السلام عليكم ورحمه الله وبركاته ..

تم اضافه الصور في الرد 222

اخباركم..؟؟ ان شاء الله مبسووووطين ..

الموهيييييييم حبيبات ائلبي .. مالكم بالطويله << والله الظاهر ان سوالفك ما تخلص هع هع

عندنا بين العائله دوريه اسبوعيه .. وكل خميس على وحده فينا

وطبعا مولازم طبخ ونفخ .. ممكن نمشيها سندويشات فلافل والا شاورما والا مولازم عشا خخخخخ << تخيلووا

وذا الاسبوع كان الدور علي وجبت العيد << ياااااااااااااا الهووي يانهار مش فايت << يجي مني مصري يا ملحي ههههههه

وطبعا لي استعدادات قبل العزيمه بكم يوم .. بحكم ان ماعندي شغاله

(( دورت لكم اقتباسات لي في موضوع تجهيز العزايم مالقيته )) اهئ اهئ اهئ

الموهم ..

رتبت البيت وبخرته وجهزته من مجاميييييييعوه قبل العزيمه بيوم

ويوم الخميس الصبح صار لي تشييكات بسيطه على البيت ودخلت المطبخ .. << وماطلعت منه الى الساعه 3 الفجر (( بدون مبالغه )) صدقووووا هههههه

طبعا كان ودي اصور كل العزيمه بس ما قدرت الا العشاء << وهو الاهم

المغرب بخرت بيتي للمره الثالثه على التوالي هههههه وولعت الفواحه (( من زهور الريف )) ونورت البيت بالانوار الخافته << حشى جو رومنسي مو عزيمه خخخخخخخخ

وجهزت على طاوله المجلس مايلي :
قهوه عربي نوعين (( وحده نجديه .. وحده بالقرنفل <العويدي> ))
كيكه نسكافيه ... تمر نوعين ..

والعشاء مايلي :
برياني << بس مو الاصلي من اختراعي هههههه
دجاج بالمشروم والكريمه
ربيان صيني
سلطه قوس الرحمن
سلطه مشكله من اختراعي
ومعكرونه

والحلا :
كريم كراميل
حلا الشتلات

الشاهي:
شاهي ساده
نعناع
زنجبيل

وآآآآخر الضيافه
بخور + عطر

ورجعت اخر شئ صبيت قهوه الين اقضبوا الباب وقالوا كثر الله خيرك وفمان الله
<< وانا طبعا رحت اشوف وين مكان السرير لوووووووول

طبعا راح ابدأ بالصور
بعدين بالروابط
وان لزم الامر شرحت << لا تكلفين على عمرك خخخخخخخخخخ

بسم الله الرحمن الرحيم


هذي صوره السفره جاهزه << وش حلاتها فاضيه خخخخخخخخخ ومثل مانتوا شايفين الخدمه ذاتيه


وهذي صوره العصير اللي سويته طلع جوناااااان


وهنا صوره كامله للعشاء بس نسيت ما اصور المعكرونه


وهنا سلطه قوس الرحمن للغاليه مشاعل السعوديه وتحت الصوره رابط الموضوع ..

http://forum.hawaaworld.com/showthread.php?t=707885

وهنا سلطه مشكله سهله ولذيذه .. وراح اكتب لكم طريقته مع الشرح المفّصل تحت ..


وهنا صوره للدجاج بالكريمه ..


وهنا صوره للربيان الصيني للغاليه أميرة الشوق ورابط الموضوع تحت الصوره ..

http://forum.hawaaworld.com/showthread.php?t=737238

وهنا المعكرونه بس لا تسألون عن الطريقه لان وحده من البنات جابتها



يتبع ....

تـــابع ...

نجي نكمل مع صور اقرب للارز وشرحه


طريقته .. :
انا طبخت 4 دجاجات + 7 كاسات ارز
طبعا الدجاج انصاص ومغسل ومنظف وملمع ههههههههه
حطيته بقدر الضغط والمويه كان مستواها الين غطى كل الدجاج << ترا وربي مااعرف اشرح
وخليته يمكن 10 دقايق الين طلع كل الزفر وشلته ببملعقه وحطيت عليه مكعبين ماجي وشويه ملح وغطيته..

