بنات الله يعافيكم انا افكر اعتمد على نفسي واشوف لي مشروع ادخل من وراه ربح معقول جربت اجيب بضاعه من بعض الاخوات هنيه وفي منتديات ثانيه وابيعها على اللي حوالي وشكلي بهون مع اني طلبت بضاعه وهي في الطريق

واللحين افكر بشي ثاني من كم يوم سمعت زوجي يقول ان فلل جارنا اللي توفي من فترة الله يرحمه معروضات للبيع هن تقريبا فلتين كبار كل فله طابقين مع حوش مزروع ووسط يعني مب كبير وايد ولا صغير تقريبا مساحته 200 في 200 خواتي افكر اشتريهم عن طريق البنك يعني مب تمويل وبعدين اقساط ووو لا افكر اني اخلي البنك يشتريهن ويأجرهن بمعرفته لين تنتهي الفلوس اللي عليهن يعني اذا كانن ب 2 مليون واتأجرن بـ 200000 الف في السنه يبغي لهن 10 سنين وبعدين يصيرون ملكي عرفتو وانا سألت البنك وقالو لي ماعندنا مانع تعالي وبنتفاهم اللحين انا محتاره سألت زوجي قالي طالبين فيهن 3 مليون !!!! فقلت بساومهم على المبلغ او بدور لي فله ثانيه تكون ارخص والفترة اقل

ها شو رايكم استثمار حلو والا
هلا الغاليه
بالنسبه لفكرة البضائع والعمل من خلال المنزل مثلا بانك تجيبين بضائع وتبيعنها الفكره حلوه وشوفي مشاء الله الاخوات التاجرات في المنتدى يشتغلون حلو بس اهم نقطه لازم تحطينها في بالك انه المنتج اللي تشتريه او المنتجات اللي تشتريها تكون مو متوفره بكثره ببلدك او مو متوفره عند اللي حولك او لو وفرتي شي مطلوب ومتوفر يكون سعره ارخص من السوق عشان الناس تشتري منك
واهم شي انك تدوري على مصدر البضاعه يعني المصنع او الموزع الرئيسي عشان تاخذي سعر رخيص عشان تكون اسعارك مناسبه
دايما الشي الغريب مرغوب يعني شي مميز وبنفس الوقت مو موجود في اسواقنا بيمشي معك تمام

بالنسبه للعقارات والاستثمارات فيها ما عندي خبره ان شاء الله البنات يفيدوك فيها

وموفقه يا قلبي
بصراحه مش عارفه بس مش مرتاحه للموضوع

ننتظر اراء البنات
وموفقه يارب
اممممممم

انا عندي خبرة صغنونة بالموضوع

مثل ما وضحتي بالبداية ..

انه لو كان سعرها مليونين .. بتدخل مثلا 200 الف ..

يعني هالايام من متابعتي .. ان اقل شي العقار يدخل لج .. 10% من راس ماله .. بالسنه

مثال لو راس ماله ث مليون لازم يدخل لج 300 الف .. بالسنة .. والا ما هو استثمار نافع ..

ممكن تشوفين لج غيره ..

او اذا ساومتيهم لازم تاجرينه بما يعادل 10 % من المبلغ اللي بتشترين فيه

مثال عليه ..

لو عطوج ب2 مليون ونص يعني دخلها اقل شي 250 الف

اشور عليج شور .. << وحدة كان خاطرها بهالاستثمار


فتحي وسيط الاتحاد .. او الخليج او البيان بتلقين .. بنايات وفلل وشقق .. وغيره ..

دخلهم 13 % بالسنة .. يعني اربح لج .. وفي فترة اقل بيصير العقار حر ..


والله يوفقج غناتي
تجهيزات الولادة عالموضة

للطلب والاستفسار :
00971508170222
0097455699012
متجري الخااااص
عالــــم الحــــب
www.aalm-al7b.com
خواتي جزاكم الله خير وما قصرتو

اختي عطور وبخور انا اصلا اشوف انه غالي مثلك وفتحت الملاحق الوسيط وملحق الاتحاد والخليج وغيره وشفت الاسعار والفلل المعروضه بس انا افكر اشتري شي هنا في مدينتي في العين مب برا العين عشان مستقبلا اقدر مثلا ابيعه او ااجره واكون قريبه منه لقيت فلل في دبي وابوظبي بس انا ابغي هنا في العين وبصراحه موقع الفلل اللي قلت لكم عنهن وايد حلو يعني استثمار بمحله بس لو شوي السعر اقل كل زين

على العموم بنتظر شوي بعدني وبدور ماراح استعجل عشان لا اندم وياريت اللي لها خبره بهالمجال تفيدنا


الساعة الآن 02:45 .