كوبونات الراقية تسجيل الدخول

طير الأشجان

تنبيه --------> (((( المتان)))) بس يدخلون يساعدوني ******

الأزياء والموضة •

شخباركم بنات ؟؟
مشكلتي اني دبا :( وعندي مناسبه (عرس) بعيد الأضحى فاللي عندها موديلات لفساتين تناسبني لاتبخل علي بالصور
لاني مررررة متعقدة من شكلي:09:
يعني ابي قصات او حركات تخفي البطن لان اكبر مشكلة هي البطن
وانا مسوية قيصرية بولدي ولااقدر اسوي تمارين عنيفة مرررة
فأبي اخبي هالمنطقة
لكن جسمي من فوق حلو مافيه مشكلة
وبعد وشو افضل نوع من القماش يصلح لي ؟؟؟
وش الالوان غير الأسود تصلح لي ولون بشرتي فاتحة
مممممممممممم وبعد ابي اسألكم وش الدارج بالوان الشعر ؟؟؟والقصات للشعر القصير؟؟
ردوا بسرررررررررررررعة واللي يعافيكم
14
3K

يلزم عليك تسجيل الدخول أولًا لكتابة تعليق.

تسجيل دخول

ميثه الحلوة
ميثه الحلوة •
مهما كرهت اللون الأسود اكرر و اعيد عليج باللون الأسود أولا لأنه لون ملكي ثانيا كلاسيك (يعني ما تروح موضته أبدا أبدا ) و ثالثا لأنه يخفي الكثير الكثير من عيوب الجسم و اياج لبس الحرير لأنه يبرز عيوب الجسم و انصحج بموديل للحوامل ، لأنه الدارج الحين موديلات اللي تشبه موديلات الحمل. و بالنسبة للشعر يظل اللون البني على الكستنائي اللون الدارج على مر العصور و الأزمان . و بالنسبة لقصات الشعر، الدارج هو المدرج و القصة الخفيفة على الجنب .
() بنت ابوها ()
() بنت ابوها () •
السلام عليكم
بالنسبه للموديل نصيحه نصيحه نصيحه سويييه قطعتين يعن تنوره و توب او بلوزا لان هذا الموديل يضعف << اختي متينه وسوت هالموديل مره وااايد حلووو يبرم الجسم .. ومشالله كدته كد جد جد حلووو
وكان لونه اسود ومدخله دانتيل ..ومسويته كم ثلاث اربااع .. حدااا نااازك وراقي
وبالنسبه للالوان .. عندك الكحلي .. الرمادي .. الاخضر الزيتي .. وممكن البرونزي او البني الغامج .. وبيني وبينك ماكوووو على الاسود




وبالنسبه للشعر .. احلى لووون كستنائي متوسط مع خصل هاي لايت كستنائي غامج وفااتح .. فهمتي قصدي ... يعني درجااااات الكستنائي .. وخصوصا انتي بيضااا بيصيير حداا طبيعي ..
و واااايد دارجه قصه القصير من وراا وطويل لي جدام .. نسيت اسمها اعقد دقرادي !!!
وسويه سريت مع غره جانبيه الللللللللللللللللللللللللللله :):)
طير الأشجان
طير الأشجان •
مشكوريييييييييين يابنات واي وحدة عندها صور تنزلها او نصايح ثانية تحطها:26:
Alyasiyyah
Alyasiyyah •
استخدمي قماش طايح مب يابس يعني ابتعدي عن الأورجنزا وخلج مع الشيفونات والطبقات ولو كان اللبس لون واحد من فوق لين تحت بتبينين أطول .. وبالنسبة للكروووشة عليج بالزم عند البطن يخفي الكرشة .. أو ان الموديل يكون كأنج لامة القطعة مثلا من جهه خصرج اليمين ويايبتنها يسار .. هالشيء بيخلي صدرج يبرز ويبين البطن أصغر ..

أو سوي قطعتين من نفس اللون وفوقهم شيء شفاف بلون غامق .. القطعتين يكونن أفتح مثل شانجان صفوة .. والتوب يكون كورسيه بحيث تكون فيه خطوط الحديد أو البلاستيك اللي توقفه وتعطي الكرش شكل مسطح لأنه يكون كله بمستوى واحد من جدام فيبين انج ما فيج بطن .. التنورة تكون A لاين ..