Analysis Services
بناااااااااااااااااااااااااااات الله يجزاكن الخير انا اريد طريقة عشان اضبط الصالونه او مرقةالدجاج ماعرف شو تسمونها انتو ؟؟؟؟؟؟؟؟؟؟؟

اريد استفيد وشكرا ......
24-01-1428 هـ, 11:16 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
up
24-01-1428 هـ, 11:29 مساءً
 
هلا ليته تماني
المرقه سهله قبل تسلقين الدجاج مع الخضار يعني بطاطا كوسا اللي تحبين وتحتفظين بالماي اللي سلقتيه فيه
بعدين تحمسن بصل وشوية ثوم لحد ما يتحمر وتضيفين عليه الدجاج والخضار وتصبين الماي وتضيفين شوي شوي وبعدين تضيفين طماطم وصلصة الطماط وتخلينه على نار هاديه كل ما ينقص الماي تزيدين لحد ما تحسنه خلاص تمام ولا تنسن الملح طبعا وبالعافية
25-01-1428 هـ, 12:31 صباحاً
 
مشكوره اختي رائحة الزيزفون

بس عندي سؤال ماي السلق (الدجاج ) ماراح يكون فيه رائحه وثانيا ما يحتاج ان نخلي الدجاج في الثوم والملح قبل السلق وشكرا
25-01-1428 هـ, 01:25 صباحاً
 
مرحبا الغاليه..
بعطيج طريقه حلوه حق الصالونه..
اول شيء تغسلين الدجاج واتنظفينه واتقطعينه وبعدين تنقعينه في 3 ملاعق ليمون + ملعقة ملح علشان ما تكون ريحته قويه..
في القدر على نار حاميه تقلين البصل واتضيفين (ثوم،زنجبيل مفروم) وتستمرين في التقليب حتى يصير لونهم ذهبي.. تضيفين رشة (هيل +قرفه+زعفران) مطحون علشان يعطيكي رائحه غاويه. بعدين تضيفين الطماطم واتسكرين القدر، حتى يذوب البصل مع الطماطم.
تغسلين الدجاج مره ثانيه واتضيفينه في القدر. ضيفي عليه ملح حسب الرغبه واستمري في التقليب حتى شوي يتحمر الدجاج. بعدين تضيفين م/ص من الفلفل الاحمر المطحون+ كركم مطحون واستمري في التقليب. اذا حابه اتضيفي مكعبات بطاط وبعدين تضيفين 3 كاسات ماء واتسكرين القدر. بعد ما يستوي البطاط ضيفي شوية كزبره+ نعناع مفروم واستمري في التقليب. وبعدين اتخلين الصالونه على نار هادئه حتى تتأكدين ان كل شيء ناضج. وان شاءالله تعجبك.

اذا حابة انواع ثانية من الصالونه.. ترى فالك طيب راسليني على الخاص وما راح اقصر معاج.
وداعة الله
25-01-1428 هـ, 02:43 صباحاً
 


الساعة الآن 10:00 .