اقتباس مشاركة  (فشيفش)
موضوع اكثر من رائع ويشجع بس
والله الخوف من الخساره هو اللي يخلي الوحدة تتردد

عفواً أختي // اتركي الخوف وعزمي تبتدين عمرنا ماراح نوصل لشي إذا تمينا نخاف من النتايج توقعي النجاح واسعي له .. بتلقينه بإذن الله
الله يوفقك حبيبتي ويوفق الجميع ابي استشيرك في موضوع احنا الحمد لله بخير انا غير موظفه وزوجي بخير بس مايعرف التوفير صدقيني صرت أكره الصرف منه وحاليا أفكر في مشروعين لأني والحمد لله يجيني فلوس أحيانا الأول سيارات نقل العفش والثاني ورشة حداده وهذي فكرة وحده في منتدانا العزيز فأطلب رأيك لأني بصراحه ما أعرف وزوجي لا يعترف بأي مشروع دايم يضع لي العقبات
شكرا حبيبتي على الموضوع الرائع و ياريت لو عندك نصائح تزيدنا منها

وأن مثلا عايشة وأدرس بفرنسا ما عندك اقتراحات عن مشروع ما،، والشكر الجزيل لك
سبحان الله العظيم
اقتباس مشاركة  (باريسية الأناقة)
شكرا حبيبتي على الموضوع الرائع و ياريت لو عندك نصائح تزيدنا منها

وأن مثلا عايشة وأدرس بفرنسا ما عندك اقتراحات عن مشروع ما،، والشكر الجزيل لك
مرحبا أختي باريسية // مايبيلها شي انتي بفرنسا وفكرة أن انتي تساعدين البنات اللي محتاجين شغلات من هناك وايد ولك نسبة طبعا من قيمة المشتريات نظير خدمتك .
بس نصيحه تراعين الله في النسبة لأن فيه بنات ف المنتدى يضربون ف الأسعار وتكون البنت اللي طالبه الغرض ضحية استغلال /
كل التوفيق حبوبه
موضوعك قمه في الروعه
الله يجزاك خير
قريته سطر سطر الله يكتب بميزان حسناتك
شوفوا يا بنات لا تقولون احنا مسرفين وما نقدر نوفر
اذا الوحده عندها عزيمه واصرار تقدر تنفذ كل اللي في بالها
انا مثلا عمري 19 من اكبر المبذرين في السعوديه اصرف صرف مو طبيعي
كانت امي الله يخليها لي كل شهر مخصصه لي مصرف غير مصروف المدرسه اللي كان يعطينياها الوالد
وخوالي ما كانوا يقصرون يعني كل اسبوعين 300 ريال يمدونها لي وما كنت اعرف شي اسمه توفير الفلوس تجيني اليوم وتنصرف في نفس اليوم تخيوا كان عمري 14 سنه اصرف 400 او 500 ريال في اليوم خصوصا في الاجازه
وبعدين حالتنا الماديه تغيرت وما عاد فيه مثل الدلع الاولي امي وابوي شروا بيت واضطروا ياخذون سلفيه من البنك واضطروا يخفضون المصروف
بصراحه في البدايه مره اتأزمت وكرهت الطلعات والروحات بس مع الوقت قدرت أأقلم نفسي مع الوضع الجديد تخيلوا صرت ما اصرف من مصروفي ولا ريال
الحمد لله وفرت لي مبلغ ممتاز وشريت لي لاب توب وشريت بعد لامي هديه وبعد ما قريت هالموضوع فكرت اسوي لي مشروع صغير وان شاء الله ربي يوفقني فيه

واول الارباح باتصدق ان شاء الله بجزء منها وثوابه لبنت الدوحه 2000



M!ss Mho0otah


الساعة الآن 12:08 .