بسم الله الرحمن الرحيم
السلام عليكم ورحمه الله وبركاته

أخواتي انا اول مره اشترك في هذا المنتدى وهذا اول موضوع ليه , من زمان (تقريبا3 سنوات ) وانا اسمع عن موقع حواء واحيانا ادخله وماشاءالله عدد المشتركات كتير
ـــــــــــــــــــــــــــــــــــــــــــــــــــــــــــــــ
ابغى احكي لكم قصتي مع الأصرار والعزيمه ... لما كنت في صف ثالث ثانوي اصبت بمرض وعانيت معاه وماقدرت اجيب لي نسبه تدخلني كليه الطب مثل ماكنت احلم واستمرت معاناتي مع الآلآم اكثر من سنه وظليت في البيت سنتين لاكليه ولا وظيفه وبعدها الحمد لله دخلت الكليه والحين انا خريجه سكرتاريه وسجلات طبيه الحمد لله وناويه اكمل ماجستير ودكتوراه في المستقبل *****الله ولكن ماتوظفت قدمت على اكثر من وظيفه في المستشفيات الحكوميه والعسكريه والخاصه ومالقيت ( يمكن لأنه لي شروط خاصه بالوظيفه) وقدرت اتعلم بنفسي اللغه الانجليزيه وقطعت مشوار لأبأس فيه يعني افهم احيانا الكلام في الافلام أو الكتب بدون اي ترجمه و ماوقفت عند هاذي الحدود كافحت واستمريت وقررت في يوم من الأيام اني آخذ دوره تجميل لحبي لهاذي المهنه وفي البدايه اخذتها انا واختي لأنفسنا وبعدين اقترحت اختي اننا نشتغل بالبيت وكانت البدايه وابوي ساعدنا واعطانا غرفتين من المحلات الموجوده في بيتنا والي من المفروض انها تتأجر ...جهزناها وجبنا الطلبات ووطبعنا الاعلان وعلمنا اخواتي الثنتين ولقينا اقبال كبير ويجونا زباين من كل مكان من المملكه ( حائل - جده- الرياض- القريات-القصيم-المدينه - تبوك - الجوف -عرعر واماكن ثانيه) اذا سألو عن الشغل الزين يدلونهم على صالونا. والحين لنا 5 سنين نشتغل بهاالصالون و جهزت لوحدي أكثر من ثلاثين عروسه من غير الخطوبه والحمد لله كلهم يذكروني بخير. ومو بس كذا انا عندي حب مو طبيعي للحاسب واخذت دبلوم كمبيوتر وجالسه اعلم نفسي برامج كثيره واستفدت منها ...... واحب القراءه والكتابه انزل كتب الكترونيه في مجالات كثيره من الانترنت و اقراها واكتب خواطر ومقالات اجتماعيه وادبيه ونفسيه
وادرس حالياً انتاج 3 كتب واحد منها على وشك الانتهاء يتناول موضوعه العمل من المنزل للنساء وبخاصه لربات البيوت ويحوي على افكار ومشاريع للعمل من البيت أو من الأنترنت...والآن على وشك أن افتتح موقعي على الانترنت وفيه مشروع ليهّّّ وعلى فكره انا شاطره بالرياضيات والانجليزي والكيمياء طلبوا كثير مني ادرس طالبات من الابتدائيه والمتوسطه والثانويه بس ماكان عندي وقت ومااحس اني احب التدريس بالمره مثل اختي بالرغم من اني عندي افكار ووسائل كثيره للتعامل مع التدريس وسهوله الفهم للطالبات .....


المهم ماابغى اطول عليكم( كل هاذا وماطولتي عليهم)

الزبده ....(الوقت كالسيف أن لم تقطعه قطعك).. هل تعلمون أن الأنسان الذي يعيش من 60 الى 80 سنه يقضى 20 سنه في الفراغ ..وانا لدي افكاراستشارية كثيره وممتازه لتنظيم الوقت والأعمال والمساعده في افكار واقتراحات للبدء بمشاريع أو المساعده فيها , وترتيب الوقت والساعات اليوميه للطالبات في المذاكره وجدول الامتحانات... كل ماعليك انك ترسلين طلباتك وايش الي تبغينه بالضبط وانا ارسلك ايميل خلال 48يوم في 20 ريال فقط...هل انت مشوشه ليس لديك الوقت الكافي لعملك وتربيه الاولاد وتنظيم اعمال البيت ومزاوله هواياتك وتريدين ترتيب اوضاعك وافكار سحريه تجعلك تنجزين أكثر واكثر ... أو كان لديك دراسه وامتحانات ومشاغل كثيره ولاتعرفين كيف تنظمينه وتبدعين اكثر وتقومين باامور اخرى كثيره تستفيدين منها .... أو كنت تريدين خطط وافكارلنفسك وبيتك لتفاجئي زوجك بأشيا تفعلينها لأول مره أو كان لديك مشروعك الخاص أو مواهب وهوايات تريدين أن تنميها وتستغلينها في اعمال تعود عليك بالمنفعه فسوف اساعدك في ذلك.. لقد ساعدت فتيات استطاعوا ربح الآلآف من الأفكار الي اعطيتهم اياها واستطعت ترتيب الكثير من اوقات نساء استشاروني ولقو نتايج مره حلوه وخبروني عنها,,,, تسلحي بسلاح العزيمه والأصرار وكوني مدبره لوقتك وامرأه منتجة . ودمتم
أختكم ايمان

سبحانك اللهم لااله إلا أنت استغفرك واتوب اليك
انا آسفه للخطأ المطبعي ( 48 يوم)
المقصود 48 ساعه اي خلال يومين
ومشكورين على الردود والدعم اول موضوع لي ولا رد ولا حتى تشجيع
عجبني جدااا اصرارك
افيديني باية تفاصي لممكن استفادبها من وقتي
مشكورة على محبتك للافادة البنات
حلو والله يوفقك يارب
واذا ممكن ايميلك على الخاص

ومشكوررره
ماشاء الله عليج انا حياتى متخربطه
احسن شيء بحياتى انى اصلى واصوم
ياليت تساعديني


الساعة الآن 08:28 .