اليوم حبيت اشاركم بتجربتي مع القطران لان لاحظت بنات كثير يدورون عليه وماهم عارفين طريقة استخدامه
اولا:
خلوني اقولكم تجربتي انا كان شعري خفيف وشبه كيرلي وكان عندي خاله شعرها احلى من شعر زينب العسكري بمية مره وكنت مصره اني اخلي شعري مثلها وسألتها وش تسوي فقالتلي حنيه باستمرار
وفعلا بدات احنيه كل اثنين وخميس من كل اسبوع يعني مرتين في الاسبوع وحده حرمه كبيره في السن كانت تشتغل عند ماما في المدرسه قالتلها خليها تحط عليه قطران في البدايه رفضت وبعدين قلت الي يبي الزين يصبر وفعلا صرت اخلط القطران مع الحنا واحني شعري في الاسبوع مرتين واستمريت بدون توقف وما كنت عارفه ان شعري يتحسن الا لمن شفت بنات عمي يتهامسون في العزايم ويسالون اخواتي الصغار هل سويت فرد ؟؟
بعدها عرفت ان شعري تغير للافضل وصار يلفت النظر وهنا اصريت على الاستمرار
ولمن دخلت الكليه والله يابنات ماابالغ اذا قلت تستوقفني في اليوم بنتين اوثلاث يسالوني عن لون الصبغه ويسالوني وش الخلطه اللي استخدمها لدرجة مره دكتوره عندنا في الكليه سالتني عن شعري واعطتني فلوس اجيبلها كل الي استخدمه واعلمها كيف ؟
طبعا انا ماكنت اسشور شعري كان ناعم ومفرود وخصله وحده ولون رائع وكنت احب العب بالالوان بالحنا اذا ابيه احمر احط دم غزال واذا ابيه بني احط نسكافيه مع قرنفل مطحون وغيرها من الالوان الطبيعيه وشعري الحلو كان السبب ورا زواجي لان اهل زوجي لمن شافو شعري انهبلو وكان حريم كثير يدقون على امي ماتعرفهم يسالونها من وين يجيبون الحنا والقطران وكنت حديث الكليه لدرجة صديقاتي كانو يقولون اكتبي الطريقه وعليقها علشان ترتاحين
انا اليوم كتبت تجربتي لان حبيت افيد البنات بالطريقه اللي قررت اني اعيدها بعد الزواج والحمل والولاده والصبغات والهايلات والسشوار
وقررت اني ارجع شعري القديم
صدقوني يابنات الطريقه سهله المهم الاستمرار
والمتزوجه لا تتعيجز وتقول زوجي وما اقدر ؟

زوجي وولدي يعني الساعه 12:30 او 1 وانام واذا راح زوجي يداوم اغسلها لان لازم يجلس في الشعر اكثر من خمس ساعات
وبكذا الحنا لابيضايق زوجك ولا بيعطل مشاويريك
الحين يابنات راح اعرضلكم طريقتي بالصور ومن وين الاغراض وارجو المتابعه بدون رد حتى انتهي واي استفسار انا جاهزه
انتظروني ثواني

يالله الغاليه انا انتظرج .... الله يوسع عليج ويرزقج الجنه
اولا احب اتكلم عن القطران وهذي صورته


وفوائده يطول الشعر يفرده ينظف الشعر يعقم فروة الراس يقبض مسام الشعر وبالتالي يوقف التساقط
بالنسبه للرائحه صحيح قويه بس تخف مع الحنا وبعد ماتغسلين شعرك شوية عطر وبخور وعودي والريحه باباي
بالنسبه من وين من أي محل عطاره بس تاخذين مختوم وعلب في كرتون ليش لان بعذ العطارات اللي تعبيه في علب اما تضيف عليه بنزين او قاز اوحتى زيت سيارات علشان يغشون وياخذون كميه اكبر فاشتريه معبأ افضل من معاصر الاحلام هي افضل شئ تلقيه في الصيدليات في وادي النحل في عطارة الماجد وقيمة 15 ريال


الحنا
انا دايم اخذ حنا المدينه الاخضر خضار حلو اوالحنا اليماني كمان ممتاز وهنا اقول روحو عطاره ممتازه وموثوقه لان اكتشفت بعض العطارات تخلك مع الحنا اسمنت او ملوخيه مجففه ومطحونه كل ماهو اخضر علشان يثقل في الوزن (اسال مجرب)
انا اخذته من عطارة الماجد
نجي للطريقه
جهزي طاسه وملعقه خاصه نعجنين فيها الحنا على طول
قبل ماتسوين الحنا يعني الليله الللي قبل اطحني بصل شوي وصبي عليه مويه وخليه منقع الا اليوم الثاني
الطريقه:
1 انخلي الحنا واعجنيه زي الصور واشدد على النخل لانه بيساعدك في غسيل الشعر





2 خلي عجينة الحنا شوي لحد ماتصير مويته حمراء اللون

3 جيبي خلاط الكيك وصفي موية البصل واضيفي على الحنا زبادي بيضه 2غطاء زيت قطران واذا الشعر طويل حطي 3وابدئي صبي موية البصل



واخلطي بالخلاط لحد مايصير الخليط غليظ لاتكثري مويه يعني يصير زي خليط الكيك علشان مايسيل من شعرك وخليه شوي
4جهزي اغطيه لشعرك اثنين اوثلاثه قلفز وسفره حطيها على ملابسك وسفره افرديها في المكان اللي بتتحني فيه علشان ماتخبصي الدنيا او اذا عندك شغاله تثقي فيه خليها تحنيك

5 مشطي شعرك وافرقيه اثنين وجيبي شباصتين شيلي جزء والجزء الثاني فرقيه ابتداء من تحت
6 جيبي الحنا والبسي القلفز وسمي الله وابدئي حني وانت تحنين اقري المعوذات وارقي نفسك
لحد ماتنتهي من اجزء الاول لميه على بعض وارفعيه على فوق وابدئي في الجزء الثاني فرقيه وهكذا لمي الجهتين فوق الراس وغطيه وامسحي وجهك ورقبتك وبكذا انتهيتي
خليه في شعرك ست او سبع ساعات اذا خمس مو موشكله بس مو اقل لان الشعر ماراح يستفيد


الساعة الآن 07:51 .