Analysis Services
اقتباس مشاركة  (لولة السمراء)
تسلم ايدك يابنت النيل والله حاجة تشرف *******والف الف مبروك على هذا الملف الهايل جدا جداااا واتمنى لك التوفيق والتفدم المستمردائما -----عجبتنى كتير البتزا والتوفى والمكرونة -- اختك من السودان يعنى برضو بنت النيل هههههه--


يا ميليووووووووون اهلا وسهلا

من زمان وانا اتمنى اجد حد سودانى بالمنتدى

عايزين ملف اكلات سودانى يا لوله لو سمحتى

والله يبارك فيكى يا بنت النيل
27-12-1427 هـ, 07:12 مساءً
 


اصابع العيش وعيش الجبنه بيتزا هت


3/1 1 كوب ماء - 4 ملاعق كبيره زبد - 4 اكواب دقيق - 2 ملعقه شاى سكر - 2 ملعقه صغيره خميره جافه

فى ماكينه عجن اعجنى كل المقادير السابقه




صبعيها للشكل التالى الى 16 واحده



غطيها واتركيها 45 دقيقه



غطى العيش بالزبده السايحه



سخنى الفرن لدرجه 400 فهرنهيت
27-12-1427 هـ, 08:32 مساءً
 


اخبزيه لمده 15 دقيقه

خرجيه وافردى زبد سايح وملح وبودره ثوم عليه

وبكده يكون جاهز لمائده


فى الفود بروسيسور هنمزج التالى


3/1 كوب جبنه بارميزيان - فلفل - اى نوع بهارات تحبيه ممكن بهارات البيتزا - 2/1 ملعقه بودره ثوم



رشى المزيج ده على العيش ممكن كمان ترشى جبنه موتزريلا ثم دخليها الفرن مره تانيه فى الشوايه لغايه لما الجبنه تسيح تماما



امممممممممممممممممممم الله الله الله عليها وهى سخنه تجنن فى الشتا مع كوبايه شاى
27-12-1427 هـ, 08:40 مساءً
 


عيش الجبنه الشيدر

2 ظرف خميره جافه - 2 ملعقه سكر - 2/1 1 كوب ماء دافئ - 2/1 كوب لبن - 3 ملاعق كبار زبد - 2 ملعقه شاى ملح - من 2/1 5 الى 6 اكواب دقيق- 2 كوب جبنه شيدر مبشوره

للسطح

بيضه - ملعقه كبيره ماء - 2/1 كوب جبنه شيدر مفرومه



فى طبق حلى الخميره مع السكر فى ماء دافئ اتركيها من 5 الى 10 دقائق حتى تفور

فى طاسه سخنى اللبن مع الزبد مع الملح لغايه لما الزبد تسيح تماما



اخلطى مزيج اللبن ومزيج الخميره




اخلطى الدقيق مع العجن فى نفس الوقت اخلطى 2/1 كوب كل مره على حده



على سطح مرشوش بالدقيق اعجنى العجينه لمده 10 دقائق متواصل




ضيفى الجبنه الشيدر شويه بشويه مع العجن المتواصل

27-12-1427 هـ, 10:43 مساءً
 


اعجنوا يا بنات اعجنوا عايزه بنات فلاحات شاطرات هنا



غطى العجين بقماشه منداه يفضل دائما ان مكان التخمير يكون دافى الست بتنصح بتوليع الفرن وحط العجين فوقه "خلوا بالكم بلادهم بارده"



العجينه خمرت اهى وحجمها تضاعف



قسميها للارغفه على مزاجك اتركيها ساعه كمان ليتضاعف حجمها مره تانيه



حجمها تضاعف اهو محتاجين بس نعمل خلطه الوش وندخلها فرن حار 400 درجه
27-12-1427 هـ, 10:52 مساءً
 


الساعة الآن 09:00 .