صح بالسعوديه زايده الايجارات

بس بحكم اقامتي بالامارات لسنوات طويله وبحكم اقامتي حاليا بالسعوديه من سنتين

يا بنات السعوديه ترى هنا ارخص الف مرررررره من الامارات

الامارات من زمان الخضار اغلى فيها بكثير من السعوديه

وكمان الشقق من زمان اغلى

والكهرباء مره غاليه بالامارات مقارنة بالسعوديه مره رخيص الكهرباء

وحتى الشقق

الشقق بالامارات فيها صاله وغرفة نوم واحده وومطبخ وحمام بـ 30 الف درهم والحين صارت بـ 35 وبـ 40 الف

وللعلم ما فيها مجلس بس صالة وغرفة نوم لانه بالامارات بالشقق العمارات ما فيه نظام المجلس والصالة


يعني مهما يكون بالسعوديه ارخص بكثير بس بدت ترتفع الايجارات

انا الشقه اللي ساكنه فيها الحين بالسعوديه بـ 15 الف غرفتين نوم ومجلس وصاله وحمامين ومطبخ صح انها صغيره شوي لكن لو هي نفسها بالامارات ما القاها يا دوب بـ 45 الف درهم



على فكره يا بنات السعوديه

بالنسبه للكوسه لا تشروها من سوق الخضار لانه سوق الخضار ما عليه رقابه وهم قاعدين يرفعون بكيفهم الاسعار ويستغلون الناس بطريقة غير طبيعيه

انا اشري من بنده الكوسه تجنن روعه واستخدمها للمحاشي وللطبخ وفيه صغير وفيه كبير وتاخذي الكيلو بخمسه ريال تقريبا

يعني لو رحتي اخذتي صندوق فيه 10 كيلو بيطلع عليك يا دوب بـ 50 ريال


لا تروحوا سوق الخضار هذيل نصابين وقاعدين يرفعون الاسعار بطريقة خياليه كل شي عندهم صار غالي

روحوا بنده واشروا منها اسعارهم مره حلوه وما ارتفعت كثير كثير

صح فيه ارتفاع حتى بالسكر والخضار بس يتم ارخص من غيره ببنده


على فكره بالامارات من زمان طول عمرنا نعرف انه يوم يجي رمضان كل الخضروات تصير اسعارها الدبل مرتين يعني البقدونس يصير الكيلوا احيانا بعشره ريال بدال ريال ولا ريالين استغلال لفترة رمضان عشان الناس ما تستغني عن الخضار وطبعا هالارتفاعات كلها تصير بسوق المينا اللي بابوظبي يرفعون السعر مره


الحين الشقق فعلا بالسعوديه غليت مره واغلب السبب بسبب ضربة وانهيار الاسهم ومن يومها العقار مرتفع لانه هذا دايما مرتبط بهذا
واللي مثل شقتي الحين صارت بـ 20 الف وبـ 22 الف وانا شقتي بـ 15 الف بس نفسها بـ 20 الف الحين تتاجر للسكان الجدد

بس بالنسبه للفلل يا الغاليه ممكن تلقين ارخص من كذا شوي ويتم ارخص من الامارات بكثيررررررررر

بس الله يستر ما تتم ترتفع الايجارات اكثر واكثر الين توصل مثل الامارات ساعتها فعلا مصيبه


اللي اشوفه انه المفروض سواء بالامارات او بالسعوديه المفروض يكون في حد من الدوله والجهات المختصه لمثل هالامور
دايما اشوف بتلفزيون الامارات مقابلات عن ارتفاع اسعار المواد الغذائية مثل الالبان والاجبان والخضار والاشياء الاساسيه
وحتى بالسعوديه فيه برامج عن هالشي
لكن للاسف ما احد تحرك من الجهات المختصه عشان يحدون من هالمسألة

والناس هي اللي تعبانه والله
صدمتييييييييييييني يا مليكه ؟؟ يا حظكممممممممممممممممم الرخص عندكم

نحن خلاص ما باقي غير نهج من هالبلاد والله الحسد كلنا 000كل زاااااااااااااااااااااااد

زياده فظيييييييعه وما شي رقاااااااااابه ولا حسااااااااااااب ولا كتااااب

انا بيتي تحت ال***** وحاليا ماخذه بيت ايجار صغيرررررررررررررررررررر

قلت اسكن فيه لين بيتي يخلص تخيلي غرفتين وصاله وحمامين ومطبخ وصغيرررررررررر

يعني الشقه كلها ما تيي كبر غرفة نومي الرئيسيه في بيتي 0000000000 تخيلي بكم ؟؟

30 الف هذا غير الماي والكهرباء والخدامه والعيال والمصاريف والمدارس والسوق

يااااااااااارب000يعني لو الوحده معاش ريلها 8الاف نفترض شو بتسوي فيهن؟؟

بتدفع ايجار 3الاف هذا والبيت صغيرررر والخدامه نقول 600 ومصاريف المطبخ اقل شي 1500
ها اقل شي 00000000

بيبقى 3الاف 00000000000والكهرباءوالماي والتيلفون والبترول ومصروف الجيب والمدرسه ؟؟هل بتكفي ال3الاف؟؟ الله يعينا بخير بس

الله يرحمك يا زايد
الغلـا انا اهلي ساكنين بالامارات وبابوظبي تحديدا
وفعلا مره تعبانين من الايجارات
ولسه داخل ابوظبي نفسها الايجارات مرتفعه ارتفاع مو طبيعي
يعني السعر اللي انت قلتي عليه على غرفتين نوم ومطبخ وصاله
بابوظبي تدفعي 35 الف على غرفة نوم واحده ومطبخ وصاله ومثل ما قلتي علبة سردين
والغرفتين ابتداءا من 40 الف
والثلاث غرف ابتداءا من 60 الف

الله يعينكم على الارتفاعات اللي مو طبيعيه وارتفاع البتروووووووول مو طبيعي

بس يا خوفي بعد بالسعوديه الحين قاعده الايجارات ترتفع زياده خلال سنه واحده رفعوها حوالي 4000 ريال وبعض الشقق 5000 ريال يعني نفس اللي صار بابوظبي من ثلاث سنوات ارتفعت الايجارات مره واحده 4000 ريال وبنت خالتي ساكنه بشقه ارتفعت عليها مره واحده 7000 درهم بابوظبي

والله من جد الله يعين الناس

وكثير بنات اماراتيات يشكون وعائلات اماراتيه حتى تشكي من الارتفاع

فما بالك مثلا بعائلة معاش الاب فيها 4000 درهم من وين يدفع الايجارات ولا يطعمي ابناءه ولا يعلمهم

الله يعين بس

المشكله بلد مثل الامارات رائعه انا احبها كثير بصراحه وحتى اهلي لانه ابوي فيها من 35 سنه اذا مو اكثر ومتعودين عليها
يعني تعودنا نعيش بالامارات نحسها مثل بلدنا
انا مثلا الحين يوم اغيب عنها 6 شهور خلااااااص احس اني من جد فاقده جزء مني لاني ولدت هناك وعشت هناك وكل ذكرياتي فيها


بس فعلا الايجارات هدت حيل الجميع
الله المستعان


الساعة الآن 07:08 .