السلام عليكم
خواتي العزيزات .....تعرفون الحامل تطري عليها طواري وانا للاسف اشتهيت شي لاعرف اسويه ولا اعرف حتى مقاديره
طولت عليكم المهم الطبق عباره عن ارز صنوايت مع حليب بس هذا الي اعرفه وبعد يحط فوقه دجاج محمر والظاهر اسمه سليق مو متاكدة
الله يخليكم ردو علي
لاني سمعت ان الحامل اذا اشتهت شي ولا كلته تطلع شامه في البيبي
وشكرا لكم
أنا الغريب ألى ديارى بعيدة
وأنا الغريب ألى فى غربتى ما تهنيت
رغم الجروح الماضية والجديدة وعشرة عمر معها كبرت وتربيت صابر وبصبر والمواجع عديدة عله يتغير الوضع .... ياليت

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ايه حبيبتي شوفي اولا.... تسلقين الدجاجه بمويه وقرفه ومسمار اوكي

وبعدين اذا استوت الدجاجه تشيلينها وتصفين المويه من القرفه والمسمار .........

وبعدين تحطين كاسين رز مصري واذا بدى يطبخ قصري عليه النار لحين النضج وبعدين اذا حسيتي

ان الرز استوت قومي سقيها قولي مثلا لتر حليب وخليه يطبخ شويه مثلا انا اخلي السليق يطبخ ثلاث ساااعات

وقبل الغرف حطي عليها قشطه وزبده وحركيه يطلع مرررررره رهيب

وقدميه مع الصلصه المعرووووووفه وتكون لازم حاااااااره امممممم ما تشبعين منها

وان شاء الله تكوني فهمتي واي استفسااار انا تحت الخدمه ................. والله يهون عليكي ويرزقك بلي تبين :24:

سلااااااااااااااااااام..............
الله يعطيك العافيه اختي دانه .... بس شكلي بتعبك معي بس تحمليني شوي
الدجاج بعد السلق شلون اسوي الصلصة حقته
واخرسوال عزيزتي الصلصه الحاره شلون اسويها وسامحيني على الاطاله
وجزاك الله خيرا
وهذا لك
أنا الغريب ألى ديارى بعيدة
وأنا الغريب ألى فى غربتى ما تهنيت
رغم الجروح الماضية والجديدة وعشرة عمر معها كبرت وتربيت صابر وبصبر والمواجع عديدة عله يتغير الوضع .... ياليت
هلا بك ياااااااا أم قبله والله يعينك على حملك ....

أما السليق فأنا عندي طريقه مرررررره رائعه

مقاديرها :
دجاجه وحده
بصل وثوم
أرز أبو سيوف أو رز مصري ( مغسول ومنقوع ) أنا بفضل أبو سيوف بيطلع ألذ
حليب بودره أوسائل
زبده

تقلبي الثوم في قليل من الزيت و لا تحمريه بعدين تحطي البصل وتقلبي كمان لا تحمريه فقط إلى أن يصفر لونه
بعد كذا تحطي الدجاج وتستمري في التقليب
أضيفي المويه والملح وحبات الهيل وحبه وحده مستكه إذا رغبتي وخليه حتى يستوي الدجاج
بعد كذا شيلي الدجاج وصفي المرق وحطي الرز وقلبي بين فتره وأخرى وخليه حتى يستوي ويختلط مع بعضه
بعدين أضيفي الحليب والزبده وخليه خمس دقائق على النار مع التقليب .
أما الدجاج فحطي عليه هذي الخلطه بتخليها الذ دجاج ذقتيه
( قليل من مرق الدجاج السابق ـ ملح ـ بهار ـ فلفل أسود ـ صلصة طماطم ـ قليل من عصير ليمونه ـ زيت )
حمريه في الفرن وقدميه مع السليق و بالعافيه ......

طولت عليك لكنه مره سهل سويه وما تندمي إن شا الله .

وصدقيني طعمه مرررررررررررررررررررره لذيذ
عزيزتي المباركه الله يعطيك العافيه ويوفقك على طريقتك السهله
بس سوالي يصير لون الارز ابيض مع البصل والثوم .... لاني مشتهيته ابيض
انا سويت طريقه الاخت الدانه بس كانت حبه الارز باينه انا ابيه معجون
الظاهر ان الماء كان شوي
بجرب طريقتك عزيزتي المباركه اذا لون الارز ابيض علميني ولا عليك امر.. عشان اسويها بكره ***** الله

وشكــــــــــــــــــــــــرا لكم
أنا الغريب ألى ديارى بعيدة
وأنا الغريب ألى فى غربتى ما تهنيت
رغم الجروح الماضية والجديدة وعشرة عمر معها كبرت وتربيت صابر وبصبر والمواجع عديدة عله يتغير الوضع .... ياليت


الساعة الآن 05:17 .