آيسكريم

آيسكريم @ayskrym

محررة برونزية

مشكلتي مع ولدي العنيد الصيٌاح

الأمومة والطفل

بسم الله الرحمن الرحيم

السلام عليكم ورحمة الله وبركاته

اليوم يا امهات عالم حواء جايتكم وانا جدا متضايقه ومتنرفزه من ولدي الله يهديه
وما اطلب منكم الا انكم تدعونله ان الله يهديه وتدلوني على طريقه اتعامل فيها معاه

المشكله: ولدي عمره ثلاث سنوات وهو تشوفينه تقولين هادي مؤدب ما شاء الله عليه
بس بالواقع شيء ثاني
اي شيء نقوله اياه ولا يعجبه هات يات موال الصياح والشهاق

اي شيء اقوله له او اكلمه ما يرد علي ولا يطالعني الين ما اعصب عليه وارفع صوتي
وانا ما اضرب ابدا بس احيانا ودي امسكه واطقه لين ارتاحمن كثر ما اكون معصبه بس اتعوذ من ابيلس واهون

والشيء الثاني انه يحب الأولاد ويلعب معاهم ولا يبي شيء مو له ولا يقول عطوني والا جيبولي زي فلان والا علان زي الاولاد اللي بسنه بس انه اللي له لو تنطبق السماء على الارض مايخليهم يلعبون به
ودايما يقولي خلي احد يجي عندنا ويلعب معاي
بس من يجي احد الا يروح اليوم صياح
لا يلمس العابي ولا يجلس على كرسيي :30: :30:

مررررررره تعبت معاه
واللي مضايقني اكثر انه راح يجيه اخو او اخت بعد كم شهر واحس ان هالشيء راح يزيده لان ماكان عنده احد قبل وفجاه يبي يجيه احد في البيت

وفيه اشيااااااااااااء كثيره بس اللي قلته يكفي وزياده والله احس اني بصيح لين فكرت فيه:09: :(

ما ادري احط هالمشكله هنا والا بقسم المشكلات الاجتماعيه

يالله يا بنات الله لا يحرمني منكم قولوا آمين

دلوني على الطريقه والحل:26: :26:
3
628

يلزم عليك تسجيل الدخول أولًا لكتابة تعليق.

تسجيل دخول

][§][-~المتغـلية ~-][§][



غالبا ً الي بعمره وقريت كثير مواضيع حتى بالقسم عن الي بعمره
كيف مشاكسين وعنيدين ويتعبون مره

بس ان شاء الله مع وجود مشارك له ومعه دايم اخت او اخ راح بتدريج يتعود وتتغير شخصيته طبيعي
وربي يخليه لك ويسهل عليك :26:


..

.




قميص بربري
قميص بربري
احب افيدك اختي من واقع تجربتي عندي زياد نفس عمر ولدك وعنيد وبس صياح وسوى اللي ابي ولا بصيح المهم ماخليت طريقه ابيه يتعدل ومافاد المهم مره قام يصيح على كريم يد يبي يلعب فيهوقلت لامافي وصيا ح ونياح المهم قمت وشلته بلقوه ودخلته غرفتي وقفلت الباب وهو يصارخ قلت خليك تتادب خلاصتعبت وخليته3دقايق بالضبط وفتحت الباب لقيته متسند علجدار وساكت وجاء يجري وارتمى علي يبيني احضنه قلت قول اسف معاد ابكي قال اتف مااكي واعطيته بوسه وحظنته ومن يومها الى الحين بس اجيب طاري الغرفه ماعد يفتح فمه بصوت واذا نسى اعيد العقاب والله انها طريقه رهيبه للتاديب اتمنى اكون افدتك
تعبانة من عيالها
نفس مشكلتي والله بس انا مع تغيير بسيط انه يبغى اشياء الاطفال مع انه والحمد لله ولدي الاول وماجاني الا بعد معاناة يعني مدلعته بالمرة مافي شي يطلبه او حتى مايطلبه الا وهو عنده يعني احسن من كل الاطفال اللي في محيطة بس عينه فارغة يبغى كل شي له او لغيرة
كمان مشكلته مع الشغالة الجديدة اللي موطايقها بالمرة لا يخليها تلمشة ولا تغسله ولا تلبسة بس تتقرب منه يصارخ عليها ويقول لها لالالالالالالالالالالالالالالالالالالا
حتى صارت تكرهه وماتقربه ودي اتركه عندها في البيت لما اروح الدوام بس اعرف انه ماراح يخليها تقربه وهي كارهته تعبت والله مادري وش اسوي معه
انا عصبية ومن عمايله هذي صرت اضربه واصارخ عليه واتندم بعدها لكن وش اسوي
ساعدونا بحلول الله يصلح اولادنا