السلام عليكم ورحمة الله وبركاته
مسوية لكم اليوم مراصيع محشية بالبصل طريقة مرة حلوة وبشكل مختلف شوي ماتصدقون لو قلت لكم
اني متعلمتها من وحدة كفيفة كبيرة بالسن تسويه باستمرار ماشاء الله تبارك الله عليها . الله يجازيها
بالخير ويعوضها بالا خره عن عينيها
الطريقة
اول شي تصلحين الكشنة وهي عبارة عن بصل تقلبينه بشوية سمنة وتحطين عليه بهارات مشكلة
وملحوتقلبينه لين يذبل البصل .
عجينة مراصيع عادية"مصابيب" بعدين حمي التاوه وصبي فيها المصابيب بحجم متوسط ,في البداية
لا تكثرين العدد يعني سوي 6 وقبل ما يجمد سطحها قومي على نصف العدد من المصابيب وحطي
على كل وحدة ملعقة صغيرة من الكشنة ولا تجي الكشنة على الاطراف
وبعدين غطيها بطبقة ثانية "لازم تكون الطبقتين غير جامدتين من الوجه حتى لما تجين تحطينهم على
بعض يلزقن " وحاولي تلزقين الاطراف باصابعك
حمريها من تحت وبعدين اقلبيها على الوجه الثاني
ولما تخلص الكمية نصب عليها شوي سمن ونقلبها بشويش عشان ماتتفتح
اولادي يحبونها حاليه عشان كذا احمي شوي عسل واصبه عليها ويطلع ولا الذ منه
جربوه مارح تندمون
ياربي يعجبكم
noreshams @noreshams
عضوة
يلزم عليك تسجيل الدخول أولًا لكتابة تعليق.
تمرسكري
•
ما شاء الله تبارك الله 00000000شكله مره شهي 00000000000ان شاء الله نجربه وزيدينا من تجاربك الله يعطيك العافيه
ياحليلك شهيتينا
ماشاء الله تبارك الله تسلم ايدك شكلها مرة لذيذة
بس عندي لك سؤال كيف تستخدمين التاوة الى في الصورة انا ما اعرف لها مرة ديم يلصق فيها المرصوع ، واستخدم بدلها التيفال ماشية معي تمام بس برة نفسي اتعلم على التاوة العادية ...قولى لى كيف انت تستخدمينها ....
ماشاء الله تبارك الله تسلم ايدك شكلها مرة لذيذة
بس عندي لك سؤال كيف تستخدمين التاوة الى في الصورة انا ما اعرف لها مرة ديم يلصق فيها المرصوع ، واستخدم بدلها التيفال ماشية معي تمام بس برة نفسي اتعلم على التاوة العادية ...قولى لى كيف انت تستخدمينها ....
الصفحة الأخيرة