لو تكرمتوا ابغى اعرف الوجبات اللي تعطوها اطفالكم في الشهر التاسع بنتى تاكل السيريلاك واشياء خفيفه زي بسكوت موز برتقال بس وانا منى عارفه ايش اسويلها الارز المصرى مارضيت تاكله ابد سويته كذا طريقه فيه ماترضى تاكل الارز شعلان بسمتى ابو بنت بس
اذا ممكن جدول وتريحونى



طيب اذا تاكل الرز العادي مو لازم الا تاكل الرز المصري ,
هم ينصحون فيه للاطفال علشان فيه كميه نشاء عاليه ممكن تستبدلينه بالبطاطس المهروسه مع شويه حليب..
انا عن نفسي ااكل ابني من اكلنا العادي بس طبعا اللي مافيه بهارات كثير علشان معدته ما تستحمل ..
طبعا مع اكل الاطفال العادي(الجاهز) والعصيرات ..
ولا تقيدين نفسك بجدول ولا شي
قاعده الاكل بالنسبه للطفل .. اعرضي ولا تجبري
والله يبلغك فيها وتشوفينها عروس..
شوفي أنا داخلة أقولك أفيدك يا قلبي بس أنا بنتي عمرها سنة ونص عقبال بنتك

شوفي أهم تغذية في هذي الفترة هي الحليب مرررة لا تهمليه عشان عظامها وبعد كذا تجي أهمية الأشياء الثانية::
الجلي "" مرررة طيب للعظام عشان الجيلاتين خذي الفراولة والتوت عشان ألوانها00

البيض المسلوق أو المشوح بقليل من السمن البري وشوية ملح ممكن تكون وجبة فطور00

البطاطس البيوريه "" أعمليها مسلوقة وأهرسيها مع شوية زبدة كريمة وحطي ملح صدقيني مررة راح تعجبها ومغذية كمان00

الكاسترد والمهلبية البيضاء والألماسية "" أعطيها لو 3 مرات في الأسبوع عشان الكالسيوم

شوربة الشوفان "" نصيحة كثري منها أفضل من الحب والرز بكثير لأن الشوفان كامل وأليافه أكثر وصدقيني مررة مفيدة أعمليها يا بيضاء أو حمرا بالطماطم وبمرقة اللحم وممكن تضيفي معاها الجزر والكوسة00

لا تنسي أبدأي أعطيها اللبن الزبادي حبة حبة بس أبدأي بالقليل الدسم عشان معدتهم وشربيها بعده العصير البرتقال عشان يعمل توازن لبطن وبعدين العصير أعمليه نصه صافي والنص الثاني موية صافية عشان المعدة شوي شوي تتقبل بس تكبر أبدأي أعطيها برتقالة كاملة الا تتعود00

وعادي في هذا العمر أبدأي دخلي الدجاج واللحم والكبدة عشان طيبة للحديد ولا تنسي بعد عشرة شهور تبدأي بالسمك 00

اذا تبغي تعطيها حلو لاتعطيها شئ اسمه حلويات نهائي وحاولي تعوضي الشئ ذا بالكراميل الجاهز أو الدانيت أوالمعصوب مرررررة مفيد كله بر وموز وقشطة -كيكة خفيفة -موز بالحليب-بسكويت

ولاتنسي العصاير والفاكهة الطبيعية الي تقدر عليها وعلى هضمها يعني برتقالة تفاح وخلي المنجا شوي بعد السنة هي والفراولة عشان تشوفي الحساسية كيف وقتها00
ونصيحتي لاتعتمدي أبدا على السيريلاك أبدا أنا بنتي مرررة ماأخذته غير وقت الزنقات بصراحة أول شئ مرة مو مفيد ومعلب يعني مواد حافظة وسمعت مرة انه بيخلي الكلسيوم ما يمتص بالشكل المطلوب وهذا غير انه يسبب امساك 00

عالعموم هذا الي أنا فاكرته يمكن في أشياء ثانية ناسيتها بس عالعموم خليها بطبيعتها ولا تشغلي بالك يعني شوي شوي تتعود على أكلكم 00
الجلي "" مرررة طيب للعظام عشان الجيلاتين خذي الفراولة والتوت عشان ألوانها00

لا اختي هذا خطير على طفل في مثل هذه السن المبكره
لانه اصلاً كله مواد صناعيه


الساعة الآن 02:58 .