Analysis Services
السلام عليكم ..
كيفكـــم اخواتي أنا حابه افيد
مثل ما استفيد ..فجتني فكره اني انزل لكم
الاطباق الي انا فاهمه فيها ..احم احم ..
والي اذا سويتها .. .. ما اخلص
من مدح ابو الشباب
المهم بحاول انزل لكم كل يوم طبق
واتمنى من كل قلبي اني الاقي
تشجيع عشان .. اكمـــل

يمكن ماتكون جديده على بعضكم
لكن انا بكتب لكم طريقتي واتمنى
اني اكون افدت احد .. ولاتنسونا من خالص
الدعاء جمعنا واياكم في رياض الصالحين ..


خلوني ابدأ بصيادية السمك

بسـم الله..

اول شي تسويه اسلقي رز في مويه
وملح وخليه يطبخ ..
ثاني شيء..
قومي وقطعي بصل وحطيه في القدر
وحطي سمنه او زيت وابدأي كشني
واذا تبغي الكشنه محبوكه ولها ذاك
الريحه قطعي معه ثوم وفلفل حار عاد
الفلفل اختياري لكن انا اموت بالحار
وحبة ماجي وابدأي قلبي الا ما يبدا
يصفر البصل تكوني خالطه طماطم
كبيها فوقه وحركي وحطي بهاراتك
المفضله فلفل اسود كمون ملح والي
تبيه ولاتنسي معجون طماطم
عشان تصير حمرا ومتسبكه
وغطي عليها وخليها تتسبك لحالها
نجي للخطوه الثالثه ..
تكوني مجهزه سمك ومنظفاه ومتبلاه
حابه فيليه او سمكه كامله اقليه في
زيت حامي الا ماينضج ويتحمر وصفيه
من الزيت وخليه على جنب
نجي للخطوه الرابعه ..
قطعي بصل شرائح واقليه وصفيه وخليه
على جنب
كذا نكون خلصنا نرجع للرز نلاقيه استوا
ونكب الكشنه في قدر ثاني على فكره
الكشنه تكون متسبكه وثقيله شوي مو
مويه وبعدين نرص فوقها قطع السمك
المقليه وبعدين الرز بالتدريج وقفلي عليه
شوي وخليه على نار هاديه ومايطول اقل
من ربع ساعه بعدين اقلبيها في صحن
وزينيها بالبصل المقلي والف صحه وعافيه
على قلوبكم ..
لي رجعــــــــه !

14-01-1428 هـ, 03:43 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
موضوعك حلو وجزاك الله الف خير ويعطيك العافية

ننتظر اطباقك القادمة
14-01-1428 هـ, 04:42 صباحاً
 
جزاج الله خير
بانتظارج
14-01-1428 هـ, 05:32 صباحاً
 
حياك الله

يعطيك الف عافيه

ننتظر القااااااااااادم يااااااااا عسل ..
14-01-1428 هـ, 06:22 صباحاً
 
السلام عليكم ..
اسفه عالتأخير..
نجي لطبقنا الثاني ..
بسم الله ..
قلابة سمك ..

يكون معك سمك منظف متبل جاهز
اقليه وخليه على جنب وبعدين قومي
قطعي بصل وثوم وكشنيه مع سمنه او زيت
حتى يذبل ويحمر شوي وكبي عليه طماطم
مخلوطه وخليها تتسبك ولا تنسي معجون
الطماطم والبهارات والملح وخليها ثقيله
وكثيييره وبعد ماتتسبك حطي فوقها قطع
السمك وياحبذا لو تخليه قطع وتقلبيه مع
الكشنه بهدوء عشان مايتكسروغطيه وخليه
يتشرب الكشنه على نار هاديه وبعدين قفلي
عنه وحطيه في صحن التحظير وبالف صحه
على قلوبكم ينأكل مع خبز او رز ابيض ..
لي رجعه ..
15-01-1428 هـ, 11:04 مساءً
 


الساعة الآن 10:43 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