أنا نفس الشي
عندي راتب
لكن ايدي مخرومة بس اصرف واجي هدايا
ومتضايقة ان الزمن يمر وفلوسي وتعبي وشقاي ضايعة
بشر الرسول عليه افضل الصلاة والتسليم بزوال دولة فارس الأبدي حيث قال((إذا هلك كسرى فلا كسرى بعده))
اللهم انصر مسلمي بورما نصر عزيز مقتدر واعد للاسلام والمسلمين هيبتهم
عزيزتي الغالية بنت الدوحة
جزاك الله خير على هالموضع الحلو


بدايتي بهالمجال كيف
الحمدلله عندي سيارة وسواق وبس ادور على الجيران والاسواق
كنت اشتري هدايا بالهبل للأهل
لأخواتي واخواني واولادهم
طبع مع الأسف تعودو
صارو يستلفون مني ومايرجعون خاصة اخواتي
صارو يتصلون دقة ويقفلون عشان ارجع تصل عليهم وهم مايخسرون
عودتهم ان الهدايا صارت واجب مو شي بخاطري

وهالشي ضايقيني لانهم استغلوني
تخيلي اختي طالبتني اسدد لها 100 ريال بطريقة وقحة خالية من الأدب
قلت لها والألوف اللي توصلك مني؟؟؟
قالت انا ماطلبتك انتي اللي ترسلين

وفعلا ......فكرت وعرفت ان الغلط مني مو منهم
وقررت اني افتح حساب مااسحب منه ولا ريال
وصار نصف راتبي يروح له
وفهمت اخواتي واخواني اني شريت ارض وتوهقت
طبعا مستحيل يساعدوني
امهم قللت مكالماتي وطلعاتي وحطيت حيلي بدراسة الانجليزي لحد ماحصلت على التوفل
وصرت ادرس خصوصي

واعجبني حكيك عن ( التوريـــــــــــــة )لأن أنا حاليا اجيب بضاعة من السوق واتعب والفلف مشاوير وروحة وجية
بعدين ارجع البيت وابدأ احط اسعار معقولة
وبعدين اشحنها لمكان ثاني واجرة الشحن على
طبعا اللي تستلم قريبتي وماتدري انها لي ودايم تقل هذي غشاشة
قلت لها طب مادامك تشوفينها غشاشة ليه دايم توصين على بضاعتها وتشتري انتي وصحباتك منها
تضحك وتقول ابيها ببلاش؟؟؟؟
يعني انا الحمد لله ابيع بضاعتي بالسر
محد يدري غيرزوجي واخوي

اش رايك فيني؟؟؟
واش تتوقعين لازم اسوي عشان مايضيع وقتي وفلوسي


والف شكرلك
بشر الرسول عليه افضل الصلاة والتسليم بزوال دولة فارس الأبدي حيث قال((إذا هلك كسرى فلا كسرى بعده))
اللهم انصر مسلمي بورما نصر عزيز مقتدر واعد للاسلام والمسلمين هيبتهم
الابداع

الجنه مطلبي

ماريا11

هلا فيكم وحياكم الله

دوحة سول حبيبتي أنتي أشتقنالج والله

eha

حبيبتي دام أنتي معترفة أن اللي تصرفينه كماليات مش أساسيات يعني تقدرين توفرين وبسهولة

اذا كان راتبك 3300 -600=2700

راح توفرين منها 1000 كل شهر وهذي ماراح تلمسينها أبدا أبدا

وخلي قسم مثلا لاحتياجاتك الشخصية

وقسم ريال لأولادك

وقسم صدقة وربي راح يبارك لك في مالك كله

وملاحظة أن زوجك ما يعطيك مصروف؟؟

عموما لو كانت عندك ظروف على الأقل خليه هو اللي يصرف على بيته وأولاده وأنتي طلعي مبلغ منك بس مساعدة للأولاد اذا أحتاجوا بعض الأشياء اللي مايقدر يوفرها لهم أبوهم


وأتمنى أنك ما تكوني تصرفي على البيت بعد لأن هذي مشكلة وما راح يبقى لك من راتبك شي

واذا ان شالله أستمريتي لمدة سنه 12000ريال ولمدة 4سنوات 48000الف ريال

وأنتي وشطارتك وفكري من الان كيف ممكن تستثمرين أمولك في مشروع يدخل عليك..
ام جنا هلا بك حبيبتي تجربتك شدتني كثير لأنك تعلمتي منها وصرتي ماشالله عليك شاطرة كثير في التجارة وفي التوفير بس ليش أحس بنبرة الحزن بكلامك وكأنك مو راضية عن نفسك؟؟؟

أنتي أبدعتي والله واللي سويتي عين العقل...

والفلوس اللي راح توفرينها حاولي تشتريلك بيت أو شقة وتأجرينها والله راح تفرحين كثير بالفلوس اللي بتجيك كل أول شهر من غير تعب

أستمري حبيبتي هذي نصيحتي لك
ماشاءالله عليكــــــــم طلعتوا شاطرات .. الله يعطيكم العافية ويبارك لكم في ما أعطاكم ..

بنت الدوحــــــــــــه جزاكــ الله خيــــــــــــــــر .. لاحظتي أن الأغلب قالوا انهم يصرفون بدون هدف وبلا عائد !! واللي مضيعه ميزانيتها في واجبات اجتماعية أيضا مبالغ فيها ؟؟


والسؤال اللي يطرح نفسه :


هل استقلال المرأة اقتصادياً أثر فيها بشكل سلبي ؟؟


الساعة الآن 11:38 .