اسووووواق الرياض....والعروس

مرحبا يا احلى ناس في العالم
من جد والله حبيتكم وحبيت تعاونكم مع بعض الله لا يخلينا منكم
اشوف ردودكم ومواضيعكم وتعاملكم مع بعض كانكم اخوات قلت ما راح ان شاء الله يخذلوني وراح يفيدوني بخبرتهم…
بصراحه انا حابه اعرف احلى وارقى الاسواق في الرياض لكل بنت تبي تجهز لزواجها
مو شرط الاسواق بحد ذاتها ياليت تمدحون لي محلات معينه وتتكرمون وتعطوني مواقعها
وانا ودي بشي راقي مثل جيورجيو ارماني وفايفث ساكس افينو
وغيرها ما ودي بمحلات مانجو وبرومود وغيرها من الماركات العاديه
ودي تفيدوني باحلى محلات فساتين الزواج والجزم وانتم بكرامه والشنط وفساتين السهره والمكياج وملابس الطلعات العاديه ..ومحلات الجلابيات الراقيه ..ومحلات السبورات ومحلات ارواب الحمام وافضلها. والعبايات انا جربت بدر وشغلهم مررره حلو ووش رايكم في منتصف الليل اجربه او لا ؟؟ ومحلات الملابس الداخليه والانجري.الا على فكره وش رايكم بمحل ما جيستك الرياش؟؟؟ ومحل جي سي بيني للمفارش؟؟؟ بصراحه انا حبيت تصاميم زهير مراد بس حطموني يوم رحت لهم ...... ووش رايكم بتصاميم عابد محفوظ واذا فيه احد جربه؟؟ انا لا حضت ان شارع الثلاثين مليان محلات راقيه لكن ما ادري وش الافضل…
واذا ما عليكم كلافه…ودي تمدحون لي مشاغل راقيه في الخياطه والمكياج بصراحه مدحو لي جان كلود..وش رايكم انتم…واذا فيه وحده معينه بحد ذاتها تضبط الميك اب وشغلها لبناني راقي…انا عميله لسواريه بس شغلهم مو ذاك الزود وغالين على غير سنع.. وحتى محلات اواني المطبخ…ياريت تفيدوني فيها…
على فكرا شرايكم بمعوض وكارتير؟؟..
..فيه طلب اخير انا بصراحه نفسي بوحده تشيل الشعر وتجي للبيت يعني ما اضطر اطلع من البيت…فيه وحده قالت لي ان فيه وحه باكستانيه اسمها شيرين تجي للبيت وكامل الجسم ب 150 ريال بس..لكن لاسف ما اعرف رقمها يا ريت وحده تتكرم وتفيدني برقم او غيره..

الله يوفق كل من بترد علي …ويحفضها لكل عين ترجيها…

بنتظار ردودكم يا حلوات