المقادير على حسب اسرتك انا عملت كيلو الا كوبايه و م\ص ملح و ميه حسب العجن انا اخد معايه كوب و نص ميه





ساعه و ده شكلها بعد ما ريجناها على فكره انا عملت من المقدار ده 2 فطير مشلتت و2 فطير حلو


بعدين نقسمها 2 كبار شويه و 2 اصغر و ممكن نخليهم 3 كبار و نصغر 2 التانين و نبتدى نفرد و لو اتقطعت منك







مافيش مشكله و بعد الفرد تكون رقيقه ندهنا بالسمن اللى سايحناه دهن باذمه
وبعدين بدءت اتنيها وكل تانيه ادهنا بالسمنه



لغايه ما نوصل للنهايه نبدأ نلفها من الاخر كده و برضه مع الدهن بالسمن و كل ما تلفى شدى العجين شويه










الطرف الاخير دخليه فى نص الفطيره كده و حطيها فى طبق كبير و سبيها كده











بس كده نسيبها ترتاح لغايه ما نفرد الفطيره التانيه و نعملها زى دى بالزبط و بعدين نفرها يا بالنشابه ( الشوبك)

او بايده نبططها و هى سهله فى تبطيطها باليد و بعدين نحطها على الطاسه او الصاج على الفرن و تكون سخنت و

بعدين نحطها و نوطى النار قوىو كلما كانت الصاجه تخينه يكون احسن و اول ما تبدأتحمر شويه من تحت نقلبها

على الناحيه التانيه و بعدين لما تحمر شويه نرجع نقلب على الناحيه الاولانيه لغايه ماتتحمركده علشان تستوى




براحه و سيبيها ماتستعجليش عليه و كل ما كانت فرده رقيق مش هاتاخد وقت منك فى انها تستوى و دى الصور













ده المشلتت بس نبدأ فى الحلو يا حلوين

ناخد قطعه من اللى قسمناهم الصغيرين و نفرده و نحاول انها تكون مربعه شويه و ندهنها بالسمن و نطبقها من

ناحيه و ندهن و نطبق الناحيه التانيه و ندهن و نحط الحشو كان عندى توفو سكر عملتاه كراميل و ضفنا عليه

قشطه خفق بس مزوده القشطه شويه يعنى سايله شويه و بالملعقه رشيت شويه و بعدين جبت مكسرات و

جرشتهم و معاهم جوز هند و زبيب و م\ك سكر و خلطهم و رشيت الفطيره و طبقتها بالشكل ده و حطيتها فى طبق















وده الشكل النهائى بعد ماسويته زى المشلتت و هى سخنه قطعتها و رشيت عليها التوفو و ممكن نحشيها مربى و

نرش سكر بودره على وش الفطيره و بالهنا و الشفا كمان المشلتت بيتاكل مع احلى شىء العسل الاسود و ممكن

معاه طحينه و يا سلام لو فيه جبنه قريش





بالهنا والشفا
حلوه الطريقه

بس مافيه صوره

تشجع على عمله وتشهي كمان

ولمعرفة الخطوات الصحيحه
الطريقة سهلة لكن مافى صور وتسلم ايديك
اقتباس مشاركة  (فراشة الالماس)
حلوه الطريقه

بس مافيه صوره

تشجع على عمله وتشهي كمان

ولمعرفة الخطوات الصحيحه


جزاك الله ألف خير ويا ريت تكملي معروفك وتظهري لنا الصور عشان نشوفهم


الساعة الآن 08:49 .