اشلونكم يا احلا بنات

قبل اسبوع زارتني حماتي اخت زوجي الكبيره فجاه
اتصلت علي الساعه 7 بالليل وقالت انا بالدمام وبجيكم بعد ساعه


انا اهنيه اختبصت وحسيت اني في ورطه لانها من سنه ما دخلت بيتي

قالي زوجي بنطلب من المطعم وخلاص

بس انا راسي والف سيف قلت لا

هي ماشاء الله فنانه بالطبخ تجي تشوفنا طالبين من المطعم والله بتاكل وجهي

المهم رحت وطقطقت بالمطبخ وسويت ذيك السفره السنعه<<الحاجه ام الاختراع

وحياكم

وسوري عالاطاله

-----------------------------------------

الطبق الاول:
-------------

فطيره بالدجاج والكوسا والباذنجان
-----------------------------------
المقادير
--------
كيس صمون مفتت بالخلاط تقريبا 8حبات
1 اصبع زبده سايحه
نص دجاجه مسلوقه ومفتفته
جبن المراعي كاس السائل
2 قشطه
1 كوسا مقصصه دوائر ومقليه
1 باذنجان مقصصه دوائر ومقليه
بصل وثوم وملح وبهار ونص حبه ماجي للحمسه(الكشنه)
شويه بقدونس وشبت للطعم الجنان
---------------------------------
الطريقه
--------
1) نجيب الصمون ونخلطه مع الزبده عدل لما يتماسك شوي
2)نجيب صينيه التشيز كيك وندهنه بشويه زيت نحط نص كميه الصمون فيها
3)نحمس البصل مع الثوم لما يذوب ويشقر شويونحط عليه الدجاج المفتت ونصب عليه بياله ماي دافي علشان ينخلط عدل ونحط البهارات
4)بعد ماينخلطون عدل نخلط معاها البقدونس والشبت+2 ملعقه جبن المراعي+نص علبه القشطه
ونحطها على الصمون اللي بالصينيه
5)نحط فوقها الباذنجان بشكل دائري ومرتب صفه وحده بس اللس بالنص نخليه فاضي ويكون بعيد عن الطرف 2 سم تقريبا-ونحط داخل بالنص الكوسا المقليه بشكل دائري بعد
6)نغطيها بباقي الصمون ونخلط على جنب وبصحن ثاني بعد
4ملاعق جبن وعلبه القيمر ونغطي وجه الصمون

7)ندخلها الفرن من تحت 10 دقايق بس وبعدين انشقرها من فوق مثل الباشميل

اتركيها تبرد دقيقتين وبعدين بالسكين مرري على الاطراف علشان اذا فتحتي الصينيه ما تلزق فيها

وبعدين قطعيها مثلثات مثل البيتزا وشوفي الطعم الجنان
قدميها لضيوفك وانتي
-----------------------------------
الطبق الثاني والحلا بكتبها الحين ان شاء الله بس تعبت من الكتابه

استننوني
17-11-1427 هـ, 03:09 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بانتظارك ..............بس لا تطولين
17-11-1427 هـ, 03:31 مساءً
 
في أنتظارك
17-11-1427 هـ, 03:33 مساءً
 
نكمل
الطبق الثاني
-------------
اللزانيا
-------
المقادير
--------
شرايح اللزانيا20 شريحه تقريبا
لحم مفروم الكيس كله
2طماطم مخلوطه بخلاط العصير
بصل وبقدونس وشبت(اموت عليهم)
بهارات
------------------------------------
الطريقه
----------
نجيب البصل ونحمسه لما يذوب ويشقر ونحط عليه اللحم المفروم
ونخلطهم لما تذوب اللحمه
بعدين نحط عليها البهارات (بهارات+نص حبه ماجي +ملح) 5 دقايق لما ينخلطون عدل
بعدها نضيف الطماطم اللي بالخلاط ونخليها على نار هاديه 10 دقايق لما تثخن وتثقل
نحط عليها البقدونس والشبت
نروح للخلطه الثانيه اللي هي خلطه الباشميل
انا استعملت خلطه كنوز لخلطه الباشميل بس وحطيت معاها نص حبه ماجي لانها تجي ماصخه مره

نجيب صينيه بايركسوتكون معدن لان الزجاج تاخذ وقت اطول وانا كنت مستعجله

نحط فيها 4شرايح الزانيا(او على حجم الصينيه المهم تتغطى كلها)
نحط عليها خلطه اللحم المفروم
بعدين اللزانيا
بعدين خلطه الباشميل
بعدين اللزانيا
بعدين اللحم المفروم
وهكذا الين اتخلصين وتكون اخر طبقه هي الباشميل
تدخلينها الفرن من تحت نص ساعه الين تستوي اللزانيا
وبعدين من فوق يادوب تشقير
وقطعيها مستطيله وقدميها لضيوفك وانتي مبسوطه

-------------------------------------------------------------

نجي للحلا
17-11-1427 هـ, 03:34 مساءً
 


يامرحبا بام سعود
وتويتي

-----------------------

الحلا كان ام علي

وكان رهيب وسهل مره مره
----------------------------

المقادير
-----------
علبه بف باستري
2كاس حليب نيدو مخلوط وجاهز
بياله سكر
ملعقه صغيره فانيلا
مكسرات(جوز ولوز وفستق كامل)
-----------------------------------
الطريقه
---------
1)نخلط الحليب مع السكر والفانيلا ونحطها على النار الين تفور(تفوح)
2)نقص البف باستري مربعات صغيره
كل قطعه بف باستري 6 حبات نمسحها بشويه حليب مخلوط ببيض علشان تشقر وندخلها الفرن الين تنتفخ
3)بعد ماتطلع نحطها بصحون صغار فخار لاننا بندخها الفرن مره ثانيه
4)نحط نص الكميه بس بف باستري بعدين نشربه بالحليب ونحط عليه المكسرات ونحط مره ثانيه البف باستري ونشربه بالحليب مره ثانيه
5)نخطيه بالقشطه البلدي
انا ماكان عندي وش سويت
خذيه علبه قشطه اولكور+شويه الحليب اللي سويته
وحطيته فوقها
دخلتها الفرن بس من فوق علشان ما تنهرس البف باستري حلاتها هشه شوي
وبس طلعتها زكان شكلها وربي جنان والريحه وااااااااو

وبس
---------------------------------------

خلصت
-------------

ان شاء الله يعجبكم

وشجعوني ترى اول مره اكتب هنا

بصراحه اللي موجودين هنا فنانات واستحيت احط شي
بس قلت لازم اذوقكم من اللي سويته
ويعطيكم العافيه جميعا
----------------------
17-11-1427 هـ, 03:44 مساءً
 


الساعة الآن 05:06 .