Analysis Services
والله ياحبيبتي احسن شيء تلطعينه ولا تطبخين ولا شي وان بغى قولي خل اهلك يطبخون انا ما اعرف
واتركيه فترة لما تشوفين الحسرة بادية على وجهه ثم اطبخي حلا وقولي انا مشتهيته لي انا وكولي ولا تحسبين انه يبي يجي على طول شوي شوي لما يصير ياكل وهو ساكت
11-02-1428 هـ, 06:55 مساءً
 
انا لاحظت ان زوجي مايحب الحلويات الدسمه
مو مشكله فيها شيره يحبها بس حاجه دسمه مايحبها

ولاحظت انه يفضل الفطاير والبيتزا على الحلويات
عشان كذا الله يعافيه ارييح لي
والفطاير مافيه اسهل منها ولاهي غثيثه
11-02-1428 هـ, 07:31 مساءً
 
ههههههههه اثر الرجال واحد ترى كل الرجال كذا ياكلون وهم ساكتين ولايمدحون شي انا عررفت اخلي رجلي ياكل وينبسط بعد كل ما اسوي شي يقعد يعذرب لين خليتة هاك اليوم يشمر ساعدية ويسوي الكبسة اللي توديك لاقرب مستشفى خخخخ وعقبها صار كل ما اسوي شي ولا يعجبة اذكرة بهاك الكبسة هههههههه يقعد يضحك وياكل وهو ساكت
بعكس ابوة لو تسوي زوجتة اي شي ذبحنا بالمدح تخيلي ذاك اليوم عندهم عزيمة كل شي انا واختي مسوينة يعني فطاير وورق عنب وانواع سلطات وغيرة وهي ماسوت الا الجريش من يوم جلس على السفرة وهو يمدح بالجريش والله الجريش عادي مرة مرة بعد بس هو كذا لو تسوي انشالله شاهي جلس يمدح فية << على فكرة انا واختي ماخذين اخوان >> عاد انا طقيتها زعلة اقول لرجلي ورا مامدحت طبخي مثل ابوك اهئ اهئ لاحياة لمن تنادي
11-02-1428 هـ, 09:26 مساءً
 
أنا كمان زوجي طبعه صعب في الأكل برغم اني طباخه بشهادة كثيرين وهو بطبعه وصلني لمرحلة اني قلت له اذا عجبك كل واذا ماعجبك شوف المطاعم ماليه البلد بس بعدين حزنت عليه وسرت أطبخ صنفين غير الشوربه والسلطه صنف يعجبني وصنف يعجبه (ولاحظوا اني أدرس وعندي أطفال وأطبخ بنفسي)وذا جا يقول رأيه في الصنف تبعه أقوله لاتكمل اذا عجبك كل واذا ماعجبك ترى بيت أهلك قريب والله قاهرني أنا ماأحب أطول لساني عليه وهو أصلا مايسكت بس من جد رفع ضغطي (أول ماتزوجنا كان قلبي رهيف من يوم مايبدأ ينتقد أجلس أبكي على السفره وأقوم وهو يكمل الأكل الي ماعجبه). بس وسلامتكم
11-02-1428 هـ, 10:15 مساءً
 
وش تقولين في الرجال الظاهر كلهم كذا
اول ما تزوجت ما اعرف كوعي من بوعي واسمع من الكلام اللي يسد النفس والان لي ثمان سنين متزوجه والحمد لله تحسنت شي كثير وماااااااازلت اسمع من ذاك الكلام والمدح بس للي يذوقه عند الناس اما اكلي ولا شي وزعلت منه يعني ما تبغى تمدح اكلي كمان لا تمدح اكل الناس وخاصة قدامهم ومن بعدها عين الله عليه لو احط علبة ملح على كاسه رز يقول يهبل والله يعين عليهم
11-02-1428 هـ, 10:36 مساءً
 


الساعة الآن 01:42 .