Analysis Services
يعطيك العافية على هالموضوع
الأكثر من رائع ومفيد

بصراحه المشاريع كثيره والأفكار أكثر
بس وين الزبون والتشجيع.

للأسف عندنا مجرد انك تقولين هذي البضاعه حقتي..يبدأ الانسحاب
بس قولي حقت وحده ثانية يعاد النظر فيها..

مدري هل هو حسد؟ أو غيره؟ الله اعلم
النساء ما تشجع بعض وما تشتري من بعض
هذا اللي لاحظته في مجتمعنا السعودي

والحق يقاااااااااال
28-03-1428 هـ, 07:52 صباحاً
 
موضوع أكثر من رائع ويا في وقته
تسلمين الغاليه والله يجعله في ميزان حسناتج إن شاء الله
في انتظار التكملة
28-03-1428 هـ, 03:47 مساءً
 
موضوع رائع ياريت بس الحريم يطبقون شوي منه
يعني الاخت الي تقول ليش امنع نفسي وعيالي من الاشياء الي احبها لا تمنعين نفسك بس قلليها يعني الملاهي مره في الشهر اومرتين موكل اسبوع
الملابس اغاليه اشتريها للعيد وبتعيش معهم و باقي السنه خذي اشياء حلوة ورخيصه لان العيال بسرعه يكبرون ولوتشتريلهم احسن ماركه يقطعونها
اذا مومحتاجه شغاله استغني عنها الشغاله تصرف 7200 ريال في السنه راتب عن غير تجديد الاقامه وغير انهم مبذرات في مواد التنضيف وكل شي
السائق اذاماله داعي اش لكمفي الفشخره الكذابه والله اعرف وحده جايبه سائق وسياره بالتقسيط وتستلف اجار البيت !!!!

فيه اولويات في حياة الانسان :1-البيت لازم يكون عندك بيت ملك
2 -دخل اضافي غير راتب الزوج (مشروع تجاري )
3-سياره جيده للعائله
اذا عندك كل هذي الاشياء ساعتها استمتع في حياتك بالمعقول من غير اسراف (وحده حريصه)
شكرا على الموضوع الرائع
28-03-1428 هـ, 04:26 مساءً
 
بنات انا بااقولكم عن تجالربي في التجارة ومن صغري وانا اعشق الفلوس وودي اصير سيده اعمال مشهوره لما كنت صغيره كان عمري 6 سنين كنت ابيع ايس كريم توت احطه في اكياس وابيعه

وكان عندنا بقاله تبع شايب وكان البزارين مايحبو يروحونها لانها قديمه ومغبره وكل بضاعته
مو على هوى البزران لكن انا كنت زبونته خخخخخخخخ المهم مره رحت له ولقيت عنده نفافيخ وكان
الكيس الواحد في البقايل الثانيه تنباع بريال الكيس فيه5 بالونات وعند الشايب اربع اكياس بريال
فكنت اخذ منه وابيع على البزارين كيسين بريال يعني كل4 اكياس اشتريها بريال وابيعها بريالين
يعني الضعف ولما كبرت وصرت في المتوسطه كنت مندوبه لشركه مكياج وكنت ابيع في المدرسه
بالدس لانه ممنوع اجيب مكياج كنت ادس بضاعتي في سطح المدرسه خخخخخخخخ
واخر مشروع ليه كان من سنه وكان في الاسهم ماكان عندي ولا ريال بعت بنجرتين ذهب ليه
واكتتبت في بنك البلاد ب2000 ريال وطلعت 10000 ريال ومن العشره اشتغلت فيها في الاسهم
وصارت 40000 قولو ماشاالله لكن طفحت الكيل لاني تعلمت واشتريت كتب وحرق اعصاب
لكن خلاص خرجت منها بااقل الخسائر وانا الحين افكر في مشروع جديد

ها انفع اكون تاجره يالله باي والله يوفق الجميع اهم شيء العزيمه وحسن النيه والصدقه
28-03-1428 هـ, 09:43 مساءً
 
السلام الموضوع حلوووووووو مره والله ان عندي افكار بس كل ماعرضتها على الاهل قامو يتريقون علي وخاصة اني افكاري تصلح لللرجال ومربحه باذن الله وكل ماطلعت فكره لقيت التحطيم وخلاص بطلت اسسوي شي والمشكله اني استحي وماني اجتماعيه
29-03-1428 هـ, 02:51 صباحاً
 


الساعة الآن 02:29 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