بنات ياليت كل وحده تكتب تجربتها مع كل تاجره سواء كانت التجربه ايجابيه أو سلبيه عشان نعرف من مين نشتري إذا بغينا شي
الله يؤاجرك على حسن نيتك
الحمدلله الحمدلله الحمدلله الله أكبر الله أكبر الله أكبر



سبحان الله تجلت قدرته وعظمته في كل شيء



كل وحده دعتلي جزاها الله ألف ألف خير الحمدلله فرجت
صحيح والله
مثلا انا خذيت الديرماكول وطلع لوعة جبد ...
وخذيت زيت للشعر من كثر المديح فيه صفحات وصفحات
وقطع لي شعري الصراحة
اتمنى تثبيت الموضوع
السلام عليكم ورحمة الله وبركاته
اخواتي انا اح اقول حاجة
والله عندي بضاعه وانا اتحدى اي وحده في المنتدى تجيب مثلها سواء جلابيات
او اكسسوارات او عطور وغيرها
بس شي واحد معقدني اعلمكم ايش هو
الا لازم ادخل باكثر من اسم عشان اصدق على بضاعتي واكذب على البنات وكأني شريت من فلانة التاجرة ولازم احلف بالله بان بضاعتي مرموقة جدا وان فلانة وفلانة وفلانة اخذوا مني
فقلت في نفسي والله ما اعرض حاجه من بضاعتي اذا كان الموضوع اني احلف بالله وانا كاذبة
على العموم انا اقول لكل تاجرة لاتحلفين بالله اذا كنتي كاذبة ولاتدخلين باكثر من اسم لرفع الموضوع
واكثر البضاعه اللي اشوفها في المنتدى موجوده بالسوق بنص السعر سواء المفارش او العطور وغيرها
الان العطور الاسعار هنا اغلى من اسعار الشركة العربية للعود وزهور الريف واذا قلنا ليش غالية تقول صناعه محلية لانكذب على بعض اكثر العطور تباع في البطحاء عند البنغالية والمفارش اغلى من السوق وانا لاقي ايطالية واسبانية ومعها ضمان ماتتجاوز الف ريال والله حرام عليكم وربي حرام وخافوا الله للدرجه الفلوس غيرت دينكم وترى الفلوس تراب دنيا ووصخه وربي وصخه اتركم الكذب عنكم
والثانية عارضة اكواب شوكولاتة انا الاكواب لاقيتها في الهدلق بنص السعر وكل محلات الشوكولاتة بنص السعر وتقول انها مصلحتها في بيتها وتحلف وغيرها عارضة كريمات وماندري من وين تجيبها وغيرها عارضة سجاده صلاه بريحه العود ولاقيتها تباع في البطحاء بسعر 15 ريال والثنتين بــ25 ريال
وتقول انها توها استلمتها من المنفذ وتحلف وارجوكم خلوني اقفل الموضوع لاني بموت من القهر والله عندي اشياء انا اتحدى الشركات واشياء كثيرة بس حلف بالله ماراح احلف حتى وان كنت صادقة لانه كثرة الحلف استهزاء بالله واتمنى من البعض معرفة لفظ الجلاله (الله) ونرجوا عدم كثرة الحلف وحتى ان كنتي صادقة واللي تبي تصدقك الله يحيها واللي مو مصدقتك على راحتها
ومع السلامة


الساعة الآن 12:41 .