صح ديور ماله وكيل في الخليج واصلاً العرب مزبلة للمصانع الاجنبية لاتظنوا انهم هيهتمون

بارسال اجود البضائع للشرق الاوسط حتى لو كانت الماركة نفسها

معروف الشي اللي يرموه الزبالة يرسلوا لنا وينباع مع شوية ديكور ودعاية وينباع يخدعونا اكيد اعترفوا مو تقولوا مستحيل
11-12-1427 هـ, 04:56 صباحاً
 
بنات انا من زمان اسمع انه اللي عند باريس غاليري مب اصليات بس ماخونت فيهم قلت مب معقول انه باريس غاليري يبيع مب اصليات بس السموحه مادام فيه عرب اكيد فيه غش
11-12-1427 هـ, 08:43 صباحاً
 
اقتباس مشاركة
احنا نشتري من فيسس وباريس غالري وبسعر غالي علشان انها اصلية
واللي يجيبونها من السويلم ارخص بكثير ونفس الشي الريحة والعلبة وكل المكتوب عليها
مع ان وجوه وباريس غالري وكيل
صح وكيل بس يبيع بعض العطورات معبأة في دبي مو من فرنسا
وبنفس سعر المعبأة بفرنسا
والفرق بينه وبين السويلم ان السويلم يبيعها ويعترف انها من دبي
وينزل في سعرها بينما وجوه وباريس غالري بسعر اللي مصنعة في بلد المنشأ
عشان كذا نا قاطعتهم وحاليا ما آخذ الا من ساكس ودبنهامز
ام البراء طيب بسألك عن العطور ,, صراااحه الريحه تفرق بين العطور اللي في السويلم و فيسس و الطقة ذولي ..
عشان كذا انا ما اشتري من المحلات هذي شارع السويلم

اممم طيب بسألك سؤال ثاني .. وش فرق ساكس و دبنهامز عن فيسس و غيره ؟؟ وش معنى هم اللي تشتري منهم .. على فكرة ساكس كم مره قالوا ان شنطه مو اصليه .. ما ادري عن العطور
11-12-1427 هـ, 02:52 مساءً
 
ايه حبيبتي هذا كل ياللي حاصل مو بس في باريس غليري في كل محلات الماركات
كلهم يصنعوا في الصين بس الكولتي مختلفه
12-12-1427 هـ, 12:42 صباحاً
 
اقتباس مشاركة  (Crystal MaNnOrA)
عيوني انها تكون مصنوعه في الصين هذا لا يعني بتاتا انها تقليد الآن كل الماركات صارت تصنع بالصين بس كل الخامات يجيبونها من بره والسبب جدا واضح في الدول الأجنبيه هنالك قوانين عماله جدا صعبه يعني يكونون محددين لهم راتب العامل وعمره وقصص ثانيه جدا صعبه عدا عن ذلك تكلفة المصنع والأرض جدا غاليه لهذا صار اغلب الماركات تصنع في الصين واندونيسيا وكوريا لانه في هذه البلدان العماله رخيصه جدا يعني العامل الواحد ممكن يرضى بربع الراتب عدا عن التكاليف الثابته كالأرض والمصنع وغيره تكون ارخص ويطلعون منتجات بنفس الجوده وطبعا كما قلت قبل هذا لا يعني ابدا انها تقليد لانه قبل ما يعطيونهم ترخيص انتاج منتجات هذه الماركه يكونون متدربين جيدا لينتجوها نفسها دون اي ادنى خطأ واذا باي حال قلت الجوده يقفل المصنع من اساسه


وطبعا كما يوجد الأصلي يوجد التقليد بس الفرق بينهم انه الأولى انتجت وفق مقاييس جوده عاليه والثانيه العكس

ادري طولت عليكم بس اتمنى اني اكون وصلت الفكره
صادقة أختي أنا دارسة بزنس وهالكلام صحيح معظم الماركات لها مصانع في الدول الفقيرة مثل الهند والصين وحتى في الإمارات (عجمان) وذلك بحثا عن عمالة رخيصة وتكلفة رخيصة ولكنها بنفس الجودة والمقاييس المعتمدة لدى الشركة الأصلية
12-12-1427 هـ, 08:34 صباحاً
 


الساعة الآن 05:53 .