هلا عزيزاتي بنات منتدى حواء ...

انا من يوم كنت مراهقة و انا اهوى المكياج والتجميل
وفوق هذا خذت دورات في المكياج
لمجرد حبي و اجادتي لهذا الفن
واللي يشوف مكياجي او مكياج اي وحده مكيجتها يتحسبونه في الصالون .. و يسألون عنه

بعدين قاموا خواتي و زميلاتي دايما يتمكيجون عندي بس مجانا
حتى شعرهم اسوي له تسريحات
وكذا مرة مكيجت بنات للملكة و ليلة الحنا وغيرها
بس ما آخذ عنهم شي ... لمجرد الهواية

هل تنصحوني ابتدي امارس هالهواية كتجارة ؟
خاصة ان الماركات اللي استعمها سينمائية و صحية تماما
ودايما يشكروني على المكياج اللي حطيته

وكيف ممكن ابدى ؟ وشو اسوي قبل ما ابداها كتجارة ؟

مع خالص تحياتي ...
30-11-1427 هـ, 03:04 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم
شلونج اختي انا اول مره اشارك والصراحه حبيت انصحج...
اول شي اذا انتي حابه هالشي ومتاكده انج راح تعطينه وقته وراح تبذلين كل مجهودج فيه اذا انتي في الطريق الصحيح ...
ثاني شي حاولي انج تكبرين اسمج بين البنات ... ويكون لج اسم محدد مثال . هيوومة ميك اب ستايل.. من خلال انج تحطين اعلان متكرر بالجرايد الاعلانية .. وخلي الاعلان يكون شكلة مغري وحطي توقيعج مثلا هيومه ميك اب ستايل.... وابدي بالبيت... وتقدرين تقولين حق الزباين الي يونج البيت حق كل وحده تيي عن طريقها لها 15% خصم مثلا
بعدين كوني لج مبلغ حلو صغير وفتحي لج صالون وتقدرين تشاركين احد مثلا اختج
وموفقه انشاله
وانشاله اكون قدمت لج نصيحه حلوه
30-11-1427 هـ, 03:32 مساءً
 
فيه صالون بالرياض يبحث عن وحدة تمكيج..
في شمال الرياض-مخرج7-حي الوادي-ش عثمان بن عفان
ابدي معهم لين يكون لك اسم
30-11-1427 هـ, 03:34 مساءً
 
انا انصحك حبيبتي تسوين هالبزنس في بيتك ولا تتعدينه ابد

وجيبي لك وحده تساعدك في الشعر وانتي خليك متخصصه بالمكياج

وبعد كذا اذا شفتي انه مشروع ناجح وكسبتي كثير

تقدرين تكبرينه

بس انتبهي تتكلفين وتستأجرين مكان وفيها انك تربحين او لا

خلي الناس يعرفونك ولك شهره واسم بعدين ابدي في مشغل كبير

الله يوفقك يارب ويرزقك

تحياتي
30-11-1427 هـ, 06:13 مساءً
 
اقتباس مشاركة  (القصمنجيه)
انا انصحك حبيبتي تسوين هالبزنس في بيتك ولا تتعدينه ابد

وجيبي لك وحده تساعدك في الشعر وانتي خليك متخصصه بالمكياج

وبعد كذا اذا شفتي انه مشروع ناجح وكسبتي كثير

تقدرين تكبرينه

بس انتبهي تتكلفين وتستأجرين مكان وفيها انك تربحين او لا

خلي الناس يعرفونك ولك شهره واسم بعدين ابدي في مشغل كبير

الله يوفقك يارب ويرزقك

تحياتي
صح 100%
30-11-1427 هـ, 06:50 مساءً
 


الساعة الآن 05:30 .