Analysis Services
فالج طيب يا عطر المساء شوفي عزيزتي انا عندي وصفات وايد للباف باستري والحين باكتبلج وصفة وجربيها واذا
ضبطت معاك وعجبتك باعطيك الباقي يالله بسم الله نبديء
صرة الدجاج والذرة
دجاجة مسلوقة ومفتته
بقدونس مفروم
ملح وفلفل اسود
حبة فلفل أخضر حار أو اكثر اذا كنتِ تحبين الحار
بصل مفروم
علبة ذرة الحجم الصغير
بيض بقسماط
باكيت باف باستري المقسمة الى مربعات
الطريقة :
يقلى البصل في قليل من الزيت ثم يضاف اليه الدجاج ويقلب ثم يضاف الذرة والبقدونس والفلفل الحار ثم يتبل بالملح والفلفل الاسود
تفرد كل مربعة من الباف باستري ثم تقطع الى اربعة من المربعات الصغيرة
تحشى كل قطعة من الباف باستري بقليل من حشو الدجاج وتلف الاطراف الى الاعلى مثل الصرة ثم توضع الصرة في البيض ثم البقسماط وتوضع قليلاً في الثلاجة لحين قليها
تقلى الصرة في الزيت وتقدم ساخنة .
انشاالله الطريقة وضحت لكِ واي استفسار انا حاضره

مع تحياتي
شوق الشهد
04-03-1424 هـ, 03:05 مساءً
 
حبيبتي وهذي وصفة بسيطة وحلوة دايم نسويها برمضان او مع الشاي والقهوة...

هاتي العجينة وافرديها بعدين قطعيها اربع اقسام مربعة صغيرة ...... بعدين تحطين عليها قطعة صغيرة جبنةكيري وتصفطيها اللي تصير مربع او مستطيل صغيرمسكر.. ورصي الاطراف عشان ماتفتح وادهنيها وبالفرن...... بعدين صبي عليها شيرة ...... وشوفي الطعم كيف؟؟؟؟


تقدرين تفردين المربع الاساسي فرد بسيط وتحشينه جبنه وتلفيه على شكل مثلث كبير............هذي الطريقة الاولى حلوة......



..................


الثانية مالحة........


تفردين العجينه وتقطعيهااربع اقسام..... بعدين تدهنين كل قسم شوي مايونيز...وتحطين عليه شريحة هت دوق او ربع اصبع وبقدونس مقطع. ....وذرة جبن موزاريلا........ بعدين تلفيه وبالفرن.......هذي بعد روعة جربيها.....


وبالعافية......
04-03-1424 هـ, 05:12 مساءً
 
تسلم اياديييييييييييكم

راح اجرب اللي قلتووووووه انشالله

بس تراني طماعه ابي اكثر لووووووووول

وشاكره لكم تعاونكم

ورده لكل وحده منكم
04-03-1424 هـ, 06:10 مساءً
 
مره لقيييييييت ملف كامل لحشوات البف باستري قريته اهني بالمنتدى

ياليت اللي اتعرفه تعطيني الرابط عنه

لاني دورته وما لقيته

وتسلمووووووون
05-03-1424 هـ, 06:59 صباحاً
 
أهلين أختي عطر المساء و الله يمسيك دايم بالخير

هذا هو الرابط و إذا ما فتح معاك تراه موجود في قسم أطباق عالم حواء في الصفحة الخامسة إذا فتحتيه اليوم

http://forum.hawaaworld.com/showthre...threadid=79221

يارب يفتح معاك و تستفيدين منه و لاتنسيني من دعائك.
05-03-1424 هـ, 07:48 صباحاً
 


الساعة الآن 11:15 .