مشكورين على مروركن اخواتي


ماري جولد ..

اقتباس مشاركة  (MARIGOLD)
مرحبا كيف الحال
صراحة صور رووعة وانا نفس حالتج ما احب اتبل المشاوي بشكل ثقيل و السمك نفسك بالضبط بس احط عليه ملح ويطلع رووعة
بس عندي سؤال
ممكن تعطيني طريقتك بالتفصيل في اشعال الفحم؟ يعني كيف تشعلينه بالضبط؟؟ ادري ادري سؤال غبي
وعندي سؤال ثاني....الحين الفحم يضل مولع طوووول فترة الشواء؟ مايخمد بنص المرحلة؟ ما يبرد لو طاح عليه ماي وزيت اللي يطلع من اللحوم والسمك؟ لان لما نعملها نتبدهل الفحم يخمد ولو كان شيء فيه سوائل مثل السمك يخمد بسرعة اكبر و نتبهدل ...
ياريت تفيدينا
و بارك الله فيكي

بالنسبه لطريقة اشعال الفحم ..

اول شي .. حطي الفحم في منقلة الشوي .. ويفضل يكون فحم حجري من نوعيه جيده .. وتكون قطع بأحجام كبيره

و صبي فوقه " سائل اشعال الفحم " .. مكتوب على الغرشه جذي ..

وخليه ينقع فيه لمدة نصف ساعه الى ساعه ونصف .. حسب الكميه اللي بتسوينها

بواسطة حديده معدن .. اجمعي الفحم كله في وسط المنقله مكونه فيه هرم صغير

ارمي عليه عدة اعواد كبريت مشتعله .. بس انتبهي لانه النار بتشتعل فجأه لحد يكون قريب منها

استخدمي كرتون من الورق المقوى جدا او قطعه من الخشب .. و " هوّي " النار

وكل ما هفيتي عليها هوا زود بتشتعل زود ..

انتظري لحتى تشوفين انه النار " اللهب " خمد .. وصار الجمر لونه ابيض

وزعي الجمر على كبر المنقله بالتساوي ..

وابدأي بالشوي .. وان شاء الله بيظل والع وياج لين تخلصين الشوي وتسوين الشاي بعد ومايطفي

بس اهم شي انج لاتضيفين له فحم مو والع ابدا .. رح يخمد النار بدل مايزيدها ..

و اثناء الشوي .. لازم تكون اللحومات المشويه .. ناشفه .. يعني مافيها ماي او شي ..

بس متبله بدون اي شي ينقط منها عشان لا يخرب عليج الفحم ..

وبالنسبه للدهون والشحوم اللي في اللحومات .. فهي اذا طاحت على الجمر تزيد اشتعاله


واهم شي انج ماتحطين الاكل عالفحم مباشره .. لازم اكو مسافه بين الفحم والاكل اللي بتشوونه

مع التقليب المستمر .. و كل شوي هفي عليه بالكرتون اللي عندج عشان يستوي من كل الجهات

و عليكم بالعافيه ان شاء الله


وهنا طريقة اشعال الحطب بدل الفحم

>>> اضغطي هنا <<<



واي سؤال حاضرين
30-11-1427 هـ, 08:13 مساءً
 
جزاكي الله خيرا على هالرد المفصل جزاكي الله الف خير عزيزتي
01-12-1427 هـ, 05:29 مساءً
 
الله يعطيك العافية
01-12-1427 هـ, 07:03 مساءً
 
أسعدني مروركن
02-12-1427 هـ, 07:11 مساءً
 
مااااااااااشاء الله ...

شغل مرتب وووووووووووووشهيييييييييييي

عليكم بالعافيه ..
02-12-1427 هـ, 09:21 مساءً
 


الساعة الآن 09:20 .