انا تخصصي محاسبه بس ما شتغلت
درستنا كانت على برنامجين وغير مفاهيم المحاسبه من اصول وخصوم والخ ووالجداول
عاد مادري الشغل نفس دراسه ولا لا
والبرامج اكسل مع سمك برنامج خاص للمحاسبين
21-11-1427 هـ, 05:25 صباحاً
 
سارونه22 ,,, ياهلا فيك
وأشكرك على توضيح البرامج ,,,
والإكسل سهل إن شاء الله ,, لكن ماادري اذا بيستخدمونه أو غيره
وربنا يوفقك .
21-11-1427 هـ, 11:32 صباحاً
 
السلام عليكم ورحمة الله وبركاته،

اختي المحاسبه لها فروع كثيره، و الحكومي منها غير الخاص ... ومنشآت الافراد غير عن الشركات اللي فيها بعد اكثر من نوع.

أهم شي في المحاسبه انج تحبين الرياضيات وتكونين فوق المتوسط فيها ... لأنها بصراحه مو سهله، إلا اذا كنتي ماراح تشتغلين كل شغل المحاسب.

لأن المحاسب شغله يتضمن " رواتب، مصروفات جاريه ورأسماليه، حسابات، ميزانيه، صندوق، جرد ...الخ" يعني شغله لها اول ومالها آخر، والوظايف هذه بعد تختلف من شركه لأخرى حسب طبيعتها ... يعني " مقاولات، مصانع، استيراد وتصدير ...الخ"

فمثلا اذا مسكتي الصندوق بس يعني إن شاء الله تكون هينه، بس الشغله كلها وانتي دراستج مو محاسبه يمكن تكون صعبه شوي ...

أكيد ممكن تصير اخطاء وفي اخطاء ممكن انها تتعالج عن طريق القيود المحاسبيه، وفي اخطاء للاسف في حال حدوثها لازم تتحملينه شخصيا.

مثال: لو صرفتي مبلغ بالخطأ وما قدرتي تستردي المبلغ من الشخص، ساعتها انتي تدفعين قيمة المبلغ، او ممكن تتحولين للتحقيق.

في برامج وايد للمحاسبه، والاكسل يعتبر ابسط برنامج، وأغلب الشركات الكبيره ماتعتمد عليه، لكن يكون لها برامج على الاوراكل او الكوبل.

في شي نسميه " حدس المحاسب" وهذا يخليه يحس بالغلط في الأرقام اللي جدامه حتى لو كان شكلها تمام ... هذا بعد مهم يكون عندج، لكن للأسف ماراح تقدرين تعرفينه إلا بالتطبيق العملي، زائد انه لازم يكون عندج معرفه كافيه بالقوانين والأنظمه اللي تحكم مكان العمل اللي راح تشتغلين فيه.

كلامي لج عن دراسه و خبره عمليه في هذا المجال، ما أبي اخوفج لكن خذي احتياطج في كل صغيره وكبيره.

في الاخر ترى يقولون" المحاسب لو بغى يسرق بيسرق بدون ما احد يكتشفه"، ومايمنعه إلا الخوف من الله سبحانه وتعالى.

خلي خوفج من رب العالمين ومن الحلال والحرام دايما جدامج، والله يوفقج.
21-11-1427 هـ, 12:25 مساءً
 
بحور العطر

وعليكم السلام ورحمة الله وبركاته ,,,,,,,,
ربي يجزاك كل خير ,,, ردك شامل ماشاء الله عليك .
والحمد لله أنا اكثر من ممتازة بالرياضيات وماعندي اي مشاكل فيها
وإن شاء الله إذا الوظيفة فيها خير لي ربي يسهلها وإذا لا يعوضني بأحسن منها .
أكرر لك جزيل الشكر على ردك ...
22-11-1427 هـ, 11:51 صباحاً
 
بالتوفيق إن شاء الله ...
23-11-1427 هـ, 08:36 صباحاً
 


الساعة الآن 04:18 .