Analysis Services
السلام عليكم ورحمة الله وبركاته


اخواتي تكفووون من جد احتاج تدلوني وين اروح

معي شهادة بكالورويوس حاسب آلي جامعه الملك سعود إضافه لدورات مختلفة

وعندي خبرة في بنك وخبرة بشركة تدريب

حالياً اكمل دراستي فترة الصباح ولكن بمجال غير تخصصي واحتاج وظيفه مجال تخصصي بالمساء

ولكن ........... تعقدت مالقيت من يوظفني

كلهم يقولون اتركي الدراسه وخذي وظيفه كامله او يقولون مصلحة العمل أولاً والدراسه بتشغلك عن عملك واللي يقول بكل استهتار اذا خلصتي دراسه بعد سنوات تعالي نوظفك !!!

وانا متأكده لما اخلص دراسه وادور شغل يقولون نحتاج خبره سنتين ولا ثلاثه ... وبيلاقون حجه عشان مايوظفوني .... والحكومي قبل الخاص للأسف

و انا مااقدر اتركها هذا مستقبلي وبنفس الوقت صعب اجلس بدون شغل يعني بيضيع عمري ولا حصلت شي بس لأن ماعندي واسطه !!!

معقول مافي احد يتقبل يشغل انسانه طموحه تبي تجمع دراسه وعمل سوى !!!

ليش برى الدراسه والعمل شيء عادي عندهم وهنا من سابع المستحيلات ويستكثرونها عليك ؟

الله يعافيكم دلوني بمكان يقبل اشتغل فترة المساء فقط

غير المعاهد طبعاً لانها ماتجيب همها وهي مجال تدريب يعني تدريس وانا ابي اعمال إدارية

ارجوكم دلوني ... وين اروح ؟

فيه ناس قالولي شركة الاتصالات توظف مسائي بس ماقدرت اوصل لهم .... بالله الي عندها خبر تدلني ؟
14-11-1427 هـ, 05:37 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شدعووووووووووووه مافي احد رد

كلمه ولو جبر خاطر
14-11-1427 هـ, 09:01 مساءً
 
http://forum.hawaaworld.com/showthread.php?t=731831
ان شاء الله يفيدك الرابط هذا وتلقين الوظيفه
دعواتك اتوظف
14-11-1427 هـ, 11:25 مساءً
 
يعطيك العافيه يارب اختي ريفه

ويارب يارب تتوظفين بالوظيفه الي تسعدك

بس هذول وزارة المياه طالبين خبره من سنتين الى ثلاثه ودوامهم بالصباح

وانا ابي دوام مسائي
15-11-1427 هـ, 12:42 مساءً
 
15-11-1427 هـ, 05:16 مساءً
 


الساعة الآن 03:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