انا غلطانه لو لا؟؟

السلام عليكم

اليوم كنت اغسل صحون في المطبخ وجت اخت زوجي وزوجي فتح لها الباب قالت له وين بنتك قال لها بغرفة النوم ..دخل يجيب بنته من غرفة النوم واشوفها رايحة تدخل وراه والصراحة الغرفه معفوسة ومو مرتبة وفراش السرير معفوس لان كنت توني قاعدة من النوم ..من حسيت فيها تبي تدخل الغرفة قلت لها تعالي وين داخلة وسلمت عليها وقلت لها اجلسي في الصالة وانا اجيب لك البنت

والله انفجرت لان اخته هاذي كل جذي اول ماتجي تدخل سيدة لغرفة النوم وبدون احساس او تروح تفتش المطبخ وتفتش الثلاجة ..والله قاهرتني وقلت لازم اضع حد لهم وااتحدى خجلي ..

مره من المرات اخته الثانيه زارتنا هي وبناتها وصديقتها وانا بسرعه غلقت باب الغرفة لان زوجي وبنتي نايمين وقعدتهم بالصالة ..الا اشوفها بسرعه تنط من مكانها وتفتح باب غرفة نومي وتقعد تطالع وتشوف زوجي متمدد على السرير بدون ثياب قالت اوووو زوجك نايم :eek: ..وانا سكتت بس ميته قهر من داخل

مره طلعت كراتين اجهزة كهربائية ارميهم في الزبالة وشافتني وحدة من خوات زوجي وهاذي بعد متزوجة وعندها عيال بالثانوية كانت زايره امها سألتني هذا الكارتون شنو كان فيه والله استغربت من سؤالها :eek: لان شي مايخصها ..قلت لها كان فيه غسالة ..قالت زين والكارتون الثاني شنو كان فيه قلت لها مجففه ..والله استغربت من تدخلها:( والله انا زياراتي لهم قليلة جدا يعني يمكن بالسنة مره وعلاقتي رسمية معاهم لدرجة مااختلط وايد معاهم ولا اتدخل بشي يخصهم ..ليش جذي يتعاملون معاي ؟؟ ابيهم يعاملوني مثل ماانا اعاملهم ويحترموني :(

بصراحة فيه موااااااااااااقف وااااااااااااايد غيرها :09:

.

واهل زوجي يصلون ويخافون الله بس عندهم هالحركات الي تطفش الواحد .:( انا مااقدر انسجم معاهم شنو الحل ماادري