الله يعينا على إرتفاع الأسعار وسمعت بعد أن البشاكير بترتفع رواتبهن من شهر ثلاثة يعني مثلا الفليبينية 1400 والأندونيسية 1200 درهم !!!!!!!!!!!!!! ما أدري إذا صدق ولا إشاعة
ما أقول غير الله يعينا..
29-12-1427 هـ, 11:29 صباحاً
 
الله يعين
بصراحه انا مفجوعه هالسنتين من زياده الاسعار الغير طبيعيه في الامارات
الايجارات نار بصراحه اهلي متورطين بايجارات الشقق علب سردين ومره غاليه حرام والله لانهم ساكنين بابوظبي وارخص شقه من غرفه واحده وصاله واحده وحمام ومطبخ بـ 35 الف درهم


انا مثلا الحين مقيمه في السعوديه يوم رحت مع زوجي قبل كم شهر للامارات تخيلوا نحنا نعبي بنزين السيارة كامل فول وهي كابريس امريكي نعبيها كامل بـ 37 ريال بالسعوديه
يوم رحنا ابوظبي قبل كم شهر عبيناها بـ 90 درهم
!!!!!!!!!!!!

والله شي مو طبيعي غلاء البترووووووووووووول


انا اشوف انه اي زيادات بالرواتب مثل قلتها لانه مرتفعه اسعار المواد الغذائية والبترول والحين حتى صرف المجاري كل بيت ملزم يدفع

يعني اول ماء وكهرباء الحين رسوم ماء وكهرباء وصرف مجاري

الله يعين

وبالسعوديه الحين نزلوا البترول عباها زوجي اخر مره بـ 28 ريال يعني رخص زياده بعد

والامارات بـ 90 ريال صراااااااحه كثير هالشي
29-12-1427 هـ, 05:44 مساءً
 
الله يعين كل شيء في ارتفاع ..
الله يرزقنا امين يارب
29-12-1427 هـ, 06:00 مساءً
 
الله يعينكم يا هل الامارات

كنت اعتقد انه الكل حاسدكم ما ادري ليه ..

بس لا تحسدونا .. حنا يمكن نلحقكم .. اجنا يا هل السعودة .. ابتدا العقار يغلى عندنا

بس الحمد لله الشقة اللي انا فيها 3غرف صغيره 3.80متر × 3.80 متر و صالة و مطبخ و دوريتن مياه مستاجرتها بـ12000 ريال في السنة ..

ولكن في الرياض العاصمة .. الاسعار غير .. توصل الشقة زي شقتي للعشرين .


بس ربي يلطف بنا ان شاءالله
29-12-1427 هـ, 06:23 مساءً
 
والله كل شي ناااااااااار

زادتت الرواتب وقلنا ياارب لك الحمد
لقينا المعيشه ارتفعت
اجل كرتون الكوسه 125 ريال ؟؟!!!!!!!!!!!!!!!!
والبصل تدبل 3 مرات خير انشاء الله هذي معيشه من الاساسيات ليه كذا حرام على التجار مو اشياء كماليه
الادويه !!!!!!!!!!!!!!!!!!
واللحمه الضحيه بـ2100 يااال

والعقاار كل ماله في ارتفاع
انا شقتي صعنوونه مجلس غرفه نو صاله مطبخ غرفه بيبي صعنونع ب28 الف

طن الحديد قبل ست سنوات للي بيبني 900 ريال
واليوم 2200 ريال

اذا ابي افكر بس تفكير اسكن فله مساحته
خمسميه (500)متر لارخام ولامسبح ولا بدروم القاها بـ1600.000 ريااااااااااال بمليون وست مئه الف
<<<< تقول اخاف طاح صفر هههههههههههه


الحكومه ماقصرت رفعت الرواتب وعطت قرووض من غير فوائد

بس بعض النفوس الضعيفه من التجاار تحب تستغل النااس المسااكين الى اخر نفس

اشوى ان البترول سعرته الحكومه مو اصحاب المحطات

الله يستر من الجااي
ويارب تسترنا وترحمنا برحمتك ياااااااااااارب
وترزقنا وكل المسلمين يااحي ياقيوم
29-12-1427 هـ, 07:10 مساءً
 


الساعة الآن 05:06 .