ابصراحة بنات انا ابي طريقة شوربة كويكر بالدجاج والشعيرية لاني ما اعرف اسوي شوربة

وعندي عجينة البف باستري وما اعرف شو اسوي فيها لو فيه طريقة ياليت بس انا احب الموالح اكثر ساعدوني

هنا فيه طرق للبف باستري
http://forum.hawaaworld.com/showthread.php?t=783464

وهذا ملف كامل للبف باستري
http://forum.hawaaworld.com/showthread.php?t=346934

االشوربه مادري قصدك كويكر المعروفه؟! ولا وشو
هنا الطريقة المألوفه
http://acookweb.hawaaworld.com/cook....ook&cookid=999
هذه طريقتي إن شاء الله تعجبكِ

أولا : إسلقي الدجاج
إذا نضج الدجاج ، ارفعي قطع الدجاج وأضيفي البطاطا المقطعة مكعبات صغيرة والطماطم المقطعة
وأضيفي الكويكر (الشوفان) ملعقتين أو ثلاث على حسب كمية ماء الدجاج (الصفو)
وإذا نضج البطاطا أضيفي الدجاج (اللي سبق سلقه) بعد تقطيعه شرائح رفيعة
شكرا على اللي ردو علي بس انا ابي شوربة كويكر او اي شوربة تكون طعمها لذيذ
السلام عليكم ورحمة الله وبركاته
وترى السلام سنة يا خواتي ورده واجب جزانا الله وإياكم كل خير

شوفي ياقلبي والله إني كتبت لج هذا اليوم اللي حطيتي فيه موضوعج ويوم خلاص بخلص من الكتابة وتجي بنتي الصغيرة وتمصع السلك من الكهربا وجلست شوي وخلاص ببجي من القهر خخخخخخخخخخخ

والمشكلة ما أقدر أسوي لها شيء صغيرة سنتين ونصف

وهذاني رجعت أكتبها لك مرة ثانية--------------------

بسم الله الرحمن الرحيم

اولاً شوحي بصل وثوم نا عم في شوية زيت وتكونين مقطعة اللحم اللي تبينه دجاج لحم غنم لحم حاشي

وتشوحين اللحمة مع البصل لين تشوفين لونها تغير وهذا ليش ؟؟!!!
عشان ما يطلع لج زفرة على جوانب القدر خلاص بعدها تضيفين الصلصة اللي هي معجون الطماطم وكثريها عشان تصير الشوربة حمراء
وتشوحينها مع اللحمة ثم تضيفين لومي أسود كامل مو مكسر وفلفل أسود حب حسب الرغبة وعود دارسين ((قرفة)) هذا إذا هي لحم دجاج ولا خرفان ومقطعة صغار أما إذا حاشي خلي البهارت لين تستوي اللحمة على الأقل ثم حطيها عشان ما ينهري اللومي ولا الفلفل الأسود
وضيفي الملح وبعدين صبي عليها ماي مغلي لازم خاصة لو هي لحمة حمراء مو دجاج عشان الماء البارد إذا صبيتيه على اللحمة وهي ساخنة تقسى ولا تطيع تستوي بسرعة
المهم خلاص خليها تطبخ لين تستوي اللحمة ولو هي دجاج خليها تفوح فوحين ثلاثة ثم ذوبي الكويكر في صحن غميق شوي بماء دافي وأضيفيه على اللحمة اللي تطبخ بس خذي بالج وطي النار عليها وكل شي حركيها عشان ما تلزق في أسفل القدر وإلافعي الغطاء على جنب القدر شوي عشان ما تفور عليج وإذا بقى 10 دقايق وتخلص ضيفي عليها الشعيرية والفلفل الأخضر والأحمر المتوفر إذا تحبين حار بس مو البارد
وإنتي عاد أوزني الكثافة للشوربة فيه ناس يحبونها غليظة وفيه ناس يحبونها منطلقة شوي
وهي كل ماتتركينها على ناار هاااااااااااااد ية بعد ما تستوي يصير طعمها وريحتها ألذ وأحلى

وسلامتكم وصلى الله على نبينا محمد وعلى أله وصحبه وسلم

إضافة الشوربة هذي تجنن مع الخبز البر المنفوخ ((المصري))



الساعة الآن 02:05 .