علبة زبدة كاكاو بالمرز 100 جم
ربع كوب زيت لوز مر وربع كوب زيت جونسن الاخضر بالصبار
نص كوب جليسرين شفاف
الطريق ماخذتها من موقع اجنبي قبل رمضان وتكاسلت اسويها لاني ما كنت القي زيت صبار للجسم زين فقلت اجرب مال جونسون والنتيجه مرضيه
فرغي الزبده في قدر صغير بس تاكدي ما فيه نقطة ماي
حطي على قدر كبير فيه ماي يغلي لحد ما تذوب الزبده وبس تذوب وتحل اضيفي باقي الكونات وخلطيهم بسرعه ترى الزده بس يحوشها اي شي بارد جمدت قلبيها لحد ما تنعم تتبرد زين قبل الحفظ
والكميه تكفي علبة الزبده نفسها وعلبة ثانيه حاطه لكم صورتها
نصيحه:26:
لا تحتفظين باي زيت لك بالحمام اعزكم الله لا لشعر او لجسم لانه دايم رطب والزيوت تزنخ بسرعه
وتكون لها ريحه تفسدها الافضل بالغرفه
بعد الاستحمام والتنشيف وجسمج نتفة رطب دهني جسمك كله وراح يتشربه بس لو كثرتي بيدهن بس لا تكثرين النتفه منه تكفي
استفد منه من اول اسبوع يوم وترك والصبح بس اتوضا ادهن ريولي والبس دلاغ يحميهم بشكل ممتاز
:26:
تشكررررررررررررررررررات