السلام عليكم ورحمته الله وبركاته
يابنات انا ودي افتح بقاله بس مادري كيف الطريقه وكيف احصل على البضائع يعني ابيكم تفهموني من الف الالياء
وجزاكم الله خير الدنيا والاخره

اتوقع حبيبتي..
تستأجري محل وتطلعي ترخيص بعدين
تمولي المحل وتجيبي عامل وبالتوفيق..

واتذكري لازم يكون مكان المحل مدروس والعامل يكون شخص تعرفيه
وتثقي فيهمع ضرورة المتابعه اليوميه لحسابات المحل
r7il2kمشكوره حبيبتي على المرور
حطي كيمرا مراقبة تحسبا للسرقة من الناس اللي ماتخاف ربها
او حتى من العامل نفسه
هلا حبوبه

بخبرج اللي اعرفه عن هذا الموضوع لان عندنا احد فاتح سوبرماركت

1) طبعا اتسوين دراسة للموضوع، يعني كل الخطوات اللي راح تتبعينها والمبالغ اللي بتصرفينها

2) تستاجرين محل علشان الرخصة

3) استخراج الرخصة التجارية

4) اثاث للمحل (رفوف، ثلاجة، ..)

5) هل تحتاجين لسياره او دراجه او سيكل (لتوصيل الطلبيات؟)

6) اجره العامل

7) شخص يتابع المحل

8) حسابه ،، علشان يحسب فاتورة الزبون

9) دفتر لتسجيل البضائع اللي اشتراها الزبون

10) الجهاز اللي يخليج اتحطين السعر على البضاعة

11) اكياس لوضع مستلزمات الزبون

12) لازم تتاكدين من صلاحية بضاعتج ،، دايما

13) مكان المحل،، وايد مهم ،، مب اتحصلين مكان محد ايشوفه، او صعب احد يوصله، او حذالج مليون بقاله

14) شوفي احتياجات زباينج، يعني اذا كان في مكان في وايد هنود، يفضل اتييبين اشياء يحبونها ويستعملونها ،،، وحطي الاشياء الاساسية اللي الكل ياخذها ،، مثلا صوابين، معجون اسنان، شامبو، عصاير، خبز، جبن

15) حاولي تاخذين اشياء ما تخترب بسرعة (مثل الفواكه او الخبز بكميات)، او بكميات كبيرة، لانها ما اتوقع بيكون عندج مخزن او اشياء ما تتحمل الحر ،،، لانه ما شاء الله جو بلادنا معظمه حر



الحين كيف تستوردين البضاعه ؟؟

لازم اتشوفين المحلات اللي اتورد البضايع،، يعني اتدورين عليهم في الصفحات الصفراء وفي اماكن مثل المخابز، معروفه. تتفقين معاهم على كل شي: الاسعار، الكميات، متى ايوصلون لج، ....

او ممكن تاخذين بضايع من كارفور او جمعيات الاتحاد ،، لانهم ايبيعون ارخص عن البقالات واتبيعين انتي بسعر البقالات

يعني شوفي اللي يريحج


الساعة الآن 01:20 .