وغسلت الارزم ونقعته بمويه دافيه ومملحه

ويوم استوى الدجاج طلعته ورصيته بصينيه
واخذنت مقدار فنجان شاهي من المرق وحطيته بطاسه وعليه مايلي :
نص ملعقه من (( كركم + كزبره ناشفه + كمون + شويه فلفل + لون اصفر + نص مكعب ماجي ))
وحركته الين طلع لي سائل ثقيل<< مو مره ثقيل.. وحطيته على كل الدجاج وشويت الدجاج بالفرن

وغيرت مويه الارز وصفيته وحطيته على المرق وحطيت عليه 8 حبات هيل و5 حبات قرنفل وعود كبير قرفه واربع قرون فلفل كبيييييييير
وضغطته طبعا بعد ما تأكدت من ملحه ..

وبعدين اخذت 4 روؤس بصل وفرمته وشوحتها بزيت الين ذبلت وحطيت عليها(( نص م لون اصفر وكركم وليمون اسود مطحون ونص مكعب ماجي )) وخليتها الين استوى الارز وحضرته بالصحن
واخذت من الرز مقدار ملعقتين غرف كبير وقلبتها مع البصل
وبعدين رصيت الدجاج على الارز ورشيت الارز المقلقل مع البصل والبهارات على الوجه ..
وبالهنا والعافييييييه

طريقه الدجاج بالكريمه :
استخدمت صحنين صدور دجاج الفقيه
2 فلفل رومي
علبه فطر ( مشروم) مقطع
نص علبه كريمه خفق الكبيره ( المراعي )

قطعت الدجاج والفلفل مكعبات
وحطيت بصينيه شويه زيت وحطيت عليها الدجاج وقلبتها الين نشفت مويتها وقربت تستوي
حطيت عليها الفطر والفلفل وقلبتها لمده 10 دقايق
حطيت م ص ملح وبهارات بيضاء
وحطيت الكريمه وخليتها تطبخ على نار واطيه لمده 10 دقايق الى ربع ساعه
وهنئ وعافييييييييييه


طريقه السلطه :
فاصوليا حمراء
حمص
ذره
زيتون اسود مقطع
ومعكرونه لولبيه مسلوقه

والصوص:
2 زبادي
عصير ليمونه واحده
شويه ملح
ملعقه صغيره بودره الثوم
2 ملعقه مايونيييييز

وعلى الوجه خبز مقلي ..

الحلويات :

هنا صوره كامله للحلويات
الشتلات + كريم كراميل ..


طريقه الكريم كراميل :
3 كاسات مويه
2ظرف كريمه
2فنجان قهوه سكر
2 بيض
شويه فانيليا
10 ملاعق حليب << واذا زاد الذ
علبه قشطه
كلها بالخلاط الكهربائي ( الجك) طبعا وحده من كاسات المويه خليها بالقدر لان الجك ماراح يستوعب كل المقادير ..
وبعدين على النار الين تغلي (( بس موغليان مررررررره )) شووي بس

وحطيها بالقالب اللي تبين اما الكبير او القوالب المفرده .. وبالعافيييييييي ييييييييييييه

وهذا حلا الشتلات للغاليه غرووووومه ورابط الموضوع تحت الصوره

http://forum.hawaaworld.com/showthread.php?t=536860


وان شاء الله اكون وضحت لكم كل شئ
وتكون الصور طالعه
وتهمــــــــــن ي ردودكم << على انى ماراح اشوفها الا بعد اسبوع
واذا الصور مو ظاهره حطوا لي موقع تحميل زين واذا رجعت من السفر ابشروا باللي يجبر خواطركم ..


حاولت اكتب لكم كل شئ لان مسافره لمده اسبووع .. اشووفكم على الف خير
لا إله ألا الله
سبحانك ربي إني كنت من الظالمين
محجوز لامونه ..
لان لولو جايه وراي ترد على الموضوع خخخخخخخ
لا إله ألا الله
سبحانك ربي إني كنت من الظالمين
الله يعطيك العافية
تسلم الايادي

والمستفاد من هذا الموضوع
ان عصافير بطني تنخاج
وتقول نخيتج ما نخيت رخوم

بس الصراحه
شكلها لذيذ ويشهي
شرايج المره الجايه الي يصير عليج العشا تعزميني<<<لا والله من قرب المشوار


تسلم يدينج ويدين البنات الي ماخذه منهم هالطبخات
والله يعطيج ويعطيهم العافيه ان شاءالله
ويتمم عليج
وتولدين بالسلامه باذنه تعالى واسوي تمايم الصغنون<<<ايه مو صرنا اهل الحين
إذا أتتك مذمتي من ناقص ٍ
فهي الشهادة لي بأنِ كاملُ






الساعة الآن 09:44 .