وكمان أستفدت من موضوع الأخت اللىكتبت عن يد مخملية


بفرك يديها بزيت اللوز والسكر الناعم


يالله نسمع رأي البنات


من أجل أن يسفيد منه البنات اللي فاتتهم المواضيع


واللي متخوفات أن يجازفن:32:

بخصوص الجسم الرشيق انا قبل كنت شوي متينه بس بعدها من كنت اشوف اجسام البنات كنت انقهر وصممت اكون احسن منهم والله وحياتج في شهر مشالله عليه صار جسمي ولا جسم عارضات الازياء وكل من يشوفني يقولي كأنج امريكيه لاتبعت رجيم ولا غيره سويت رجيم خاص حق عمري وكنت اسوي رياضه يوميا 3 ساعات في اليوم والحمدلله يوم ضعفت ماترهل جسمي ولاشي بالعكس كان جسمي مشدود وحلو والكل يحسدني عليه وبعدها تزوجت وحملت وجبت بنت ومشالله جسمي ماتغير صرت احافظ والحين اذا حد شافني ينصدم اذا قلت عندي بيبي يقولون مايبين
اما بخصوص البشره الحمدلله بشرتي عاديه ماعندي مشاكل وايد فيها الصبح اغسل وجهي برغوه من استيه لودر واحط كريم حول العين من جيرلان وكريم الوجه من اليزبث اردن
وبالليل نفس الشي بس استخدم الكريم الليلي بس بصراحه نادرا ما احط ماسكات بس اداوم على التنظيف واحط سيروم بين فتره وفتره اذا كنت مرهقه وسهرانه ولا فيتامين سي
اما بخصوص بشرة الجسم استخدم الصابون عادي وبعدها سكراب باحماض الفواكه واذا كانت عندي مشكلة في جسمي احاول اعالجها يعني مثلا انا الحمدلله ما اعاني من سواد الكوع والركبه ولا الابط بس بصراحه بين الفخذين عندي شويه سمار بني بس مش سواد وانا الحين مسويه خلطه احس انها وايد جابت نتيجه معاي ولين الحين مستمره فيها
اما بخصوص التشققات استخدم حاليا برنامج اوباجي بس بعد فتره بشوف النتيجه اذا كانت اوكي ولا لا
اما عن الوجه فانا وجهي نحيف شوي ابي امتنه بس بدون مامتن جسمي فلي تعرف تعلمني
اما بخصوص الشعر ..من فتره كان شعري حلو بس قمت اشتري زيوت غاليه واحط فيه قام يطيح وخف وايد وانا الحين وقفت الزيوت لاني احس ان الزيوت طيح الشعر فصرت استخدم شامبو خاص ووايد نفعني
الظاهر كتبت لكم جدولي اليومي بالتفصيل الممل

انا بجيب لكم ما عندي بس مو الحين لانها خلطات.. من بكره بتكون هنا ان شاء الله ..
بس حبيبتي رمايه "ازا ما فيها سئلي" ممكن تقولين وشلون غيرتي جسمك ريجيمك ورياضتك وشي بالضبط..وكيف كان جسمك قبل..


اختكم..
سبائك العسجد..

بقولج شلون كان جسمي تقريبا اعتبر متينه بس مش المتن الشين بس متينه وبس خلال شهر مشالله علي نزلت 17 كيلو وصار جسمي والله مثال الرشاقه يعني الكل كان يقولي جسمج فضيع , ضيعفه بس مش الضعف الشين..يعني الضعف الحلو الي مايخفي الانوثه...والله العظيم وايد ناس ماشافوني فتره وبعد ماشافوني انصدموا وبعضهم ماعرفني وتم يحنون علي يبون الرجيم الي اتبعته...بس المهم بقولج شلون كان نظامي كان اكلي الصبح بيض او جبن مع حليب خفيف الدسم وثلث خبزه....او اي شي مايعادل هالوجبه والظهر اكل الغدى العادي بس اقل من نصف الكميه الي انا اكلها بس في اشياء كنت ممتنعه عنها مثل المقالي والسكر والحلويات والله شهر حرمت نفسي منها بس كنت استخدم عسل طبيعي او محلى صناعي بس بكميه قليله.....ممنوع البيبسي....وكنت اكل فواكه اذا جعت بين الوجبات واكل سلطه...بس ممنوع الافوكادو والمانجو والموز بكميات كبيره يكفي تاكلين احد هالفواكه مرتين في الاسبوع كنت اكثر من التفاح والبرتقال ,,,والخضراوات كنت اكثر من الخيار والبقدونس والخس والطماطم واقلل من الجزر شوي والبطاطا.والفاصوليا....والعشى اكل شي مشوي مع خضار وحليب...يعني كنت اعتمد الاكل الصحي علشان مايطيح شعري ولا تخترب بشرتي.......بس شنو كنت العب رياضه يعني كل ساعتين تلقين العب نصف ساعه رياضه ...كنت اركز على رياضة البطن وكنت العب حبل لان لعب الحبل يحرق الدهن بسرعه...يعني اقل شي كنت في اليوم العب 3ساعات رياضه وهالشي خلى جسمي مشدود حيل ولا فيه ترهل ولا شي حتى لما اقول حق ناس اني كنت في يوم من الايام متينه مايصدقوني يقولون مانتخيل ابدا وتخيلي هالكلام من متى تقريبا يوم كان عمري 16 والحين انا مشالله 23 ومحافظه على الي وصلت له

ونسيت اقول اهم شي في الرجيم الاراده ثم الاراده ثم الاراده...اذا صممتي توصلين للي تبينه بتوصلين انشالله بعد الصبر والمثابره ترى شهر مش وايد اهم شي تتخيلين بعد هالشهر بتكونين حلوه وملفته كل شي بيهون...بس اهم شي الغذاء الصحي