السلام عليكم اخواتي في الله
الموضوع ومافيه باختصار ابيكم تعلموني حسن التصرف وتنصحوني لاني احبكم وادري مابتقصرون
انا متزوجه وعندي اطفال وعايشه في مدينه ثانيه بعيد عن اهل زوجي واهلي من سنه ونص ريلي حصل شغل لاخوه عندنا في نفس المدينه وجابه واخوه ماقصر جاب حرمته وبنته قبل لايدور سكن ويرتب اموره وسكنهم عندي في البيت خمس شهور لين راحو الحين بيتهم المشكله هاي سلفتى ماتكلمنى الاسوال ورد غطاه حتى وهي ساكنه عندي في البيت مانتكلم مع بعض كل واحدة قاعدة بركن ماقدر امزح معها مع انها اصغر مني بحوالي 10 سنوات ويوم كانت عندي ماتحب تطلع معاي الزيارات العائليه دايما الناس يسالوني عليها صرت اتفشل اقولهم ماتبي تروح والحين يزوروناكل اسبوع او اسبوعين وبعد يباتون وابدا ماتتصل وهي جايه كم مرة طالبت انا تخبرني بجيتها مافي فايدة بس اذا ريلي خبرني ان اخوة يقول امكن يجون عنا هالاسبوع وبعدين يوم تروح بيتها ما تتصل ولاتسال فينا لين الزياره لو شفناها
امس كنا نزورهم العصر وبنتى الصغيرة مريضه وشافوها اليوم قلت اكيد بتتصل في وبتسال عالبنت ولاسالت ولايحزنون المهم زوجي مضايق ويقول اللي يصير غلط وانه لازم نتعاون ونصير مثل الاخوات وبينا تلفونات وسالف لانه دايما يطلع مع اخوة وانا ومرت اخوة مثل الاغراب ماني عارفه كيف اسوي كنت اتصل فيها عالطول بعدين شفتها ماتتصل بطلت كنت دايما اخبرها اننا بنطلع مكان او بروح ازور جماعه وابي منها ترد علي اذا بتيسر وياي وملاقي منها الاالتطنيش ماترد علي تخلينى معلقه ماعرف راسي من ريولي حاولت معها اكثرمن مرة اقولها شوفيج علي انا زعلتج احنا المفروض تكون علاقتنا اكبر من كدا تقولي مافي شئ عادي يوم اخبرها اناحد من الحريم يبها عندة مثلا يخبروني ويقولون هاتي سلفتج وياج ماتجي وتقول اي احد يسال علي اعطيه تلفوني صراحه انا كذا اتفشل عند الناس
ساعدوني الله يخليكم بطريقه احسن من وضعي واقنع زوجي انه يبعد نظره عني وعن سلفتى كل يوم يسالنى متى اخر مرة كلمتيها بالتلفون اقوله قبل رمضان يزعل علي وهي ماتتصل علي الحين انا حامل وتعبانه وكنت قبل شهر ممنوعه من الحركه الناس اللي اعرفهم كم واحد اتصل يسال علي الاسلفتى هذا مع قلتها يوم شفتها عندي اني تعبانه وجبنا الغدا من برا لانهم جونا على الغدا وباتو بعد
الحين انا ملانه ماعندي طريقه للتعامل معها
ساعات افكر اكلم عمتى ام ريلي على اللي يصير بس عمتى وعمي وايد وليد يحبوها لانها قريبتهم
انتظركم خواتي :(
فون لايت @fon_layt
محررة ذهبية
يلزم عليك تسجيل الدخول أولًا لكتابة تعليق.
