Analysis Services
السلام عليكم جميعا

حبيت افتح هالموضوع وهو

ماذا طبختي ايوم ؟؟؟
بحيث تدخل كل واحده منا وتقول لنا وش طبخت على الغداء او العشاء وماهي الاصناف بالضبط

حبيت انه يكون ملف خفيف ومتجدد و نستفيد من بعض خصوصا في طريقة اعداد المنيو اليومي من حيث التنويع ومن حيث تقديم اصناف معينه مع بعض بطريقه يمكن ماتكون واحده منا فكرت فيها
ويمكن الكثيرات مننا عندهم وصفات عائليه قد تكون بالنسبه لهم تقليديه لكن جديده على احد ثاني

الموضوع يمكن قديم ومكرر

بس معليش ممكن ننعشه بوصفات جديده وصور مشوقه << فرحانه توها شاريه كاميرا

تكفون لاتفشلوني


انا في انتظاركم

خصوصا اخواتنا المبدعات كريكره - العفه- المسافره وغيرهم



واخيرا


عشان كل يوم نمد فيه سفرتنا ونتجمع مع اهلنا واحبابنا نتذكر اخواننا المسلمين في كل مكان في العالم الي يمرون بكروب ومصائب حرمتهم من كثير من النعم الي نعيشها نحنا كل يوم ومو مقدرين ثمنها
وعشان ندعي لهم بالفرج وندعي لنا ان الله لايغير علينا


04-02-1428 هـ, 01:11 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
كاجو..انا اليوم ماطبخت معزومين وطلعنا بس سويت معاي كيكه وسينبون واخذتهم معاي

اعجبني توقيعك مررره ...تسلمي على الموضوع
04-02-1428 هـ, 01:30 صباحاً
 
ابكون اول واحده ابدا

نحنا عموما غدانا يتالف غالبا من طبق واحد رئيسي فقطططط ...احيانا ونادرا ممكن اضيف طبق جانبي سلطه او شوربه لانني انا وزوجي ما نحب التنويع ..يمكن تستغربون هالشي بس زوجي ما يحب "يلخبط"في الاكل حسب قوله ..حتى لما نروح لمطعم بوفيه مفتوح ناخذ صنفين ثلاثه بالكثير فالحمدلله مرتاحه من الحوسه الله يديم علنا وعليكم نعمته

غدانا اليوم كان

صينية مقلوبه <<< او مقلوبه ما انقلبت على قولة زوجي

طريقتها

قطعي 3بصل شرائح واحمسيها على النار حتى تذبل
اضيفي لها ملح -فلفل- ليمون اسود مطحون - قرفه مطحونه - هيل ناعم وخليها شوي على النار




قطعي بطاطس شرائح
جزر شرائح
ادهني صينية بايركس بشوي زيت وصفي البطاطس والجزر فيها ودخليها الفرن تتحمر من فوق بس




بعدين جيبي باذنجان مقلي وصفيه فوقهم
حطي فلفل بارد مقطع شرائح
رشي ملح وفلفل
افرشي البصل الي حمستيه فوقهم



الان ارجعي احمسي 1 بصله مفرومه على النار مع شوي ثوم مفروم
اضيفي لها دجاج مقطع صغير - ممكن بعض او بدون - انا غالبا استخدم صدور دجاج بس ماكان عندي
احمسي الدجاج حتى يتغير لونه
اضيفي له ملعقه كبيره صلصه + طماطم مفروم + ماجي + بهارات + شوي ماء
واتركيه على نار عاليه ليتسبك



اضيفي الدجاج المتسبك فوق الخضار



الان اسلقي رز مع حبتن هيل وورق غار حتى ينضج
ملاحظه : موشرط يكون الرز ثلاث ارباع استوى انا احب اخليه مستوي بس حب منثور
افرشي الرز فوق الصينيه الي عندك



غطيها بقصدير ودخليها الفرن نص ساعه
وقدميها بالهناء والعافيه

ومعليش من الخبه ما صورتها يوم طلعتها من الفرن


اتمنى المشاركه اعجبتكم

في انتظاركم
04-02-1428 هـ, 01:45 صباحاً
 
الغريبه

هلا وسهلا فيك ياعمري
معليش ماشفت مشاركتك الا تو

نستنى نشوف غداكم بكرا لاتتاخرين علينا

الف شكر لك
04-02-1428 هـ, 01:49 صباحاً
 
ماشاء الله تبارك ...
مشكور على الطبخ الحلوه.....
04-02-1428 هـ, 02:03 صباحاً
 


الساعة الآن 02:49 .