أبشري يا لــــــــــــولي

العدس الخاثر :

كأس من العدس الأصفر أو البرتقالي ( أنا أفضل البرتقالي)
ماء ...
لما تحطين العدس في القدر تضعين عليه الماء بحيث يكون الماء أعلى من العدس بسنتيمتر واحد ... وتخلينه على نار بين المتوسطة والهادئة
الين تشوفينه بدا ينهرس

ياخذ له تقريباً ثلث ساعة ممكن تزيد لو زدتي الكمية .. الله أعلم

في هالأثناء كشني بصلة صغيرة مقطعة في قليل من الزيت واذا بدأت تذبل أضيفي طماطة متوسطة مقطعة أيضاً
وأضيفي ملح وقليل من البهارات ... أو ماجي وتستغنين عن الملح والبهارات

غطي الكشنة وخليها على نار هادئة

المهم اذا حسيتي ان العدس خلاص بدا ينهرس ومويته قلت

حطيه في خلاط الطماط مع الكشنة

ورجعيه على النار شوي بس قد انه يحتمي

وقدمية مع الخبز

وبالهناء والعافية

ولو تبين تسألين تفضلي ... لا يردك إلا لسانك

وعلميني اذا جربيته وش يصير عليك

هلا حبيبتي ام دحومي مشكوره ياعمري ماقصرتي حياتي
اختي اذاعندك طريقة حلا سهله وغريبه الحقيني لان دوري في القهوه يوم الأثنين الجاي والمدرسات الله لايوريك كل يوم وحده اجيب حلا احلى من الثاني ومابغى اصير اقلهم تكفين ألحقيني بحلى زين وغريب
ماعليش تراني ماانعطى وجه باااااااااااااااي
أختي لــــــــــــولي

العفووو عيوني

عندي طريقة حلى سهلة على اللي يتعود عليها

الموضوع تلقينه في قسم الحلويات

واذا مااعجبك بتلقين مواضيييع كثيرة وكل حلى احسن من الثاني ماشاء الله

شوفي الموضوع

حلى قهوة " سويسرول بالبسكويت " شكله رااااااااايق ... تعالوا شوفوا ( الصـــــورة )

يالله جربيه وقولي لي رايك
احتي رغد الخير .......انا مرة محتارة ماادري وش اسوى العشاء وابغي غشاء خفيف وحلو

وسويت طبخة حلوة ..23.واعجبت زوجي ...خليني اعطيك الطريقة واذا سويتها واعجبتك ادعيلي


المقادير :
توست بر او ابيض (انا افضل البر لانة صحي والذ)0:2:

حشوة لحم مفروم مع كزبرة او بقدونس +بيضتين مسلوقات ومبشورات+جبن شيدر كرافت الازرق مبشور+كتشب ومايونيز

الطريقة :
سهلة تاحذين التوست وتقطعين الحوايف.. بعدين تدهنين الشريحة باالكاتشب ثم بالمايونيز.. ثم تحطين الحشوة بعد ماتخلطين معها البيض المبشور والجبن تاخذين مقدار ملعقتين كبار تقريبا لكل شريحة.. ثم طبقة ثانية من الخبز ثم تحطينها في حماصة التوست ...لين تصير شقراء وتقرمش وتقطعينها مثلثات...وبلهناااااء والعافييييية


وانا اسوي معها فيمتو .......لذيذ جدا ويذكرني برمضان ::
شعنونتي ... هلا ...
ممكن تعطيني طريقة الشراب اللي قلتي عليه ...
انتظرك ردي بسرعه رجاء ...
تحياتي.. رحيل..
اللهم اغفر وارحم موتانا وموتى المسلمين ..



اللهم متعنا بأسماعنا وأبصارنا وقواتنا أبداً ما أحييتنا واجعله الوارث منا ..


الساعة الآن 08:42 .