همي كبير
•
شكلها هي تبغى حدود بعلاقتها معاك اخسريها وخلها بحدودها
واذا جاتك او جيتيها خليك زيها كلمه ورد غطاها
واذا جاتك او جيتيها خليك زيها كلمه ورد غطاها
مكانك اطنشهاااااااااااااااااااا ولا اسأل انتي ماشاء الله عليك ماقطعتي واصلتي وماقصرتي خلاص اكثر من كذا وش تسوين خاصة انك تكلمينها عن اشياء ولا كانك قلتي شي خلاص التطنيش افضل حل
مكانك اطنشهاااااااااااااااااااا ولا اسأل انتي ماشاء الله عليك ماقطعتي واصلتي وماقصرتي خلاص اكثر من كذا وش تسوين خاصة انك تكلمينها عن اشياء ولا كانك قلتي شي خلاص التطنيش افضل حلمكانك اطنشهاااااااااااااااااااا ولا اسأل انتي ماشاء الله عليك ماقطعتي واصلتي وماقصرتي خلاص اكثر...
نفس المشكله مع زوجة اخوه انا زوجة الكبير او بقيت فتره على ما تزوج اخوه الثانى
وانا متشوقه متى يتزوج اخوه واتصير عندى صديقه واطلع معاها واتجى عندى واروح الها او لما جت
صارت كله جالسه الوحدها اوطلعتها مع اهلها واحنا ساكنين مع اهل زوجى وشققنا فوق او مانشوفها
حتى اهل زوجى وحمواتى يشتكون من هالشئ بس مافى فايده
وانا متشوقه متى يتزوج اخوه واتصير عندى صديقه واطلع معاها واتجى عندى واروح الها او لما جت
صارت كله جالسه الوحدها اوطلعتها مع اهلها واحنا ساكنين مع اهل زوجى وشققنا فوق او مانشوفها
حتى اهل زوجى وحمواتى يشتكون من هالشئ بس مافى فايده
واحـات
•
الله يعطيك على قد نيتك ويوفقك يا غاليه والله هالطيبه نادر وجودها
استغفر الله فيه بعض الحريم كذا تفكيرهم انطوائيات مايحبون الاختلاط اما لنقص فيهم او مادري وش سببه بس اعتقد والله اعلم ربما تغار منك وتبغى تعمل حدود بينك وبينها
اتركيها لا تلحي عليها بالمكالمات وفهمي زوجك ان هي الي ترفض الاختلاط وكل مره تكلميها وترفض تختلط معك قولي لزوك بس بحسن نية مو بهواش يعني قوليله الله يهديها كلمتها وما تبغى رفضت ما ادري اش فيها كل مره اكلمها ترفض صرت انحرج منها ... وهو اكيد بيتفهم وبيعرف ان الغلط منها
استغفر الله فيه بعض الحريم كذا تفكيرهم انطوائيات مايحبون الاختلاط اما لنقص فيهم او مادري وش سببه بس اعتقد والله اعلم ربما تغار منك وتبغى تعمل حدود بينك وبينها
اتركيها لا تلحي عليها بالمكالمات وفهمي زوجك ان هي الي ترفض الاختلاط وكل مره تكلميها وترفض تختلط معك قولي لزوك بس بحسن نية مو بهواش يعني قوليله الله يهديها كلمتها وما تبغى رفضت ما ادري اش فيها كل مره اكلمها ترفض صرت انحرج منها ... وهو اكيد بيتفهم وبيعرف ان الغلط منها
الصفحة الأخيرة
خلااااااااااااااااص طنشيها ماكانها موجوده
وش تبين منها ؟؟
اقنعي زوجك انها الصغيره وهي الواجب تسال وتدور وكلكم مثل بعض سلفات وزوجات اخوان
يعني ماعليك شررهه وهي ماعليها شرهه
ولا فيه حديث او ايه تقول عامليها زين اذا هي ماعاملتك زين
صح الجين المعامله واحسني النيه وعامليها بالحسني تردلك الحسني وتبي تستحي من نفسها
بس الظاهر ذي مايبلها الا التطنيش
اخو زوجي ساكن معنا هنا وانا وزوجي متغربين يعني مافيه لا اهلي ولا اهله هنا
هو يشوف اخوه يوميا بس ماله دخل مني انا وزوجة اخوه مو غصب اقابلها وهي ماتبيني
عشنا وشفناا مو غصب اجلس مع ناس مابيهم
وبالمناسبات والواجب ماقصر معها والسلاااااااااااااام