السلام عليكم

والله بقالى زمان متدخلتش حواء ولا قسم الشعر دة

بس عملت ف نفسى تجربة وقولت اكتبها لانى كتيراستفدت منكو وحبيت افيدكو على قدى

انا سمعت كتير عن الحنة السوداء لفرد الشعر وكان نفسى اجربها بس كنت بخاف على شعرى

لانى عمرى لا صبغت ولا حطيت حنة

انا شعرى لحد بعد الكتف بشوية كدة ومش خشن بس مجعد مليان تموجات ومشكلتى كانت لما بغسلة واسيبة بيهش ويبقى شكلة بايخ اوى

اما لونة شعرى اسود فاحم يعنى مكنتش خايفة من تغير لون ةمن الحنة دى لان اهم ميزة فيها او عيب معرفش ان لون الشعر بيكون اسود فاحم

المهم شفت ناس اعرفهم عملوها استنيت عليهم فترة اراقبهم ولما لقيت محصلش حاجة قررت اتوكل على الله واعملها

حبيت احكى تجربتى بقى:-

الاول الست ال عملتهالى تعرف اخوات جوزى وهما عارفناها من زمان هى منتقبة ومحترمة وبتعمل الحكاية دى من 10 سنين ولذلك كنت واثقة فيه وفيهم طبعا

هى طبعا الاول طلبت منى اغسلة كويس اوى واعمل شعرى سشوار او فير ال يعجبك
انا من خوفى قولت بلاش كلة مرة واحدة كدة عملت السشوار كويس برة قبل معاد الست دى ب 3 ايام قولت علشان اريح شعرى وفروة راسى (نصاحة منى)

المهم الست جت ولاحظت انى قلقانة موت المهم طلبت منى مية سخنة وملح وشريطة
وطلعت مقادير الحنة ال هى مطحونة جاهزة وضافت عليها مية طبعا بمقدار معين لانها مسكت شعرى الاول تقريبا بتعرف كثافتة لانى شعرى تقيل

وعجنتهم وضافت معلقة كبيرة ملح وسالتها لية الملح؟قالتلى الملح بيثبت الفرد

قسمت شعرى نصفين وبدات تحط الحنة ف كل شعرى وهى بتقسمة لحد ما غطت شعرى كلة وكانت بتشدة
وبعدين ربطتة ديل حصان بالشريطة جامد جدا لدرجة انوة وجعنى وقولتة بلاش جامد كدة قالتلى لازم كدة علشان يتفرد
قالتلى لازم يتساب 24 ساعة وتغسلية وقت ما عملية تانى يوم يعنى انا عملتة الساعة 6 مساء وغسلتة ف نفسى الوقت تانى يوم

بس قالتلى سيبها لحد ما تنشف على راسك خالص بحيث انك تحطى اديكى تتطلع نضيفة
ولما كلة ينشف غطية بكيس بلاستيك وايشارب لحد ما تغسلية
وكمان عايزة اقولكم تلبسوة هدوم قديمة وقتها لانها هتبوظ من اللون الاسود
وكمان باليل لما تناموة حطوة حاجة قديمة تحت دماغك علشان المخدة

المهم بعد ساعة او اتنيت حسيت انى صدعت دة علشان هى نفشت جدا فوق دماغى وتقلت ودة عملى صداع
غير انها بقت والله حطب او اسمنت فوق دماغى نشفت بطريقة بشعة
المهم معرفتش انام يومها واستحملت لحد تانى يوم كان انشف بكتير من امبارح
فلت ابص ف الساعة لحد ما جت 6 وجريت على الحمام

اخوات جوزى قالولى حتقعدى ف الحمام حوالى ساعتيت علشان تنزل !!!وانا قولت دول بيبالغوة

لكن دخلت الساعة 6 الا ربع ومحستش بنفسى بقى جوة

صعبة جدااااااااااا علشان تنزل فضلت واقفة تحت الدوش احاول افكها بايدى
ال وراء اتفك اسرع من مقدمة شعرى ال خدت وقت رهيب لدرجة انى كنت برتاح وارجع اكمل
لحد ما فكت خالص من شعرى بس كان لسة الحبيبات بتاعتها جوة بقيت بنزلها

