة احط فيها اغراض البيبي وفيها بالنص مكان يستعمل كفرشة للتبديل وكسرير ينام فيه الطفل. يفضل بعد تاخذين معاك جنطة للاسعافات الأولية وتحطين فيها الأدوية اللي البيبي ممكن يحتاجها بالاضافة الالى الاسعافات الأولية المعتادة يعني خذي معاك دوا لمشاكل سيلان الأنف والبرد مثل اكتيفيد او ما يعادله , خافض حرارة مثل تايلينول ودوا كحة يعني شغلات من هالنوع.وخذي معك البطانية اللي تجي على شكل كيس للبيبي هذي تدفيه زين.لا تنسين تاخذين له كم لعبة من الألعاب اللي يحبها وخذي معاك كم عضاضة لو كان في مرحلة تسنين .هذا اللي ببالي حاليا