انا في مرة عملت كمعلمة بديلة ...

كنت مقدمة على الوظائف الرسمية وما انقبلت بعد بداية الترم بشهر أو ثلاث اسابيع يمكن دقوا علي قالوا في وظيفة معلمة بديلة ( بدل معلمة أخذت اجازة الترم كله ) تبينها ولا لأ ؟ قلت اوكي واتوظفت فيها ..
طبعا مالها تقديم هذي الوظيفة يكتفون بتقديمك على الوظائف الرسمية ويمشون بالدور على حسب التقدير والدورات وهكذا ...

في وظائف على بند محو الأمية هذي اللي ليها تقديم مختلف عن تقديم وظيفة المعلمة البديلة وموقع التقديم شعبة محو الأمية في المربع أوكي .

بس هل في تقديم الحين ؟؟؟؟؟ والله ماأعرف
العام الماضي صديقتي قدمت عندهم وبعد فترة دقوا عليها بس هيا رفضت لأن المكان مرة بعيد عليها ونفس الطريقة يمشون في التوظيف بالدور زي ما يقولون !!!
بس والله ماعندهم مصداقية وانا مجربتهم وأكثر من مرة يوظفون اللي معاها واسطة ويطنشوني مع ان تقديري كويس فحسبي الله ونعم الوكيل .
الحين انا عندي عقدة من الديوان وكل شي يتعلق بالتعليم والله العظيم اكرهه
اسأل الله العلي العظيم إنه يرزقني ويرزقكم بالرزق الحلال اللهم آمين

لا تنسوني من دعائكم
الله يعينكم يامعمات الرياض
احسه تعب عليكم والله
ندى الاسهم
انا من الرياض ياليت تقدرين تفيديني

عيون تعانق بصمت
انا متخرجه بعد سنه 1425 يعني توني متخرجه
راحت علينا يالخرجيات الجدد
ياحبي لك ياليان لسا توك طازه وعندك امل

زمان كنت ما اسمع بتقديم الا انا اول واحده واتصل وادور لكن قواي خارت للاسف وبطلت افكر بالوظيفه ..

لكن ما اقول الا الله يرزقك وينولك اللي في بالك

وان بتسمعين شوري لاتنتظرين وظايف الحكومه تراهم ماشين بالمحسوبيه .. قدمي بمعاهد حاسب بجامعه بالكليه .. وان شاء الله تلقين اللي تبينه على الاقل مؤقتا الين تسمعين بتقديم حكومي

وبتوفيق
يابنات في الجريدة كتبوا التقديم يبدء من يوم السبت في الرئاسة في جدة ورحت بس تكتيبن اسمك والسجل المدني والتقدير والمعدل وحاطين لكل قسم ملف تختارين الملف تبع قسمك وتعبيئن البيانات
ماشاء الله صحبتي طلبوها مرتين معلمة بديلة ,,,, بس انتم ليش تقولوا في الديوان؟؟؟؟؟


الساعة الآن 03:20 .