انا معكم
وبعد يومين بدخل العاشر
ولي رجعه اقولكم بلالالالاني

مرحبا نبع الأنوثة

يبي لك تترجمين لأخواتنا من القصيمي للعربي هههههههههههههههههههه

بالنسبة لي دوبني دخلت الثامن

التجهيزات :
للبيبي كل شي جهزته الحمدلله طبعاً البركة في ملابس اخوانه اللي قبله

بس رحت مذركير وشريت كوافيل على عدة حمام الطفل بس القماط مالقيته

وبالنسبة لي لسا باروح السوق هاليومين أدور لي كم روب حق النفاس وكم جلابية حق الاستقبال

ايش كمان

باروح للعطار واشتري لوقت الطلق كف مريم لأني جربته في ولادتي السابقه والله فادني كثييييييييييييير ولاراح استغني عنه هالمره
وللنفاس باجيب حلبه ومحلب وكمون ويانسون ورشاد وحبة سوداء ومره
والغسول باستخدم مره مطبوخة مع قشر رمان

بالنسبة للمشي لسا مامشيت بابدأ في نص الثامن ان شاء الله

وشنطة المستشفى باحط فيها ملابس داخليه للبيبي على باربتوزين ومنشفة وكوفالة ومفرش وشامبو وزيت جونسون والباقي على المستشفى وأنا باحط لي روب للرضاعه ومنشفة وملابس داخليه طبعاً ومشط وشامبو وروج وكحل وعطر وأهم شي المره علشان الشمم طبعاً القعده بالمستشفى يوم واحد فقط علشان كذا الأغراض مو لازم تكون كثيرة

وقت الطلق إذا جاني ماراح أطامر للمستشفى من أحس بألم راح انتظر لين يصير بين كل طلقه والثانية عشر دقايق طبعاً لأن المستشفى جنبي يعني ماهنا مسافة تخليني أخاف أولد قبل ماأجيهم

باتبع طريقة التنفس لأن الأوكسجين مهم جداً جداً للطفل والرحم أثناء تقلصاته وعلى فكره إذا قل عليك الأوكسجين ترى الرحم يتعب ويزيد عليكي الألم
والطريقة سهله جداً تاخذي نفس عميق << شهيق لين تحسي الرئتين امتلت وبعدين لاتزفرين مره وحده لا طلعي الهواء شوي شوي كأنك تبين تخلي لهب الشمعه ينحني مو تطفيه
طبعاً التنفس هذا وانتي لسا في بدايات الطلق
وفيه تنفس ثاني اللي يسمونه تنفس سطحي يعني تاخذي كمية كبيرة من الهواء وبعدين شهيق زفير شهيق زفير بدون تعمق في التنفس على نظام واحد وهذا تستخدمينة بس لما تحسين ألم الطلق لين مايجي وقت خروج الطفل

النظام الغذائي:
ماراح أغير عن أول
في الصباح حليب مع حلبة أو حبة سوداء وتمر برشاد ومراصيع أو مفروكة بعسل وسمن
الغداء : مثل خلق الله ماراح أغير اللهم اني أحاول أكثر من السلطة علشان الإمساك
العصرية : طبعاً القهوة لازم في الفنجال كسرة مره والشاي كمون وقرفة ومسمار ورشاد الخلطة هذي رهيبه لتنظيف الرحم واشربها عادي مثل الشاي
العشاء : مرقوق أو شوربة عدس أو شوفان بالحليب اللي يجي بس تكون وجبة خفيفة و سهلة الهضم

بالنسبة للبيبي راح أرضعه طبيعي بإذن الله وإذا احتاج الأمر أعطيه صناعي وأنا أفضل حليب نيتريلون
بس ان شاء الله ماأحتاج له خصوصاً اني فاضية له وماعندي شغل برا البيت

أما التجهيز للضيوف وقت النفاس للآن قاعده أجمع أفكار بس عارفه نفسي في الأخير سلة شوكولاته على تمر وقهوة وصلى الله وسلم على سيدنا محمد

نبوعه الله يرج ابليسك

راجعه لك ان شاء الله

نبوعة الله يقطع عدوانك
موضوعك يبغى له رواقة

وانا مثلك صحيح اني عندي طفل قبل
لكن كنت خبلة وهالمرة ان شاء الله باتسنع

ااااااااااااااااه من التاسع وغرابيل بقعا
انا لي 15 يوم وطاقتن اقصى تسبدي ودي اغمض وافتح والا انا بازتن البزر ومرتاحه
جهزت شنطة المستشفى 3قمصان وغيارات داخليه وشريريبات يدفن رجيلاتي ومره ومحلب وحلتيته
وملابس النونو مابه زود 3غيارات ومهدان وفنايل ام كباس وقبعين
الله يهون علي وعليكن قولن امين
ويفرح نظرتنا بالذريه الصالحه والخلق الحسن
نظامي بالنفاس كل يوم لي شي
نظام مغفص ماله سنع
الله يعدي الايام الجايه على خير
ونسيت اقولكن كاتبتن وصيتي وحاطته بدرج الكمدينه
الله يرزقن حسن الختام
لي عوده انشالله