اريد كريمات للتشققات ساعدوووووووني

هلا اختي كل اللي تشوفينه بجسمك اغلب الحوامل شافوه حاليا دهني الثدي
بزبدة الكاكاو..بس السواد مارح يروح الا بعد الولاده بشهور وحسب اهتمامك
وبعد الولاده اعملي نظام عنايه فائقه بجسمك.
شوفي انا عني الحين بالسادس والله اعلم ناويه اخلط جلسرين سائل مع زيت لوز حلو وزيت الورد.وليمون.واستخدمها كمرطب لكل جسمي من الحين وعلى طول .باءذن الله.
جربيها مفيده وتفتح البشره .وترطبها.

احسن شي زبدة الكاكاو رهيب

زيت الزيتوووووووووون سر المرأة العصري :)
ماراح تندمين

حبيبتي عليج بزبدة الكاكاو وايد حلوة بس اخلطيها بزيت الزيتون وعندج كذا نكهة من البودي شوب"لتشققات البطن والحلمة"..

وعن التفتيح صديقتي قالت لي عن وصفة بصراحة جربتها قبل الحمل وايد حلوة وسهلة وظليت استعملها لأول ثلاث أشهر وبعدين وقفت خفت من كريم الجليسوليد يضر بالبيبي بس البنات طمنوني انه مب مضر والحين ناوية أرجع أسويها لني بالسادس وأبغي جسمي يفتح لحد موعد الولادة ..



- مكونات الخلطة :
1) كوب عصير ليمون..
1)كوب جلسرين..
1)علبة جليسوليد أحمر..

- للاستحمام نحتاج لـ:
كريم سنفرة للاستحمام..
ليفة مغربية للفرك..

نخلط المقادير مع بعض بنفس الكمية ونحطهم بعلبة بالثلاجة علشان الليمون مايخرب ويظل مفعوله طوال المدة المرغوب استعماله بها حسب الكمية إذا كانت كبيرة يكون أفضل لج يعني ماتتعنين وتتعبين نفسج بس تسوينها مرة وتكون جاهزة ومحفوظة بالثلاجة أو على درجة برودة غرفة النوم تكفي لأن الجو عندنا هالأيام بارد..

الطريقة :

تدهن منها على الوجه والرقبة ومناطق الاسوداد "بين الفخذين .. الإبط .. الأكواع .. الركب .. الظهر" وتنامين طول الليل بس يفضل لبس جلابية مصنوعة من القطن (طبعاً هالخلطة مفيدة للحوامل وغير الحوامل)..

المهم الصبح أول ماتقومين تاخذين أي كريم مقشر أو سنفرة وتدعكين وجهج والمنطقة اللي تبينها تبيض وتستحمين وراح تلاقين المنقطة من أول مرة ناعمة وبعد دوام استعماله لمدة اسبوع راح تلاقين المنطقة تفتح لونها ماأقول يبيض ولكن يفتح اللون وطبعاً كلما تظلين تستخدمينها راح تلاحظين المفعول كبير ..

بصراحة أنا جربتها على كل جسمي واستخدمت كريم السنفرة ودعكت جسمي وبعد كذا استخدمت "الليفة المغربية" مع شاور جل معطر ودعكت جسمي بالكامل بالليفة وعقبه حطيت كريم لوشن ..

والله الجسم صار كله نعووووووومه مرة كأنه جلد أطفال واللون فاتح ومتناسق والرائحة تهبل :23: والحبوب كلها اختفت من ظهري والمناطق السمرا راحت ..

حتى زوجي مستغرب ولمن سألني عن التغيير والنعومة واللون الفاتح فرحت انه لاحظ الفرق:eek: بس قلت له يمكن علشان الحمل يحلي المرأة وينعمها والهرمونات لها دور المسكين صدق :22: خخخخخخ شررريـــــرررة :30: ..

أتمنى تعجبج الخلطة ولا تنسين تدعين لي أولد بالسلامة طفل سليم معافى كامل الخلقة والخلق وبأتم الصحة والعافية من تلقين المفعول للعلم راح تلاقين المفعول من أول أربع استعمالات ..

ادهني صدرك وبطنك بزيت الزيتون الاصلي

وادعيييييييييييييييييييييلي :)