اختي المستثمره دعائك قاسي بالمره
لاتنسين انك تدعين على ناس مسلمين مو كفار ووش ذنب الاطفال يدخلون في الموضوع
وللعلم ترا انا وزوجي وبعض معارفي متعلقين وخسرانين يعني حاسه
باللي انتي تحسين فيه من القهر بس مانقول الا
حسبي الله ونعم الوكيل..
23-11-1427 هـ, 01:38 مساءً
 
آآآآآآآآآآآآه
طول عمري راضيه بوجود هالك قرش في رصيدي في البنك ولاتزيد ولاتنقص لأني ببساطه مااعرف شي اسمه اسهم
وكل ماجاتني قرشين حطيتهم على قروشي اللي في البنك ولا تقولو هذي عندها مال قارون
والله اقل من التسعه الاف
المهم
الوقت اللي شفت كل الناس هابين في الاسهم والكل يشجعني اني استثمر هالقرشين في الاسهم قلت اتوكل على الله واحطها في صندوق الامانه
والله يومين الا والسوق طايح واتذكر هذيك الايام
الآن بعد ماكانو ثمنيه الاف لها شهووووووووووور وهي يااربعه الاف يااقل
والحين وصلتني رساله تقول انها ثلاثه الاف
يالله
فلوسي وين راحت ؟ ليه كذا ؟ الحمدلله
نسيتها وعشت حياتي
وانتي فتحتي الموضوع
المصيبه اني اعرف ارامل ماعندهم الا مبالغ بسيطه لايتامهم قالو بنستثمرها لاولادنا بعد مامدحوها الناس وشافو الربح عند غيرهم
وبمجرد ماحطو فلوسهم بالاسهم طاح السوق وخسرو كل شي والحين لنا شهووووووووور على هذا الحال
من شهر صفر الماضي تقريبا
لاحول ولا قوة الا بالله
حسبي الله ونعم الوكيل
بمجرد ماتوصل فلوسي للرقم اللي حطيته في الصندوق راح اسحبهم والحمدلله على كل حال
احسن لي اخليهم في رصيدي زي زمان وكل ماجاتني قرشين احطهم معاهم
لأنهم حرام اضيف شي على الصندوق الاستثماري وتضيع فلوسي بدال ماتزيد
تبقى على حالها احسن من انها تنقص
23-11-1427 هـ, 02:32 مساءً
 
خواتي مو هدا دعائي انا لكن سمعته وقريته في كثير من المنتديات و توقفت عنده وفيه دعاء اشد واعظم قريته في كثير من المنتديات ويشيب له الراس ............. وكان سؤالي هل هم معدورين أم انهم تعدوا
23-11-1427 هـ, 07:10 مساءً
 


الساعة الآن 05:07 .