وصفة عجيبة غريبة لتحمية الطلق؟؟؟

تصدقوا ولا ماتصدقوا وصفة عجيبة عملتها وشغلت عندي الطلق مادري اذا كان هادا مفعول الوصفة ولا اجت كده بالصدفة مابعرف
هدا اول حمل الي وطبعا خلصت 40 اسبوع ودخلت يومين بالعاشر ورحت للدكتورة وحكت اللي كنت خايفة منه امتى بدك تيجي لنعملك صناعي :06:
يالله مابدي صناعي حكت لها مابنفع الاسبوع اللي جاي حكت لا تعالي بعد 3 ايام لانه بتخافي البيبي يكبر اكتر من هيك وانا بدي اياكي ترتاحي
وانا فعلا الايام الاخيرة كنت تعبانة جدا كنت حاسة حوضي راح ينكسر لمن امشي ولا اعمل اي حركة ورجلي منفخين ومش قادرة امشي عليهم
المهم استخرت وفي نفسي مابدي اروح وزوجي مستعجل على البيبي
ماما ماشجعتني اني اروح لانها مسكينة جربته 3 مرات وتعبت فعلا فيه حكت لي مش راح تستحمليه واذا كبر البيبي كم راح يكبر خليكي اصبري وخوات زوجي ماشجعوني كمان
جا الاربعاء وما رحت كلمنا ام زوجي في الليل حكت لي روحي الخميس وكلهم كم ساعة وتخلصي معليش اتحملي وخدي ابرة الظهر وان شاء الله ماتحسي باشي
اعملي هالوصفة وان شاء الله راح تولدي الصبح حكت لي اياها بثقة
اقلي بيض بزيت زيتون وشمي ريحته :o وبعدين احرقي مرمية وشمي الدخنة وبعد هيك عبي البانيو مية دافية واجلسي فيها وان شاء الله تولدي الصبح
سويت كل هالوصفات العجيبة وخلصت على الساعة 2:30 الصبح تقريبا
بعدها يمكن بنص ساعة حسيت بوجع خفيف يروح ويجي كل ربع ساعة قمت كويت وجليت وزاد علي الالم رحت ضويت الضوء على زوجي وهو نايم قام شافني مالك خير ان شاء الله
بطنيييييييييييي الم بيالم
اول ماراح الوجع حكى لي على السريع قومي البسي قبل ماتتوجعي تاني
رحت على المستفى وزاد الطلق وصار كل 5 دقائق
بس الرحم مفتوح 2 ونص بس
وصار يزيد الالم صرت ابكي بدي ابرة بدي مسكن
الابرو لسة بدري عليها حطوا لي مسكنات في المحلول والحمدلله مازاد الالم بس على الجهاز باين انه التقلصات اقوى جو فحصوا تاني الرحم 5 سم للاسف الوقت متاخر للابرة بلاش منها وشوية صار 8 الساعة 10 الصبح صار 10 وتمت الولادة 10:20 ورزقني الله ببنوتة زي القمر ماشاء الله الله يحفظها يارب
مش وصفة عجيبة عن نفسي اول مرة اسمع فيها