ولقيت احس ن طريقة انى اقسم شعرى نصفين و ابدا ف تنضيف جزء جزء ولما حسيت انوة نف خالص جبت مشط وسرحت جزءؤ جزء

خلى بالك اوعى تسرحى والحنة كتير ف شعرك وناشفة ممكن تاخد شعرك وتقع
انا سرحت لما نضف خاااااالص وعرفت من لون المية طبعا بدات تنزل بيضاء بس مش اوى

المهم خرجت من الحمام على تليفونات بترن الناس قلقوة عليا لدرجة اول ما رديت عليهم قولتهم
ههههههههههه انا خرجت!!!انا بقالى قد اية جوة
اتارى الساعة كانت 9 ونص وانا دخلة م ن6 ال ربع
يااااااااااااااة ارخم حاجة فيها غسلها فعلا

المهم الست كانت قالتلى لازم تدهنية زيت زيتون بس مش اى زيت تانى وكمان زيت الزيتون بتاع الاكل مش عارفة لية ؟
وطلبت منى الفة طاقية يعنى حولين داير ساعة من ناحية اليمين وساعة من ناحية الشمال
مع الدهان بزيت الزيتون
طلبت منى امشى على البرنامج دة 3 ايام اغسل بمية فقط وادهن زيت زيتون والفة على الناحيتين بالتبادل

واليوم الرابع ابدا اغسلة بشامبو وبلسم او كريمات او اى حاجة بقى عندك ماعدا شامبة صانسلك!!!برضة معرفش لية

المهم انا من كتر ما فضلت ف الحمام والمية ال استخدمتها قولت اكيد خلاص شعرى موج
لكن فوجئت انوة مفروض وحلو وملاحظتش تغير لونة لانة كدة كدة اسود فاحم

والنهاردة ثالث يوم ليا واا لسة ماشية على البرنامج وان شاء الله هغسلة بكرة بشامبو وكريمات

الملاحظة لحد الان:_
1-الشعر مفرود مع وجود تموجات بسيطة جدا (ودة مدى الشعرشكل طبيعى احلى )
2-لا يوج تساقط للشعر (الا العادى انا شعرى كان بيقع شوية صغير لما اسرحة او اخد شاور يعنى ملاحظتش زيادة ف الوقوع)
3-ريحتة حلوة (ودة لان الخلطة فيها قرنفل مطحون مديلة ريحة حلوة)وكمان هى ضافية اعشاب تانية
4-شعرى هايش شوية ودة لان ف اثار للحنة لسة جوة ومش هيدا الا باستخدام الكريم كام مرة على بع لان الحنة ف الاول بتديكى احسحس ان الشعر نشف لما يطرى هتحسى بالفرق
5-غسلتة اكثر من مرة ولا يتغير شكلة
6-تعطى الشعر لون اسود فاحم (ودى لاى حد عايز يعمل وشعرة فاتح )


واهم حاجة طلبتها منى ممنوع اعمل صبغة او اى لون فية لانة ببساطة ممكن يقع ودة تحذير منها

لحد دلوقتى كل شى تمام وهبلغكوة الاخبار اول باول
حد عندة سوال اهلا وسهلا

شكرا مروه و****لله شعرك يسير حرير عالخد يطير
مشكورة يا عسل
المهم و بعد التعب ده كله ايه الاخبار طمنينا و ربنا يوفقك
صراحه ماودي ازعلك بساذا هي الخلطه العجيبه هي حنا تسود الشعر وتفرده من تجربتي حلووه بالبدايه انا استخدمتها لكن شعري بعد فتره صار يتساقط
قريبه لي استخدمتها من كذا سنه ومستمره عليها الا الأن شعرها صار ناعم مع الاستشوار ماشاءالله يكون حلوو لكن انا تركتها لاني خفت يصير شعري مثلها خفيف والا الأن شعري يتساقط
ممكن تناسبك بس اعتقد هي مثل الفرد العادي لما تاخذين فتره طويله ماتستخدمينها يتساقط شعرك يعني لازم تستخدمينها باستمرار وانصحك اهتمي بشعرك واستخدمي اشياء تقويه وحمامات زيت
علشان تحافظين عليه ..بالتوفيق


الساعة الآن 02:04 .