بنات بسافر سويسرا .. نصايحكم,,رحلة سياحية

هلا والله سويسرا غاااليه من ناحية التسوووق والاكل مرره بس طبيعتها جنان.
خوذي معاك لبس صيفي وشتوي لان انا قد رحت رحله لاوروبا كل مدينه جوها غير مثلا ايطاليا فطست فيها من الحر اما سويسرا كان الجو بارد بس موو ب مرره يعني احيانا الشمس تكون حاره شوي.
اهم شي خوذي بنادول وخافض حراره وكريماتك.
وكثري حجابات وملابس لولدك لان يمكن مايصير فيه فرصه تغسلين هناك.
مرري مدينه اسمها بحيرة لوسيرن لاتفوتك جنه الله في ارضه.
اغلب المحلات باوربا تسكر 5 المغرب لازم تقومون بدري عشان تمشوون زين يعني 8 اطلعو من الفندق.
الله يوفقك.

عزيزتي شذوو كفيتي ووفيتي حبيبتي .. فعلا انا وزوجي خصصنا مبلغ 20 الف وعليها لمدة 15 يوم ان شاء الله انها تكفينا ولا اش رايك؟؟؟
وفعلا قالو لنا انها تقفل محلاتها بدري ..
بس ماقولتيلي من ناحية الامن كيف؟؟؟ امنه ولا لك عليها

مرحبااختي ...من ناحيه الامان البلد أمان بالمره..مافيه اي مشاكل اما اللبس بالصيف بالنهار حلو الجو ربيعي بس احيانا يتغير فجأة يعني امطار وبرد..الافضل تاخذي ربيعي وكم جاكيت اوكنزات خفيفه خصوصا البيبي ..والتسوق تعتبر سويسر من اغلى بلدان العالم بكل حاجه التسوق اذا بتروحي لجنيف هي احلى شي فيها كل الماركات بس طبعا غاليه بس بالصيف يكون موسم تخفيضات وممكن تستفيدي منها....بس اهم شي تستمتعي بالمناظر الاكثر من روعه روحي افيان تشوفي منبع المويه اللي بيستخرجومنه موية افيان.. ولوزان افضل شي تدوروها بالسيارة تشوفي جنه الله بارضه.....وقولي لنا اخبارك اذا رجعتي..نسيت كمان فيه مدينه جنه نسيت اسمها لالالالالاتفوتك اسال عن اسمها واقولك يبغا لها يومين بس يكفيها لانها صغيره بس سبحان ربي اللي خلق.......

فلة ياسمين حبيبتي والله خجلتيني .. كلامك ووصفك حلو شوقتيني للرحله كمان مشكورة ياقلبي

هلا اختي انا زرتها في الصيف يعني نفس وقتك
الجو كا مره حلوبس مايمنع تاخذي قطع بسيطه احتياط ولا تكثري
بالنسبه للامان مرررررره اما ن
جنيف كلهااااااااااااا خليجين سعوديين وكويتين يعني لو تلبسي عباية سوداء عادي من كثرهم
والغطا عااااااااادي
زيورخ اقل بكثير عرب يمكن ماشفنا الا عوائل معدوده ومع ذلك الحجاب عادي مره عندهم يعني ماتواجهين اي مضايقات
هذه اهم مدينتين العاصمه مدينه صناعيه ما يستاهل مضيعة وقت فيها
فيه كم مدينه او قرى صغيره تقدرو تطلعو لها من جنيف وزيورخ
مثل انتر لاكن يعني حلوه جو هادي ومنطقه رايقه طبعا يوم يكفيها وقريبه للزيورخ وجنيف
من زيورخ فيه رحله سياحيه للبيت هايدي كانك تحبينها كثير يروحون ولا يمرونه
من جنيف لاتفوتين مدينه في فرنسا تبعد اقل من ساعه بالباص طبعا رحله سياحيه معروفه فيها
فيها جبل ثلجي حلو بس لازم تكون فيزتكم اوربيه مو بس سويسريه عشان يدخلوكم لانه تمرون على الحدود
جنيف وزيورخ مافيها الا بحيره معروفه لكل مدينه تسكنو قريب لها وتطلعو على رجولكم
طبعا الفنادق الي عليها مباشره غااااااااليه
يعني تاخذون شي جوا شوي
المدن الصغيره الي قلت لك عنها يكفيها يوم بالراحه
وسويسرا عموما جنننننننننننننننننه خضرتها تهبببببببل
اذكر جلسنا 6 ايام فيها وكفت كل شي
لانها مافيها اماكن سياحيه بس بحيره وخضرررره
من ناحية الغلا زي ماقالو البنات غاااليه
يعني المبلغ الي حددتيه يكفي تمشيه وتاخذو اشياء ذكرى يعني اشيا بسيطه بس تتسوقي لا مره غاليه
صراحه مطاعمهم ماعجبتني مرينا 2 وكل واحد اشين من الثاني وغاااااااااااليه بعدها قلت الله يخلي ماكدونالدز اطعم وعارفته
اذا كنتو بتروحون مدينه ثانيه غيرها روحو قبل لاننا رحنا سويسرا وبعدها ايطاليا فرررق الخضره طلعت مافيها شي
وخلو تنقلاتكم بالقطارات بين المدن لانها مممتعه مهما كان الطريق طويل يطلع كانه ساعه بدون مبالغه كان مره حلو
وبين المدن الصغيره الي جوا سويسرا الباص والله يعينك على المشي
ولدك اهم شي عربيه معكم وخذي النوع الخفيف اسهل لك لانها بتنشال في كل مره ركوب وتحوسكم
خذي حليبه قد المده الي بتجلسون فيها عشان ماتحتاسون وبرض البامبرز كثري على قد المده
عمر سنه خذي بساكيت ناشفه له تعطيه وقت الطلعه لان هناك كل شي غالي
المويه اذكرها 12 ريال!!
وكل خمس دقايق نشرب
صرنا نعبي
لان عندهم في اوربا كلها زي الاحواض تصب منها مويه طبعا مويه عذبه
وش بعد سعر وجبات الماكدونالدز 35 تقريبا الوحده >>ارخص شي هذا

وتتهنو ان شاءالله
اي سؤال في الخدمه