جزاك الله خير يغاليه وان شاء الله يحنن قلوب الرجال علي حريمهم ويعلمو ان ما صابك ماكان ليخطئك وما اخطئك لم يكن ليصيبك

اختي يعلم الله ان كان خاطري أكتب عن هالموضوع وكان ودي أشكر كل زوج صبر على زوجته بأصعب ظروفها وتحمل كل شي عشان هو مؤمن ان نعمة رزق العيال بيد رب العباد ماهو بيد حرمته ولاهو بيد غيرها وأول انسان كنت أبتكلم عنه هو زوجي الغالي أحن من لقيته معاي بهالرحله الصعبه والله ياخواتي أنا عاجزه عن وصف هالانسان وكلما حاولت أتذكر اللي مر من سنين عمري ألقاه في كل لحظه حلوه ماشاء الله عليه كان صابر وفعلا نجح بأصعب امتحان وهو الامتحان اللي تمتحنه كل زوجه واعيه تختبر فيه مدى صبر زوجها وحبه لها وتعلقه بها ماكان ينظر لي أي نظره تقلل من قيمتي كان مثل الدوا ينحط على الجرح يطيب بحياتي معاه ماسمعت منه الا كل خير رغم انه كان متأكد انه سليم والحمدلله ميه الميه وان تأخر الانجاب يمكن انه يتعلق فيني أنا؟؟؟الحمدلله خمس سنين ونص كان صامد رغم كل اللي كان يسمعه من حواليه يو أشتكيله من شي يحاول قد مايقدر انه يواسيني ويخفف عني مرات كنت أشوف نفسي متكدره ومحبطه كان يضمني ويدفيني ويعانقني بكل حب وسبحان الله يخليني أقدر أتجاوز معاناتي والحاله النفسيه السيئه اللي أكون فيها اتذكر كل وقفه وقفها معاي بكل تفاصيلها كم صرف عشاني وكم ضيع من وقته وكم تحمل من كلام أنا كنت أشفق عليه لان كل ربعه اللي تزوجوا من عقبه يابوا عيال ماشاء الله بس الحمدلله كان صامد معاي وتعلمت منه أشياء وايده والله يااختي راعية هالموضوع الحلو لو تكلمت عنه ماأوفيه شي من اللي سواه عشاني لو تميت أكتب عنه طول عمري وكل اللي أتمناه ان رب العالمين يفرحكم مثل مافرح قلبي أنا وزوجي بالنهايه واللي زوجها شوي متعبنها ان شاء الله رب العالمين يعطيه من طاقة هالصبر الجميله اللي كانت مخزونه بأعز انسا على قلبي ؟؟؟؟؟

يا أخواتي يعلم الله اني كتبت هذه الكلمات محبة بكم ,,,,,,لأنياريد منكم ان تدعوا لأزواجكم ان الله يسخرهم لكم مثل ماتدعون بالذريه ,,,,,لأن الزوج نعمه عظيمه
واشكركم جميعا على المرور وتجاوبكم بكلماتكم العذبه ,,,الف شكر

والله اني احببتكم جميعا لذلك احببت ان اتشارك معكم بخاطره مهمه ,,,,الله يسخر لكم ازواجكم ويرزقكم بالذريه الصالحه الباره