الي يقصدكم ان شاء الله ماينرد / ابي الفزعه

:)

السلام عليكم

هلا وغلا بنات

والله اني مستحية جاية ومعي طلب

بس انتم كرماء وانا استاهل

ابقول لكم السالفة من طق طق لسلام عليكم

اول شي تعرفون موقع ميقا أب لود والي ماتعرفه هو موقع سعته عاليه

تحملين عليه مواد او تنزلين منه مواد مثل موقع طق طق لتحميل الصور

بس انه ماينفتح في السعوديه يعني محجوب ماادري ليه الله يهدي الي حجبه

وفيه ياالحبيبات برنامج اجنبي يجي بالتلفزيون

والبرنامج ومافيه هذيك الاشياء الوصخة مثل الي تطلع بالتلفزيون او شي

انا ودي فيه لانه يتكلم عن اثنين متزوجين واختكم يهمها هذا الموضوع لانها

تبي تدخل هذي الحياة

المشكله ان البرنامج محمل على موقع ميقا اب لود وهو محجوب عندنا في السعودية

زي ماقلت لكم

عاد الي يقدرون يساعدوني محتاجة اكثر من وحده لانه تقريبا عشر اجزاء

مستحية اخلي وحده تحمل لي كل الاجزاء ماودي اثقل عليكم

لا تفشلوني تكفون انا شفت بعض الي فيه ونفعني ببعض الحركات

والطريقه انك تحملينه من موقع ميقا اب لود تضغطين زر التحميل وتتصفحين الانترنت

على راحتك وبعد ماينزل على الجهاز ترفعينه على موقع ثاني ابعطيكم اياه ان شاء الله

هو الخرط كثير بس العملية سهلة وغير متعبة

تكفون ساعدووووني ارجوكمممم فيه بمنتدى ثاني نزلت موضوع

اسال عن التحميل من ميقا اب لود وعرض واحد يساعدني

يحملها وينزلها لي بس مستحيه انه رجال

قلت بنات حواء بنات مثلي ان شاء الله يفزعوني

والي تبي بعد تشوف البرنامج تراه مضحك ومافيه شي وصخ لاتحسبون انه لانه عن اثنين
متزوجين فيه شي وصخ لا مافيه بس يعطي افكار سطحية

help m plz


وسؤال ثاني بسيط فيه وحده اجنبيه ارسلت لها دعوه رساله مره حلوه
تدعو للتعرف بالاسلام وارسلت رد تسال من انا وتوقيعها كاتبة luv ya
بما انكم مخالفطينهم برايكم وش ارد عليها لاني اتوقع ان البنت بالعشرين بالكثير وهي امريكيه
وانا مااعرفها بس اغلب الايميلات الي ارسلتها كانت لحريم مادخلو الثلاثين
وتتوقعون احسن اجيب طاري جنسيتي اني سعوديه او احرص مااجيب طاريها
والي تبي الرساله تراها تجنن ومعها روابط جاهزه