السلام عليكم ورحمة الله وبركاته

اخواتي الغاليات عساكم ع القوه دوم ان شاء الله
بس عندي سؤال اتمنى احصل الجواب بسرعة الله يعافيكم
كنت ادور في الحلويات هني وحصلت طبخة عجبتني بس فيها مقادير ما عرفتها
كتبت السؤال في الموضوع نفسه بس خفت الرد يطول قلت خلني اكتبه في موضوع مستقل لان الطبخه ضاربة في راسي ابغي اسويها
طولتها وهي قصيرة
السؤال:
شوكولاته طبخ
شنو هاذي ؟ ومن وين تنباع واذا عندكم صورة لها يكون احسن
كريمة سائلة
هل هي نفسها كريمة مخفوقة ويبنج كريم او شنو؟
ونفس الشي اذا عندكم صورة لها يكون احسن
ولكم مني جزيل الشكر مقدما

ابقولكم بس لازم يكون لي نصيب من الطبخه خخخخخخخخ

ياقلي اسمعي شوكلاته اطبخ اهي لوح شوكلاته غير محلى يعني مره وتلقينه يالغاليه في الاسواق الكبيره
اذا كنتي من الرياض تلقينه بكارفور
اما الكريمه السائله فهي كريمه الخفق
صح فيه الواح شكولاتة بس اللي تسوينها بالبيت وسايله اوبمعنى اصح( الصوص) او الصلصة هي الشكولاتة البودره المره0 تضيفين 6 ملاعق اكل شكولاتة والسكر حسب الرغبه وتظيفين حليب تقريباً 4 اكواب ماني متاكده بالضبط وبعد التحريك وغليان الشكولاتة تظيفين النشاء ثم الزبدة يم يم ررررررررررروعه
شوكولاتة الطبخ موجودة في اغلب مراكز التسويق
تجدينها في قسم خلطات الكيكة السريعة والفانيليا والدريم ويب
عبارة عن لوح شوكولاتة كبير و عليه صورة قدر فيه شوكولاتة سايحة وبجانبه كيكة
ويوجد منه نوعين غامق وفاتح ( الفرق ما بينهم ان الفاتحة مخففة بالحليب )
وعلى فكرة هذه الشوكولاتة اللي وصفتها محلاة بالسكر
وفيه نوع ثاني عبارة عن شوكولاتة خام ( مرة) برضه موجودة في نفس القسم مستطيلة و قرطاسها شفاف
الكريمة السائلة تلقينها في الثلاجات مع الزبادي والقشطة
في علبة كارتون مصور عليها قشطة مخفوقة ومكتوب كريمة قابلة للخفق
وبالانجليزي whipping creamا
بامكانك صنعها في البيت
فقط اخلطي القشطة مع قليل من الحليب حتى يعطيك قوام شبه سائل


الساعة الآن 03:30 .