السلام عليكم ورحمة الله وبركاته


اخواتي العزيزات ابي منكم خدمه، ان شاء الله تقدرون عليها، اللي يخليكم اللي سافرت او تعرف اي شي عن سان دييغو تعلمنيي وادعي لها ان شاء الله وانا رايحه. لان زوجي عنده شغل هناك ولازم اروح معه فاابغى اعرف عنها وعن مطاعمها العربيه اذا فيها و اسواقها والاماكن الحلوه اللي تستحق الزياره والمولاات والمراكز الاسلاميه وكم تبعد عنها لوس انجليس والاماكن الحلوه اللي فيها والمطاعم والمحلات العربيه ووووووووووو

الله يجزاكم خير ويخلي لكم عيالكم ويسخر لكم رجالكم

لاتتاخرون انا في الانتظاااااااااااااااار
اختكم المغتربه عائشـــــــــــــــــــــــه
وعليكم السلام ورحمة الله وبركاته .
كان ودى اقدم المساعدة .. ولكن ارجو ان يكون هناك من يستطيع ان يقدمها .

وسفر موفق باذن الله .
لله الحكم من قبل ومن بعد

إذا اردت أن تختار فاختار ألا تختار واترك الإختيار لله الواحد القهار
اللهم خر لنا واختر لنا ، ورضِّنا بما قسمت لنا ..

وبشر المخبتين - وبشر المحسنين - وبشر الصابرين
************
هلا والله اختي عائشه...

انا رحت سان دييغو ...لاكن قعدت فيها بس 4 ايام!! ...فما اعرف عنها الكثير...لاكن بقول لك الي اعرفه..

بس يعتمد انتي شكثر قاعده في سان دييغو؟؟ هل مجرد زياره؟ او كم شهر؟؟

هي طبعا على البحر...فتتميز ببحرها...عندك عالم البحار (sea world) يستاهل انك تروحينه..، و حديقة الحيوان...اذا عندك اطفال...

في باصات سياحيه صغيره.. توقف عن كم محطه....تدور فيكي على المدينه بكاملها تقريبا...وتنزلين بالمكان الي تعجبك ويرجع باص اخر كل نص ساعه....

كذلك Balboa Park ..مجموعة حدائق...تشوفين فيها الطبيعه شي خياااال

اما عن اسواقها...

Horton Plaza....هذا السوق يتميز ديكوره الخارجي... عجبني...مررره حلو...وفي محلات حلوه ومطاعم...انصحك تروحينه

Girard Avenue and Prospect Street...هذا بعد حلو.. بس اكثره ماركات....اذا انتي تحبين الماركات...

اما المطاعم...فما اظن فيه مطعم عربي ..بس في هندي اذا تبين...اسمه Star of India

اما عن المراكز الاسلاميه...فما ادري!! ولا عن لوس انجلوس كم تبعد عنها ما ادري!!

هذا الي اعرفه...و****الله اني افدتك
اهلين اخواتي
جبل قهوان,,,,,,الله يجزاك خير على الرد وماقصرتي.
sugar
ياهلا فيك اختي .....الله يجزاك خير استفدت من معلوماتك كثير الله يبارك فيك وبالنسبه لجلوسي هناك الى الان ماحددنا على حسب شغل زوجي .
وبالنسبه لعالم البحار هو مكان ترفيهي صح ؟؟؟يعني فيه انواع واشكااااااااااال من الاسماك والمخلوقات البحريه معروضه بطريقه حلوووووووووووه قد شفت مثله في مدينه نسيت اسمها في تكساس فاذا هو نفسه مايحتاج اروح له استغل وقتي بشي ماشفته احسن ,,,,,والا وش رايك؟
وبالنسبه لحديقة الحيوان هي زي سفاري اللي في كندا اللي تدخلينها بسيارتك وتدورين فيها والا كل حيوان حاطينه لحاله ؟
Horton Plaza المطاعم اللي فيه كلها امريكيه والا فيها عربيه ؟؟؟
Girard Avenue and Prospect Street
اسعاره غاليه والا زي اللي برا وهل هو يشبه( تايسون كورنر)ماني متاكده من اسمه اللي في واشنطن
طيب عيوني اخر سؤال- عارفه اني طولت عليك وشكلك مليتي بس معليش تحمليني-
انتي رحتي لها بعد الاحداث والا قبل وان كان بعد هل لاحظتي او شفتي اي مضايقات او عنصريه وهل المحجبات هناك كثير والا لا؟؟؟؟؟؟
ومره ثانيه الله يجزاك خير وماقصرتي والله يجعله في موازين اعمالك يااااااااااااااااارب
اختك عائشــــــــــــه :24:
اهلين فيكي يا عائشه..سامحيني تاخرت عليكي بالرد

بالنسبة لعالم البحار...صح ...هو نفس الي رحتيه في سان انتونيو..اسماك اشكال والوان...فخلاص هذا شيليه من اللسته ... وحديقة الحيوان الي هناك...حيوانات في اققاص...وانتي تدورين عليها...هي حديقه كبيره مره...وفيه باص يدور فيكي...او اذا تبين انتي تمشين...بس اذا انتي مو راعية هذي السوالف فمالها داعي...انا قلت يمكن عندك اطفال ...فا راح ينبسطو ...

Horton Plaza ..ذكرتيييييييييني....الله يذكرك بالشهاده ...فيه فود كورت...food cort.. الي فيه مطاعم متعدده....فيه مطعم تركي....فيه الظاهر متبل وحمص ومشويات وشاورما....نسيت اسم المطعم...بس راح تلقينه في الفوود كورت... اذا ما سكر يعني ..

Girard Avenue and Prospect Street ..اسعاره مو مره غاليه...يعني تلقين فيه محل نوردستورم...ارماني...رالف لورين...يعني الي شوي غاليه ..فهمتي

وبصراحه انا رحت لها قبل الاحداث...بست شهوووووووووور.... ..بس ما حسيت بمضايقات او اي شي بشأن حجابي.... الحمدالله

وشدعوه ...لا طولتي ولا شي....وترى اي سؤال حاااااااااااااااااااااضره... :24:


الساعة الآن 12:56 .